Aımaqtar • 05 Sáýir, 2020

Jambyl oblysynda koronavırýs juqtyrǵan taǵy 17 derek anyqtaldy

252 retkórsetildi

Búgingi kúnge Jambyl oblysynda koronavırýs ınfeksııasyn juqtyrýdyń taǵy 17 deregi tirkeldi. О́ńirde qaýipti indetti juqtyrǵandardyń sany 28-ge jetti. Jambyl oblystyq densaýlyq saqtaý basqarmasynyń basshysy Marat Jumanqulov kúsheıtilgen sanıtarlyq-epıdemııalyq baqylaý sharalarynyń nátıjesinde aýyrǵan adamdar der kezinde anyqtalyp, karantınge ornalastyrylǵanyn jetkizdi. Sonymen qatar, barlyq jaǵdaılar syrttan kelgen jáne olarmen baılanysta bolǵan adamdar qatarynan anyqtalyp otyr eken.

Atap aıtsaq, aǵymdaǵy jyly 3 sáýir kúni «Áýlıe-Ata» áýejaıyna Delı-Taraz baǵytyndaǵy ushaq kelip qonǵan bolatyn. Endi búgin 4 naýqas Úndistan elinen kelgen reıstiń jolaýshylary bolyp otyr. Jolaýshylardyń barlyǵy da ushý jolaǵynan tikeleı arnaıy avtobýstarǵa otyrǵyzylyp, medısına jáne polısııa qyzmetkerleriniń birge júrýimen karantındik stasıonarǵa jatqyzylǵan. Zerthanalyq zertteý nátıjeleri boıynsha 1984, 1996, 1998 jáne 2000 jyldary týǵan 4 jolaýshydan koronavırýstyq ınfeksııa anyqtalǵan. Sondaı-aq, Qordaı aýdanynda da 3 jaǵdaı tirkeldi. Karantındik stasıonardaǵy 1975 jáne 1982 jyly týǵan eki azamat buǵan deıin Nur-Sultan qalasynan kelgen naýqaspen baılanysta bolǵan. Al, anyqtalǵan úshinshi naýqas 23 naýryz kúni «Qostanaı-Almaty» baǵyty arqyly Qostanaı qalasynan kelgen. Ol 1999 jyly týǵan.

Sonymen qatar, Marat Jumanqulov shekara mańyndaǵy ótkizý pýnktterinde kúsheıtilgen sharalarǵa baılanysty Qazaqstanǵa keletin barlyq azamattar, onyń ishinde júk avtokólikteriniń júrgizýshileri karantındik stasıonarǵa ornalastyrylýda ekenin jetkizdi. О́kinishke qaraı, munda 10 adamnan ınfeksııa anyqtalǵan. Onyń 4-eýi Qyrǵyzstan azamaty bolsa, 6-sy Qazaqstan azamaty. Búginde barlyq naýqastar ınfeksııalyq stasıonarǵa ornalastyrylǵan. Olarmen baılanysta bolǵan adamdardy anyqtaý jáne oqshaýlaý, emdelýshilerdiń turǵylyqty jeri men bolǵan jeri boıynsha dezınfeksııalyq óńdeý jumystary júrgizilýde.

Koronavırýs ınfeksııasyn juqtyrý deregi Qordaı aýdanynda biraz tirkeldi. Jańa jaǵdaılardyń tirkelýine baılanysty Jambyl oblysynyń bas memlekettik sanıtarlyq dárigeriniń qaýlysymen Qordaı aýdanynyń aýmaǵynda aǵymdaǵy jyldyń 6 sáýirinen bastap erekshe talaptary bar sharýashylyq jáne ózge de qyzmetterge, sondaı-aq turǵyndar tirshiligine karantın rejimin engizý týraly sheshim qabyldanǵan bolatyn.

 

Jambyl oblysy

 

 

 

   

 

Sońǵy jańalyqtar

Ǵasyr zulmaty

Qoǵam • Búgin, 22:15

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar