Aımaqtar • 04 Sáýir, 2020

Qaraǵandy oblysy onlaın-oqytýǵa daıyn

21 retkórsetildi

Qaraǵandy oblysy ákiminiń orynbasary Abzal Núkenov pen bilim berý basqarmasynyń basshysy Esenǵazy Imanǵalıev tikeleı efırge shyǵyp, oblystyń qashyqtan oqytý tásiline kóshýge daıyn ekenin málimdedi.

Oqýshylardyń basym bóligi IV toqsandy onlaın rejıminde bastaıdy. Bul baǵytta olar gadjettermen jáne ınternetke qoljetimdilikpen qamtamasyz etilipti.

Al alys aýyldardaǵy shaǵyn mektepter burynǵysha jumys isteı beretin kórinedi. Bul sanatqa enetin 123 bilim oshaǵynda 7 624 bala oqıdy eken. Tórtinshi toqsan bastalysymen, atalǵan mektepter eki aýysymda jumys isteıtin bolady. Synyptardyń tolymdylyǵyna qaramastan, kabınettik júıe alynyp tastalady. Budan bólek, bul mektepterdegi sanıtarlyq rejım kúsheıtiledi.

– Sáýirdiń 6-nan bastap oqýshylar arasynda qashyqtan oqytý bastalady. Bul Qazaqstan úshin, biz úshin tyń tájirıbe. Sondyqtan, biz osy jańalyqqa, ásirese, ata-analar tarapynan túsinistikpen qaraýdy suraımyz. Dál qazirgi ýaqytta ata-analardyń basty mindeti – balalarmen, mekteppen jáne muǵalimdermen birge aqparat pen bilimniń paıdaly jáne ónimdi kózderin izdeý jáne qoldaný dep oılaımyn. Bul baǵytta biz birlesip jumys isteýimiz kerek. Qurmetti ata-analar, biz birgemiz! Osy qıyndyqtardy birge ótkeremiz. Eń bastysy – ózderińiz ben jaqyndaryńyzdyń densaýlyǵyna jaýapkershilikpen  qarap,  karantınniń barlyq talaptaryn saqtańyzdar, – dedi Abzal Núkenov.

Oblystyq bilim berý basqarmasynyń basshysy Esenǵazy Imanǵalıev óńirdegi onlaın-oqytý júıesiniń qalaı iske asyrylatyny týraly aıtyp berdi.

– Oblystaǵy 187 198 oqýshy, ıaǵnı jalpy sannyń 94%-y ınteraktıvti platformalarda oqıtyn bolady. Bul sanattaǵy balalar kompıýterlermen, gadjettermen jáne ınternet jelisine qosylý múmkindigimen tolyq qamtamasyz etilgen. Oqýshylardyń 2% nemese 4 619 bala úshin qashyqtan oqytý «El arna» jáne «Balapan» respýblıkalyq arnalarynda televızııalyq sabaqtar arqyly uıymdastyrylady. Bul sabaqtar tek telearnalarda ǵana emes, ınternette de, radıoda da qoljetimdi bolady, – dedi ol.

Sondaı-aq Esenǵazy Imanǵalıev telesabaqtar arqyly bilim alǵan oqýshylarǵa materıaldar men tapsyrmalar poshtamen jiberiletinin atap ótti.

Qaraǵandy oblysynda mektebi joq 125 aýyl bar eken. Onda turatyn 2 105 oqýshynyń 1 477-i qashyqtan bilim alatyn boldy. Búgingi kúnde olar gadjettermen jáne ınternetke qoljetimdilikpen qamtamasyz etilgen. Sonymen qatar, 105 bala oqýdy teledıdardyń kómegimen jalǵastyrady, al olarǵa tapsyrmalar poshta arqyly jiberiledi. Taǵy 453 oqýshy jaqyn mańdaǵy aýyldardaǵy mektepterle oqıtyn bolady. 70 bala týystaryna ýaqytsha kóshirilip, olardyń 15-i qashyqtan jáne 55-i dástúrli túrde bilim alady.

