Aımaqtar • 06 Sáýir, 2020

Shymkenttik dárigerler merziminen buryn týǵan úshemdi aman alyp qaldy

15 retkórsetildi

Shymkent qalalyq perınataldyq ortalyqtyń dárigerleri merziminen buryn týǵan úshemdi aman alyp qaldy. О́kpesi durys damymaı týǵan nárestelerdiń úsheýi birdeı dúnıege kele sala jasandy tynys alý apparatyna qosylǵan. Bul týraly Shymkent qalalyq densaýlyq saqtaý basqarmasynyń baspasóz qyzmeti habarlady.

Jansaqtaý bóliminde jatqan úshemniń beti beri qarap, bir aıǵa jýyq arnaıy kútim jasaıtyn bólimshede dárigerlerdiń baqylaýynda boldy.  

Bıylǵy jyldyń úshinshi úshemi 16 naýryz kúni Shymkent qalalyq perınataldyq ortalyqta dúnıege kelgen edi. Osy kúni shaqalaqtardyń anasy, 34 jastaǵy Araılym Sembıevaǵa shuǵyl túrde ota jasalǵan.

Aı-kúni tolmaı týǵan sábılerdiń salmaǵy nebári 1,5 kelideı ǵana bolǵan (1350 gramm, 1790 gramm jáne 1910 gramm). Merziminen buryn dúnıege kelgen shaqalaqtardyń jaǵdaıy alǵashqyda aýyr edi deıdi dárigerler. Mamandar ókpesi durys damymaı týǵan nárestelerdi jasandy tynys alý apparatyna qosyp, kútim jasady. Bes kún boıy jansaqtaý bóliminde jatqan úshemniń beti beri qarap, eki aptaǵa jýyq Mıradıl Mırkýrbanov jetekshilik etetin arnaıy kútim jasaıtyn bólimshede dárigerlerdiń baqylaýynda boldy.

Qalalyq perınataldyq ortalyqta kútilgen náresteler osy ýaqyt ishinde salmaq qosyp, jaǵdaılary jaqsardy. Aq halattylardyń biliktiligi men kútiminiń, tynymsyz eńbeginiń nátıjesinde shala týǵan shaqalaqtar aman qalyp, anasy balalaryn baýyryna basty. Tórtinshi ret ana atanǵan 34 jastaǵy Araılym Sembıevanyń jaqyndary sábılerge Medına, Alına jáne Iаsına degen esim berip otyr.

«Qazir olardyń ómirine esh qaýip joq», deıdi mamandar. Buıyrtsa, úshemder men anasy 7 sáýir kúni perzenthanadan shyǵarylmaq.

 

Shymkent

Sońǵy jańalyqtar

Jol qurylysyna monıtorıng júrgizilýde

Aımaqtar • Búgin, 14:45

Shymkenttik 2000 jas jumyspen qamtylady

Aımaqtar • Búgin, 14:01

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Uqsas jańalyqtar