О́ner • 31 Naýryz, 2020

Aqtóbede Dımashtyń qatysýymen «baqytty bala» festıvali máresine jetti

21 retkórsetildi

Aqtóbe aımaǵynda adam balasynyń balalyq shaǵyn baqytty etýdiń barlyq baǵyttary belgilengen. Mundaı ákelik qamqorlyq olardyń jan-jaqty ósip jetilýine yqpalyn tıgizýde. Osy óńirde tusaýy kesilgen «Baqitty bala» atty balalardyń ashyq vokaldyq festıval baıqaýy - «Bulaq kórseń, kózin ashtyń» basty kórinisi. Qazirgi kezde dástúrge aınala bastaǵan jas jetkinshekterdiń án saıysy óńir brendine aınalyp keledi.

Taıaýda oblys ákimdiginiń jáne Dımash Qudaıbergen men onyń DımashAlı prodıýserlik ortalyǵynyń qoldaýymen ótkizilgen ekinshi festıval-baıqaý márege jetti. Oǵan qatysýǵa álemniń toǵyz elinen 500-den astam ótinish tústi. Sonyń ishinde qazylar alqasy úsh aı ýaqytyn sarp etip, jıyrma balany iriktep aldy. Uzaq ýaqytty talap etken tańdaý olarǵa ońaı tımegen sekildi. Bul jóninde Reseıdiń eńbek sińirgen ánshisi, kompozıtor Vladımır Ezerov «qalaı degende de baıqaýdyń joǵary talaptary oryndalýy tıis. Osy oraıda qazylar alqasynyń músheleri vokaldyq qabiletteri mol, birinen biri ótken balǵyn talanttardy durys tańdap, óz mindetterin adal atqara aldy» degen tilegin bildirdi.

Osy oraıda qazylar alqasynyń múshelerinen shetterinen shoý ındýstrııasynyń jilik maıyn shaǵyp ishken álemge tanymen juldyzdar ekeni balalar festıvaliniń kórkemdik deńgeıin kótere túskeni kámil. Sondaı-aq Ýkraınanyń tanymen ánshisi Aıda Nıkolaıchýk pen áıgili «Golos» tele-jobasynyń júrgizýshisi, grýzın oryndaýshysy Nınısno Beladze táýelsiz ókil retinde shaqyrylǵan. Saraptamalyq top quramyndaǵy Evgenıı Evzerovtyń de ataǵy bir basyna jetedi. Atalǵan quramǵa elimizden Dımash Qudaıbergenniń soýnd-prodıýseri jáne mýzyka kórkemdeýshi Erlan Bekchýrın, tanymal ánshi-kompozıtor Ulyqpan Joldas jáne Dımashtyń ustazy, onyń dara talantyn álemge tanyta bilgen óner ıesi Marat Áıtimov engizilgen.

Olardyń qaı-qaısy da konkýrstyq ótinimder sapasynyń jaqsarǵany jáne jas oryndaýshylardyń vokaldyq deńgeıi óskeni jónindegi ortaq oı-pikirge kelip otyr. Olardyń arasynda halyqaralyq deńgeıde óner kórsetip júrgen jas ulandardyń da mol ekeni «Baqitty bala» básin bıiktete túsedi. Irikteý kezeńiniń basty qorytyndysy Dımash Qudaıbergenniń artynan ergen talantty ini-qaryndastary bar ekenin kórsetip berdi deýge bolady.

Baıqaý qorytyndysynda astanalyq Áıgerim Tileýbek pen Reseıdiń Túmen qalasynan kelgen jas daryn Islam Balkoev bas júldege ıe bolyp, árqaısyna bir mıllıon teńge syılyq berildi. Al birinshi oryn Reseıdiń Týla qalasynan kelgen Marııa Panıýkova men almatylyq Nurlybek Saparbaıdyń enshisine tıdi. Aıta keterlik másele, bas júldeni ıelengen Islam Balkoev Reseıdiń «Pervyı kanal» telearnasynan kórsetiletin «Golos Detı» televızııalyq jobasynan kópshilikke tanymal ekeni málim. Ol baıqaýda eki án oryndady. Onyń biri - «Moıa Ingýshetııa». Islam baıqaýda jeńimpaz bolǵanyna qýanyshty ekenin jasyrmady.

Festıval jeńimpazdary men júldegerlerin marapattaý rásimi kezinde sahnaǵa búgingi qazaq óneriniń jas qyrany Dımash Qudaıbergen kóterilip, baıqaýdy uıymdastyrýshylar men oǵan qatysýshylardyń bárine sát-sapar tilep, jyly yqylasyn bildirdi. Ári kópshiliktiń suraýy men tilegi boıynsha án shyrqady. Sondaı-aq osy kúni aıryqsha talant ıesi - Shalqar qalasynda elektr qýatyna soǵylyp, eki qolynan aıyrylyp qalǵan Damır Fathýlınmen kezdesip, oǵan materıaldyq qoldaý kórsetti. Sóz sońynda «Baqitty bala» ashyq balalar vokaldyq-festıval baıqaýy jas tolqynnyń úlken sahnada óner kórsetýine jol ashatyn jáne qanaty qataıýyna kómegin tıgizetin óner saıysyna aınalyp keledi demekpiz.

 

AQTО́BE

Sońǵy jańalyqtar

Pavlodarda ekobazar ashyldy

Aımaqtar • Keshe

Uqsas jańalyqtar