Bilim • 04 Sáýir, 2020

Shymkenttegi 213 bilim berý uıymy qashyqtan oqytý formatyna kóshedi

69 retkórsetildi

Búgin aqparattyq-kommýnıkasııalyq ortalyqta ótken baspasóz brıfınginde Shymkent qalasy ákiminiń orynbasary Almasbek Mamytbekov jáne qalalyq Bilim basqarmasynyń basshysy Janat Tájıeva tótenshe jaǵdaıǵa baılanysty onlaın bilim berý júıesinde atqarylyp jatqan jumystar jóninde jan-jaqty baıandady. 

Shymkent oqýshylary úshin tórtinshi toqsan erekshe formatta ótedi. О́ıtkeni eldegi qalyptasqan jaǵdaıǵa baılanysty balalar qashyqtan oqytý júıesine kóship otyr. 

– Mıllıondy qala oqýshylary bilim berý júıesiniń eki baǵyty boıynsha qamtylmaq. Onyń biri - ınternet platforma. Ekinshisi - telarnalar arqyly, bul - eń tıimdi ári ońaı tásil, - dep atap ótti Shymkent qalasy ákiminiń orynbasary Almasbek Mamytbekov baspasóz brıfınginde.

Qalalyq Bilim basqarmasynyń basshysy Janat Tájıevanyń aıtýynsha, Shymkenttegi 147 mekteptiń 25-i - jeke menshik.

– Bilim basqarmasy 222 myńnan astam oqýshynyń materıaldyq jaǵdaıyn saralap, olardy birneshe topqa bóldi. 30364 bala az qamtamyz etilgen otbasydan shyqqan. Onyń 17 myń 616 kompıýter qajettiligi týyndaǵan. Bul máseleni sheshý maqsatynda qala mektepterindegi 10 192 kompıýter oqýshylarǵa taratylyp berildi. Al qalǵan 7424 balaǵa qajetti kompıýter satyp alý úshin respýblıkalyq bıýdjetten 2250,0 mıllıon teńge bólindi. Ol qarjyǵa 9000 kompıýter satyp alýǵa memlekettik satyp alý jumystary uıymdastyrylýda. Bul jýyq arada sheshiledi, - dedi basqarma basshysy.

Qashyqtan oqytý júıesi Qazaqstan úshin tańsyq emes. Alaıda mektep oqýshylary jalpy bundaı jappaı qashyqtan oqytý júıesin birinshi ret qoldanyp otyr. Sondyqtan qıyndyq bolýy zańdylyq. Sala mamandarynyń habarlaýynsha, 17 myńnan astam ustaz tas túıin daıyn otyr. Olar aldyn ala áleýmettik jeliler men memlekettik baǵdarlamalardy kanıkýl kezinde qarady. Jańa oqý toqsanyna qatysty josparlaryn túzip qoıǵan. Ár pán muǵalimi sońǵy toqsanda oqytylýy qajet sabaqtardyń arnaıy kestesin jasaǵan. Bul úıde otyrǵan bara úshin tıimdi. О́ıtkeni ýaqytyn bosqa ótkizbeı sabaq oqıdy.

Ata-anaǵa qıyndyq bolmas úshin qalalyq Bilim basqarmasy arnaıy balalardyń tizimin jasap, úıinde kompıýteri joq kómekke muqtaj balalarǵa mekteptegi kompıýterlerdi jetkizip, ınternet jelisin jalǵatyp beripti. Muqtaj otbasylarǵa onyń aqysyn da tólep bergen. Ol qarjy mektepke tartylǵan ınternetke ketetin shyǵyn esebinen jabylǵan.

- Ustazdardyń sabaǵyn jazyp úlgermegen bala telearnalar arqyly da sabaq oqýyna múmkindigi bar. Respýblıkalyq «Habar» jáne «El Arna» telearnalarynda kúndelikti sabaqtar júredi. Qazir 30 myńnan astam dáris ázirlengen. Ol sabaqtar jergilikti «Aıǵaq», «Ońtústik» jáne «Otyrar» telearnalarynan beriletin bolady. Jalpy bul júıe orta bilim mekemelerinde alǵash ret qoldanylyp otyr. Sondyqtan ustazdar úshin artylǵan jaýapkershilik úlken. Degenmen biz bar kúshimizdi salamyz, - dedi Bilim basqarmasynyń basshysy.

 

ShYMKENT

Sońǵy jańalyqtar

Abaı murasy Bishkekte talqylandy

Rýhanııat • Keshe

Uqsas jańalyqtar