Qazaqstan • 06 Sáýir, 2020

Karantın kezinde et baǵasy qymbattaıdy ma?

176 retkórsetildi

Eldegi tótenshe jaǵdaı kezinde et naryǵyndaǵy jaǵdaı jaqsaryp, suranys artqan. Bul týraly et odaǵynyń basshysy Maqsut Baqtybaev lS-ke bergen suhbatynda aıtady.

Qazirgi jaǵdaıda memleket basshylyǵy tarapynan aýylsharýashylyǵy salasyna aıtarlyqtaı kóńil bólingenimen saladaǵy túıitkildi máseleler áli de bolsa oń sheshim tappaı otyr.

̶ Prezıdent aýyl sharýashylyǵyna basymdyq berdi. Halyqty tolyqtaı arzan azyq-túlikpen qamtamasyz etý qajettigi týyndap otyr. Alaıda jarııalanǵan sharalar bizdiń sektordyń damýyna jan-jaqty jol ashty dep aıtýǵa kelmeıdi. Et naryǵyndaǵy keleńsizdikti joıý úshin birqatar sharalar paketin usyndyq. Oń sheshim jaqyn arada qabyldanady dep úmittenemiz, – dedi et odaǵynyń basshysy.

Onyń aıtýynsha, osydan eki jyl buryn bul saladaǵy fermerlerge 15 jylǵa 4% jeńildikpen nesıe berý baǵdarlamasy iske qosylǵan bolatyn. Sol kezde aýyl sharýashylyǵy qyzmetkerleri múmkindikti belsendi paıdalanǵan. Biraq keıin baǵdarlamanyń sharttary ózgerip, qoljetimdiligi tómendedi, suranys kúrt kemidi. Aýyl sharýashylyǵy salasynyń tamyryna qan júgirtý úshin fermerler óteı alatyn nesıe sharttary usynylý kerektigin aıtady sala mamandary.

Karantın kezinde elimizdegi bas qalalarda syrttan keletin ettiń kólemi kemigendikten bazarlar men saýda ortalyqtaryndaǵa bar ettiń baǵasy aspandap shyǵa keldi. Et satýshylar baǵanyń qambattaýy tapshylyq saldarynan týyndap otyrǵanyn da jasyrmaıdy. M.Baqtıbaevtyń aıtýynsha, sıyr etiniń ósý teńgeniń álsireýine áser etpeıdi.

̶ Mysaly, 2015 jyly teńge álsiredi. Al et baǵasy bir jyldan keıin ǵana qymbattady. Qazirgi jaǵdaıda da baǵa birden qymbattamaıdy, ̶ dep sendirdi odaq basshysy.

Onyń aıtýynsha, aldaǵy ýaqytta sıyr etiniń baǵasy birtindep kóterile bastaıdy. Ásirese, naýqan sanalatyn jeltoqsan-qańtar aılarynda baǵa sharyqtap ketýi ábden múmkin. Qazirgi tótenshe jaǵdaı kezindegi baǵanyń ósýi 5 paıyzdy quraıdy eken.

Eldegi qus eti naryǵy da qalypty deńgeıde. Bazarlar men saýda ortalyqtarynda karantın kezinde qus eti men jumyrtqa baǵasy kılogrammyna 650-700 teńge shamasynda bolady dep kútilýde. Qazirgi ýaqytta etiń bul túrine tapshylyq baıqalmaıdy. Sebebi, qus ósirýshilerde 3,5 myń tonnalyq ónim qory bar. Sondaı-aq, memlekettik rezerv 7 myń tonna et satyp alýdy josparlap otyr.

Sońǵy jańalyqtar

Almatyda keıbir kósheler jabylady. Nege?

Aımaqtar • Búgin, 15:50

Jol qurylysyna monıtorıng júrgizilýde

Aımaqtar • Búgin, 14:45

Shymkenttik 2000 jas jumyspen qamtylady

Aımaqtar • Búgin, 14:01

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

Uqsas jańalyqtar