Aımaqtar • 02 Sáýir, 2020

Qaraǵandy oblysynyń QHA músheleri kómekqolyn sozdy

28 retkórsetildi

О́ńirdegi koronavırýspen kúres maıdanyna Qaraǵandy oblysynyń Qazaqstan halqy Assambleıasynyń músheleri de súbeli úles qosýda.

Mysaly, «Qazaqstannyń tatar jáne bashqurt kongresi» respýblıkalyq qoǵamdyq birlestiginiń Qaraǵandy oblysy boıynsha fılıalynyń tóraǵasy Shamıl Osın turmysy tómen otbasylarǵa 12 tonna azyq-túlik pen kókónis taratyp berse, tájik etnomádenı birlestiginiń ókilderi Ánet Baba meshitiniń ortalyq shtabyna azyq-túlik jetkizdi.

Qaraǵandy oblysynyń QHA ókilderi kúlli álem men elimiz óte kúrdeli kezeńdi bastan keshken ýaqytta birlik pen yntymaqtyq tanytýdyń mańyzy zor ekenin aıtady.

Koronavırýs indeti biz úshin ortaq qaýip jáne ol ult nemese dindi tańdamaıdy. Biz, qazaqstandyqtar, kóptegen synaqtardy bastan keshken elmiz. Bul joly da qıyndyqtardy jeńetinimizge kúmán keltirmeımiz, – deıdi olar.

Jasyratyny joq, eldegi tótenshe jaǵdaı menQaraǵandy oblysynda jarııalanǵan karantınniń saldarynan kóptegen azamattar birinshi kezektegi azyq-túlikke degen muqtajdyqtyń zaryn tartyp otyr. Al joǵarydaǵy aıtylǵan kómektiń der kezinde jasalǵan qaıyrymdy is bolǵanyn aıta ketý lázim.

Qaraǵandy oblysynyń QHA ókilderi bul jumystardyń aldaǵy ýaqytta da jalǵasyn tabatynyn aıtady. 

Sońǵy jańalyqtar

Abaı murasy Bishkekte talqylandy

Rýhanııat • Keshe

Uqsas jańalyqtar