Rýhanııat • 04 Sáýir, 2020

Ishan baǵy qaıta qalpyna keledi

51 retkórsetildi

«Osy jurt Eskendirdi bile me eken» degendeı, búgingi urpaqtyń tarıhı tulǵa deńgeıine deıin kóterile bilgen Dosjannyń kim bolǵanynan habary bar ma eken. Bul rette ol keń baıtaq qazaq jeriniń batys óńirinde qasıetti ıslam dinin dáripteý men taratýǵa ólsheýsiz úles qosqan osy arqyly joǵary dinı mártebe – Ishan ataýyn ıelengenin aıtqanymyz jón. Kezinde onyń atalǵan aımaqta turatyn qazaqtardyń qajylyq saparǵa barýyna uıtqy bola bilgeni, Abaıdyń ákesi Qunanbaı qajymen birlese Mekke-Mádınede meshit salýǵa aralasqany bólek bir dúnıe. Buǵan qosa óz zamanynda Dosjan ıshannyń medrese ashyp, bala oqytqany da tarıhı derekterden jaqsy málim.

Búgingi kúni esimi el aýzynda qalǵan jannyń búgingi Aqtóbe oblysyndaǵy Shubarqudyq stansasynan 3 shaqyrym jerdegi Shıli ózeniniń boıynda jerdi baptap, 10 gektar jerge baý-baqsha egip, el-jurtty otyryqshylyqqa úndegeni de belgili bolyp otyr. Keıin ıshan ekken jemis-jıdek úlken baqqa aınalǵan. Alaıda hazret ómirden ótkennen keıin qunarly aǵashtar qýrap, kútimsiz qalady.

Ol ósirgen baý-baqsha ónimderin tek jergilikti qazaqtar ǵana emes, kórshiles Reseı qalalary men Qazaqstanan kelgen kópester de satyp alatyn bolǵan. Amal qansha, ıshannan kózi jumylǵan soń, joǵaryda aıtylǵandaı aǵashtar shirip, baqtyń aýmaǵy azyp toza bastaıd. Keıin onyń orny jermen jeksen bolyp, jer betinen joıylyp ketedi. О́kinishti-aq. Áıtse de Temir aýdanynyń ákimi Joldas Qalmaǵambetov búgingi kúni Dosjan ıshan ósirgen baqty qaıta qalpyna keltirý jóninde jumystar qolǵa alynǵanyn aıtyp berdi.

Bl úshin Shıli ózeniniń jaǵasynan  jeti gektar jer bólinipti. Oǵan ótken naýryz aıynyń aıaǵynda 282 túp aqqaıyń jáne terek taldar egilse, sáýirde alma, shıe jáne órik aǵashtaryn otyrǵyzý belgilengen. Aýdan basshysynyń aıtýynsha bıyl Dosjan baǵyna 1000 túp aǵash otyrǵyzý josparlanypty.

Bul istiń basy-qasynda aýdandyq orman sharýashylyǵynyń basshysy Qaıyrjan Moldaqulovtyń ózi júrgeni de baqtyń qaıta gúldeýine, onyń ıgiligin el kóretinine senim týǵyzady. Biz osy materıaldy «Egemen.kz» saıtyna ázirleý kezinde ıshannyń tikeleı urpaǵy Asqar Habıbýllın Almaty qalasynda tursa da baqtyń qaıta gúldenýine úlken qoldaý kórsetip júrgenin bildik.

Jasaryp, jaınaı tús, Dosjan ıshan baǵy!

 

Aqtóbe oblysy 

 

Sońǵy jańalyqtar

Qala damýyna qarqyn beredi

Ekonomıka • Búgin, 06:46

Dala danyshpany

Abaı • Búgin, 06:43

Turar Rysqulov tálim alǵan mektep

Tarıh • Búgin, 06:38

Indetti tártip jeńedi

Koronavırýs • Búgin, 06:31

Tyńaıtqysh topyraqty qunarlandyra ma?

Ekologııa • Búgin, 06:27

Abaı murasy Bishkekte talqylandy

Rýhanııat • Keshe

Uqsas jańalyqtar