Aımaqtar • 04 Sáýir, 2020

Kommýnaldyq qyzmet tarıfteri tómendetildi

33 retkórsetildi

Búgingi pandemııa jaǵdaıynda turǵyndardy áleýmettik-turmystyq turǵydan qoldaý jáne olardyń bastaryna túse bastaǵan qarjylyq qıyndyqtardy jeńildetý maqsatynda Aqtóbe aımaǵynda kommýnaldyq qyzmet tarıfteri tómendetildi. Igilikti is oblys ákimdigi men Tabıǵı monopolııalardy retteý departamentiniń birlesken is-qımyl nátıjesinde júzege asty.

Sóıtip, kommýnaldyq qyzmetterge ótken naýryz aıynda eseptelgen tólem somalary oblys ortalyǵynda 20, aýdandarda 5 paıyzǵa tómen bolmaq. Munyń ishinde elektr qýatyn 10 paıyzǵa deıin kemitý týraly shara qabyldandy. Tutastaı alǵanda tótenshe jaǵdaı kezinde tarıfterdi ońtaılandyrý bıýdjet qarajaty esebinen qarjylandyrylatyn kásiporyndarǵa júktelgen. Soǵan sáıkes olar tarıfterdi tómendetip otyr.

Taǵy bir atap óterlik másele, sýmen jabdyqtaý qyzmeti boıynsha oblystyń birqatar aýdanda toptyq jáne lokaldyq jabdyqtaý júıeleri ornatylǵan. Sý berý baǵdarlamasy sheńberinde osy arqyly memlekettik sýbsıdııalandyrý júrgizilgen. Sondyqtan da joǵaryda kórsetilgen jeńildikter bularǵa qarastyrylmaıdy. Sondaı-aq kommýnaldyq qyzmetterdi paıdalanatyn sýbektiler osy saladaǵy kásiporyndarǵa qaryz bolǵan jaǵdaıda qyzmet kórsetýdi toqtatpaý týraly usynymdar joldanǵan.

Atalǵan jumystardy bıýdjet qarajaty esebinen atqarý kózdelgen. Bul úshin 400 mıllıon tenge bólingen.

 

Aqtóbe oblysy

Sońǵy jańalyqtar

Abaı murasy Bishkekte talqylandy

Rýhanııat • Keshe

Uqsas jańalyqtar