Qoǵam • 05 Sáýir, 2020

Aqtóbe oblysy: Tótenshe jaǵdaı eriktilerge de jaýapkershilik júkteıdi

157 retkórsetildi

Pandemııanyń zil-batpan aýyr salmaǵy elimizdegi eriktiler qozǵalysynyń ókilderine jańa, tyń sheshimderdi qabyldaýdy qajet etetini anyq. Osy oraıda olar buǵan deıin ázirlegen jobalary men is-josparlaryn tótenshe jaǵdaı talaptaryna sáıkestendirý ústinde. Osy rette Aqtóbe qalasynda eriktiler qatarynan arnaıy shtab qurylyp, onyń músheleri jaýapty isterdiń bel ortasynda júrgenin aıtý paryz.

Olar qazirgideı kezde qamqorlyq pen kómekti qajet etetin qoǵamnyń osal toptaryna kómek kórsetýde. Sonymen birge turǵyndar arasynda indetiń aldyn alý men odan saqtanýǵa qatysty jan-jaqty túsindirý jumystaryn júrgizýde. Shtab músheleri tarapynan aqparattyq paraqshalar ázirlenip taratylýda. Volonterlerdiń óz qoldarymen tigip, turǵyndarǵa tegin berilgen medısınalyq betperdeler de rızashylyq sezimin týǵyzdy. Mundaı jyly pikirge muqtaj jandarǵa shtab músheleriniń qolymen jetkizilip berilgen azyq-túlik jıyntyǵy men gegıenalyq quraldarǵa qatysty aıtýǵa da bolady.

Aqtóbe oblystyq Jastar resýrstyq ortalyǵynyń basshysy Gúlnar Qabıevanyń aıtýynsha, volonterlerdiń qaıyrymdylyqqa toly is-qımyldary tutastaı óńir boıyna kórinis tabýda.

- Oblys aýdandary arasynda onyń basty legin 19 toptan quralǵan Shalqar aýdanynyń volonterleri bastap keledi. Aımaqtaǵy árbir eriktiler tobynyń ózgeni qaıtalaı bermeıtin ózindik is-josparlary bar. Bular qoǵamdyq ómirdiń san-túrli baǵyttary boıynsha qurylǵan. Áıtse de olardyń báriniń aldyna qoıǵan maqsattary ortaq. Bul qıyn jaǵdaıǵa tap bolǵan áleýmettik toptarǵa qol úshin berý, - deıdi Shalqar aýdandyq Jastar resýrstyq ortalyǵynyń jetekshisi Janna Ábdenova.

Budan bólek oblys aýmaǵynda Qyzylaı qoǵamy oblystyq fılıalynyń volonter jastary men «Antikor» ortalyǵynyń ókilderi qaıyrymdylyq qaǵıdattaryn oıdaǵydaı oryndap júrgeni de oń pikirge ábden laıyqty. Qazirgi kezde oblys aýmaǵynda belgilengen aıyryqsha rejımdegi shekteý sharalaryna baılanysty jeti blok-beket jasaqtaldy. Eriktiler osy oryndarda kúndiz-túni jumys istep júrgen mamandarǵa kómek berýge de bir kisideı jumylǵan.

Bul baǵytta M.Ospanov atyndaǵy Batys Qazaqstan memlekettik medısınalyq ýnıversıtetiniń jas dáriger-rezıdentterinen qurylǵan volonterler toby naǵyz erler men qaharmandarǵa tán is-óımyl tanytýda. Ár aýysymda 14 adamnan turatyn eriktilerdiń jumys tártibi óte tyǵyz, ári hte kúrdeli. Olardyń basty mindetteri belgilengen nusqaýlyqqa sáıkes ruqsat etilgen júrgizýshiler men kásipkerlerge arnaıy qyzmet toptary múshelerine jáne tranzıttik turǵyndardy medısınalyq tekserýlerden ótkizip, qyzýyn ólsheý ári ózge de klınıkalyq ózgeristerdi baıqaý bolyp otyr.

Olardyń jınaǵan aqparattary óz kezeginde taýarlarmen kórsetiletin qyzmetterdiń sapasy men qaýipsizdigin baqylaý departamentiniń mamandaryna joldanady. Máseleniń arǵy jaǵy bekitilgen hattama boıynsha sheshimin tabady.

Aıtalyq, dáriger eriktilerdiń biri Rýslan Araqbaev Aqtóbe-Atyraý avtotrassasy baǵytynda qoıylǵan blok-bekette tutastaı táýlik boıy eki adamnan kezekshilikke turatynyn aıtyp berdi. Jas dáriger-rezıdent otbasyn qurǵan, jas sábıleri bar.

- Rýslan, óz basyńdy bolýy múmkin qaýip-qaterge tigip, blok-beketke medısınalyq kezekshilik jasaýǵa bel býǵan ekensiń. Bul sheshimge ata-anań men zaıybyń qalaı qarady? - dedik biz jas dáriger-volonterge.

Ol bul saýalymyzǵa tosylmaı, tómendegishe jaýap qaıtardy.

- Árıne, olar qazirgi qyzmetime qatty alańdaıdy. Áıtse de tutastaı elimizge qaýip-qater tóndirip otyrǵan indet kezinde osyndaı sheshim alýdy azamattyq paryzym dep eseptedim. Koronavırýs ınfeksııasy taralýyn neǵurlym tezirek tejesek, qalypty ómirge soǵurlym jaqyndaı túsemiz. Buǵan eshqandaı kúmánim joq. Osyndaı óte kúrdeli kezeńde biz  jaı ǵana baqylaýshy bolyp qalǵymyz kelmedi.

Bul - arly sóz, tálimdi de taǵylymdy toqtam. Jas jigittiń júreginiń qalaýy ekenine shek keltire almaımyz.  Rýslanyń oı-tujyrymyna saısaq, ózderimen birge blok-beketterde ýaqytpen sanaspaı kezekshilikte júrgen polısııa men áskerı qyzmetshiler, sanıtarlyq dárigerler men dezınfektor mamandar, atqarýshy bılik ókilderi de dál osylaı oılaıdy. Kezekshilik kezinde bizder bir-birimizben tez ortaq til tabysyp kettik. Aramyzda eshqandaı túsinbestik pen ókpe-renish týyndaǵan emes. árqaısymyz ózimiz atqaratyn mindetterdi tereń sezinip júrmiz dep aıtqym keledi. Aldaǵy ýaqytta da dál solaı bola beretinine senimim mol dep túıindedi ol óz oıyn.

Elimizdiń ár azamaty óziniń áleýmettik jaýapkershiligin jas volonter dáriger-rezıdent Rýslansha sezine alsa, atyń óshkir koronavırýs indetin soǵurlym tezirek jeńip shyǵatynymyz anyq.

 

Aqtóbe oblysy

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar