Aımaqtar • 04 Sáýir, 2020

Qaraǵandy: jedel ortalyqtyń jumysy qyzyp tur

70 retkórsetildi

Qaraǵandy oblysynda tótenshe jaǵdaı jáne karantın kezindegi óńirdiń jaǵdaıy týraly barlyq aqparat toǵystyrylatyn «Jedel áreket etý ortalyǵy» qurylǵanyn ótken joly habarlaǵan bolatynbyz. 

Búgingi kúnde bul jańa qurylymnyń jumysy qyz-qyz qaınap tur. Keıingi bir táýliktiń ózinde jedel ortalyqtyń jelisin myńnan astam telefon qońyraýy kernegen. Oblys turǵyndarynan kelip túsken bul qońyraýlardy saralar bolsaq, mynadaı jaǵdaıat kóz aldyna jaıylady. Turǵyndar kóbine úsh jaǵdaı týraly surap-bilýge tyrysady eken: olar – koronavırýs boıynsha qazirgi ahýal, áleýmettik qoldaý is-sharalarynyń jaı-japsary jáne karantın aýmaǵynda dittegen jerge qalaı jetýdiń jaıy.

Ortalyqqa basyna neshe túrli problema túsken turǵyndar habarlasýda. Máselen, saıajaı qoǵamdastyǵyndaǵy kúzetshilerdiń azyq-túligi taýsylǵan, ózderi ol jerden shyǵa almaı otyr. Al jas kezinen arbaǵa tańylǵan múgedek karantındik shekteýdiń saldarynan qajetti dári-dármegine qol jetkize almaı otyr eken. Mine, jedel járdem etý ortalyǵy osy jáne basqa da qıyn-qystaý  jaǵdaılarǵa tap bolǵan turǵyndarǵa shama-sharqynsha kómek qolyn sozyp  jatyr.

Mysaly, Temirtaý qalasynda turatyn bir múgedek jan ózine qajetti dári-dármekti tek Qaraǵandydaǵy dárihanadan alyp júrgen. Onyń ústine ol jerde ózi mindetti túrde bolýy kerek eken. «Oblys ortalyǵyndaǵy emhanaǵa tirkerlengenmin. Taksıdi blok-beketten ótkizbeıdi. Ne isteý kerek?», dep habarlasqan ol. Ortalyq qyzmetkerleri máseleni jedel túrde sheshti. Múmkindigi shekteýli jan polısııa qyzmetkerleri bastaǵan kólikpen baryp, qajetti dári-dármegine qol jetkizdi.

Saıajaı qoǵamdastyǵynyń birinde tórt kúzetshi kezekti aýysym bitse de, bir jetideı ýaqyt eshqaıda shyǵa almaı otyrǵandaryn, búginde jeıtin tamaqtarynyń taýsylǵanyn aıtyp ortalyqqa habarlasqan.

Bul másele de oń sheshimin tapty. Kúzetshilerge azyq-túlik jetkizilip, olardy turǵylyqty jerlerine aparyp salý múmkindigi qarastyrylyp jatyr.

Qaraǵandydaǵy «Jedel áreket etý ortalyǵy»  kún-tún demeı, úzilissiz jumys isteıdi. Ony óńirlik jedel shtabtyń ortalyǵy dese de bolady. Jańa qurylymnyń jumysyna koronavırýspen kúreske jumyldyrylǵan barlyq qurylymdar men qyzmetterdiń, atap aıtqanda, polısııa, sanıtarlyq-epıdemıologııalyq qaýipsizdik (SEQ), áskerı, oblystyq densaýlyq saqtaý basqarmasy, oblystyq basqarmalar men departamentterdiń qyzmetkerleri at salysady. Oblysta bolyp jatqan barlyq aqparat osy ortalyqqa kelip túsedi.

 

 

Qaraǵandy oblysy

 

Sońǵy jańalyqtar

Nur-Sultanda eki jańa kópir ashylady

Aımaqtar • Búgin, 09:57

Joldybaıdaǵy jol jóndelmeı tur

Aımaqtar • Búgin, 09:49

Pavlodarda kásiporyndar shyǵyny ótelgen

Aımaqtar • Búgin, 09:42

Zerendi qus fabrıkasy jetilip keledi

Aımaqtar • Búgin, 09:35

Petropavldyq eriktiler qylmyspen kúresedi

Aımaqtar • Búgin, 09:28

Gadjetti jıi súrtken de zııan

Tehnologııa • Búgin, 07:48

Taıaý Shyǵys taǵy da dúrlikti

Álem • Búgin, 07:36

La Lıga 8 maýsymda bastalady

Fýtbol • Búgin, 07:33

Abaı álemin beınelegen arýlar

Abaı • Búgin, 07:22

Munaıshylar áýletiniń tuńǵyshy

Tanym • Búgin, 07:16

Elektrondy qujat kúshine enetin kezeń

Tehnologııa • Búgin, 07:10

Kúngeı men kóleńke

Rýhanııat • Búgin, 07:05

Pákistanda ushaq qulady

Álem • Búgin, 07:05

Abaıtaný – HHI ǵasyr kóginde

Abaı • Búgin, 06:56

Et eksporttaıtyn elde et qymbat...

Ekonomıka • Búgin, 06:50

Bir áýlettiń taǵdyry

Tarıh • Búgin, 06:42

Eń tabysty tennısshi

Tennıs • Búgin, 06:35

Qazaqtyń kúmis kómeı ánshileri

Rýhanııat • Keshe

Uqsas jańalyqtar