Aımaqtar • 05 Sáýir, 2020

Aqtóbe oblysy: Turmysy tómen otbasy balalaryna noýtbýkter berildi

38 retkórsetildi

Elimizde jarııalanǵan tótenshe jaǵdaıǵa baılanysty 2019-2020 oqý jyldarynyń sońǵy toqsanyn mektep oqýshylary qashyqtyqtan oqytý tehnologııasy boıynsha bastaǵaly otyr. Soǵan sáıkes Aqtóbe oblysynda 321 mektep jańa formatqa kóshirilse, 81 mektep dástúrli oqýdy odan ári jalǵastyrmaq. Búgingi kúnge deıin oblysta qashyqtyqtan oqytýǵa qatysty barlyq múmkinlikter izdestirilip, ınterneti joq aýyldardaǵy mektep oqýshylarynyń esebi alyndy.

Sondaı-aq olardy kompıýtermen jáne noýtbýktermen qamtamasyz etý jóninde tıisti sharalar belgilendi. Qazirgi qolda bar derekterge qaraǵanda oblystaǵy 300 –den astam eldi-mekenniń basym kópshiliginde ınternet júıesi joq ekeni belgili bolyp otyr. Bul úshin aqtóbelik IT salasynyń mamandary radıobaılanys júıesin ornatýdy qloǵa alǵan-dy. Elimiz boıynsha tuńǵysh ret júzege asqaly otyrǵan qanatqaqty joba oqýshylardyń qashyqtyqtan bilim alýyna oń septigin tıgizedi dep kútilýde. sondaı-aq ınterneti bar jáne ınterneti joq aýyldardyń ózindetıisti qurylǵylar men noýtbýk tapshylyǵy bar ekendigi buǵan deıin anyqtaldy. Sondyqtan da munda qashyqtyqtan bilim alatyn oqýshylarǵa ýaqytsha paıdalaný úshin oblys bıýdjeti esebinen 3000 noýtbýk satyp alyndy. Onyń jalpy quny 480 mıllıon tenge quraıdy.

Al endi oqýlaryn buǵan deıin dástúrli túrde jalǵastyratyn óńirdegi 81 mektep oqýshysy men muǵalimderdiń jaı-kúıi qandaı bolmaq? Olardy koronavırýs ınfeksııasynan saqtandyrý sharalary qalaı júrgizilmek? Atalǵan suraqtarǵa jaýap qaıtarǵan Aqtóbe oblysy ákiminiń orynbasary Meırambek Shermaganbet bul úshin saqtandyrý sharalary jan-jaqty qarastyrylyp, barynsha kúsheıtilgenin aıtyp berdi.

Atalǵan mektep ujymdary betperde, qolǵap jáne ózge de antıseptıkalyq-gegıenalyq quraldarmen jetkilikti túrde qamtamasyz etildi. Ári ony únemi, úzdiksiz jáne turaqty túrde paıdalaný tártipteri túsindirildi. Sonymen birge bul oqý oryndarynda balalardyń birinen-biri belgili bir qashyqtyqa otyrýy, bir-birimen qol berip amandaspaýlary qatań túrde qadaǵalanatyn bolady. Oblystyq bilim basqarmasy tarapynan júktelip otyrǵan talaptar osyndaı dedi ol «Egemen.kz» tilshisine.

Sondaı-aq óńirdegi laýazymdy tulǵanyń aıtýynsha koronavırýs ınfeksııasynan saqtaný sharalaryn alý jóninde ata-analarmen de tyǵyz baılanystar ornatylmaq.

 

Aqtóbe oblysy

Sońǵy jańalyqtar

Abaıtaný – HHI ǵasyr kóginde

Abaı • Búgin, 06:56

Et eksporttaıtyn elde et qymbat...

Ekonomıka • Búgin, 06:50

Bir áýlettiń taǵdyry

Tarıh • Búgin, 06:42

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Uqsas jańalyqtar