Qashyqtan oqytý kezeńinde aımaqtyń ınternet-provaıderlerimen arada paıdalanýshylardy nóldik teńgerimde bolsa da jeliden ajyratpaý týraly  kelisim bar. Sonymen qatar, BilimMediaGroup jáne DarynOnline bilim berý platformalaryna kirý tegin bolady.

Spıkerlerdiń aıtqanyna sensek, qazirgi ýaqytta oblys boıynsha 12 myń oqýshy men 2 myń ustaz gadjettermen qamtamasyz etilgen eken. Sondaı-aq,  olarǵa 14 myńǵa jýyq mektep kompıýteri ýaqytsha paıdalanýǵa beriledi. Buǵan qosymsha 1049 planshet pen 150 kompıýter satyp alynǵan.

Kópbalaly jáne az qamtylǵan otbasylar da umyt qalmady. Bul sanatqa enetin 1915 oqýshy  demeýshilerdiń qarajaty jáne bıýdjet esebinen ınternet-baılanyspen qamtamasyz etildi.

Eske salar bolsaq, oblysta 1 sáýir kúni 16 myń onlaın-sabaq ótip, oǵan 166 myń oqýshy qatysqan bolatyn. Iаǵnı, óńir pedagogtarynda az da bolsa bul baǵytta tájirıbe bar.

Jalpy, qashyqtan oqytý kezeńinde muǵalimderge skrınder jasap, ótkizilgen sabaqtar týraly esepterdi tapsyrýdyń qajeti joq jáne oqýshylarǵa baǵa qoıylmaıdy.

Brıfıngke qatysqan spıkerler mektep túlekterine arnalǵan emtıhan pishimi men testileý kezeńi burynǵydaı qalatynyn jetkizdi. «Ázirge bul máselege qatysty ózgerister bolatyny týraly áńgime aıtyǵan joq», dep atap ótti olar.

 

Qaraǵandy oblysy

 

Sońǵy jańalyqtar

Nur-Sultanda eki jańa kópir ashylady

Aımaqtar • Búgin, 09:57

Joldybaıdaǵy jol jóndelmeı tur

Aımaqtar • Búgin, 09:49

Pavlodarda kásiporyndar shyǵyny ótelgen

Aımaqtar • Búgin, 09:42

Zerendi qus fabrıkasy jetilip keledi

Aımaqtar • Búgin, 09:35

Petropavldyq eriktiler qylmyspen kúresedi

Aımaqtar • Búgin, 09:28

Saparbaev ákimderge sógis jarııalady

Aımaqtar • Búgin, 09:25

Gadjetti jıi súrtken de zııan

Tehnologııa • Búgin, 07:48

Taıaý Shyǵys taǵy da dúrlikti

Álem • Búgin, 07:36

La Lıga 8 maýsymda bastalady

Fýtbol • Búgin, 07:33

Abaı álemin beınelegen arýlar

Abaı • Búgin, 07:22

Munaıshylar áýletiniń tuńǵyshy

Tanym • Búgin, 07:16

Elektrondy qujat kúshine enetin kezeń

Tehnologııa • Búgin, 07:10

Kúngeı men kóleńke

Rýhanııat • Búgin, 07:05

Pákistanda ushaq qulady

Álem • Búgin, 07:05

Abaıtaný – HHI ǵasyr kóginde

Abaı • Búgin, 06:56

Et eksporttaıtyn elde et qymbat...

Ekonomıka • Búgin, 06:50

Bir áýlettiń taǵdyry

Tarıh • Búgin, 06:42

Eń tabysty tennısshi

Tennıs • Búgin, 06:35

Qazaqtyń kúmis kómeı ánshileri

Rýhanııat • Keshe

Uqsas jańalyqtar