Aımaqtar • 02 Sáýir, 2020

Elorda ákimi Altaı Kólginov jumys berýshilerge úndeý jasady

25 retkórsetildi

Bul týraly Nur-Sultan qalasy ákimdiginiń baspasóz qyzmeti habarlady.

«Memleket Basshysy Qasym-Jomart Kemeluly Toqaev osyndaı qıyn-qystaý kezde az qamtylǵan jáne ýaqytsha jumyssyz qalǵan adamdardy qoldaý boıynsha naqty sharalar qabyldady. Barlyq jumys berýshilerdi áleýmettik jaýapkershilik tanytýǵa jáne jumyspen qamtý basqarmasyna (57-87-00, 57-88-88), eńbek ınspeksııasyna (55-67-27, 55-68-85) jáne "Atameken" kásipkerler palatasyna (1432) bosaǵan jumys oryndary týraly jedel habarlaýǵa shaqyramyz. Qazir bizge uıymshyldyq tanytyp, áleýmettik álsiz jáne qıyn jaǵdaıǵa tap bolǵan turǵyndarǵa qoldaý kórsetý úshin barlyq kúshimizdi jumyldyrýymyz qajet.

«Jumyspen qamtýdyń jol kartasy» aıasynda birqatar jobalardy júzege asyryp, 15 myń jańa jumys ornyn ashýdy josparlap otyrmyz.

Prezıdenttiń tapsyrmasyna sáıkes, 42,5 myń teńge kóleminde áleýmettik tólem alýshylardyń tizimi uzartyldy. Aqshalaı kómekti Tótenshe jaǵdaı kezinde jumyssyz qalǵan turǵyndar ǵana emes ózin-ózi jumyspen qamtyǵandar da ala alady. Nur-Sultan qalasynda kómek kórsetý bastaldy. 14 myńnan astam ótinish tússe, onyń 3,5 myńǵa jýyǵy qaraldy. Áleýmettik qyzmetkerler kúsheıtilgen jumys rejımine kóshti. Prosester barynsha jeńildetildi. О́tinishti "Elektrondyq úkimet" veb-portalynda "elektrondyq ótinish" servısi, Eńbek mınıstrliginiń telegrambot egov.kz arqyly elektrondyq formatta berýge bolady. Qosymsha aqparat alý úshin jumyspen qamtý jáne áleýmettik qorǵaý basqarmasyna 55-14-87, 55-01-74, 55-69-59, 55-67-12, IKomek109 habarlasýǵa bolady. Karantınge baılanysty barlyq ótinishter ONLAIN rejıminde ǵana  qabyldanady. Tegin azyq-túlik pen turmysqa qajetti zattardy alatyn azamattar sanatynyń tizimi keńeıtildi. TJ kezinde áleýmettik kómekti I,II, III toptaǵy erekshe qajettiligi bar azamattar men balalar, erekshe qajettiligi bar balany kútýmen aınalysatyn ata-analar, sondaı-aq AÁK alýshylar alady. Azamattardyń qaýipsizdigin qamtamasyz etý úshin kómek aqshalaı beriledi. Iаǵnı tizimge engen turǵyndardyń shottaryna 4 AEK – 10 604 teńge aýdaramyz. (aıdyń basynda 2 AEK, aıdyń ortasynda taǵy 2 AEK).

Elbasy Nursultan Ábishuly Nazarbaevtyń tapsyrmasyna sáıkes "Nur Otan" partııasymen birlese otyryp, "Birgemiz" aksııasy aıasynda az qamtylǵan 6 myń otbasyǵa - azyq-túlik pen gıgıenalyq zattar beriledi. 3600 otbasy azyq-túlik sebetin aldy.

Dıspanserlik esepte turǵan egde jastaǵy adamdarǵa ambýlatorııalyq dári-dármekterdi, qorǵanys quraldaryn, azyq-túlikti úıge jetkizip jatyrmyz. Budan basqa, ataýly áleýmettik kómek alatyn otbasylar úshin qosymsha qoldaý sharasy engizildi. 1 jastan 6 jasqa deıingi balalar men mektep jasyndaǵy balalarǵa arnalǵan memlekettik áleýmettik kómek (MÁK) beriledi. Naýryz aıynda memlekettik áleýmettik kómekti 2 myń 600 otbasy aldy – bul 4,5 myń bala. Jyl basynan beri ataýly áleýmettik kómek (AÁK) 3 myń 400 otbasyǵa taǵaıyndaldy. Karantın ýaqytynda tikeleı baılanysty boldyrmaý maqsatynda, eger otbasy quramy, turatyn meken-jaıy jáne tabys deńgeıi ózgermegen jaǵdaıda, AÁK otbasyǵa ótinimsiz beriledi. Mesenattar da úlken kómek kórsetip jatyr. Olardyń osy áleýmettik jaýapkershiligi úshin alǵys bildiremiz. Qurmetti elorda turǵyndary, biz osy kezeńnen birge ótemiz. #BizBirgemiz», - dedi elorda ákimi Altaı Kólginov.

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar