Qazaqstan • 06 Sáýir, 2020

Kúsheıtilgen rejimge kóshirildi

56 ret kórsetildi

Qazaqstanda tótenshe jaǵdaı rejımin qamtamasyz etý jónindegi is-sharalarǵa alǵashqy kúnnen bastap Qarýly kúshter, sonyń ishinde áýe qorǵanys kúshteride belsendi túrde qatysýda. Nátıjesinde áskerı ushqyshtar da kúsheıtilgen qyzet rejimine kóshirildi.

Olar alǵa qoıylǵan mindetterdi oryndaýǵa únemi daıyn. Qarapaıym jáne kúrdeli meteorologııalyq jaǵdaılarda, kúndiz jáne túnde jolaýshylardy, júkterdi tasymaldaýǵa tıisti ruqsaty bar ushý ekıpajdarynyń táýliktik kezekshiligi uıymdastyryldy.

Tótenshe jaǵdaı kezinde ózderiniń jaýyngerlik daıyndyǵyn áskerı-kólik avıasııasynyń ekıpajdary kórsetti. Jaqynda S-295 ushaqtarynda dezınfeksııalaý, blok beketterde kezekshilikti atqarý, eldi mekenderdi patrýldeý mindetterin oryndaý úshin Qurlyq áskerleri men arnaıy júkterdiń jeke quramyn Lýgovoı jáne Jetigen garnızondarynan Oral, Qostanaı jáne Petropavl qalalaryna aýystyrý qolǵa alyndy. Áskerı ushqyshtar 350-den astam áskerı qyzmetshi men 10 tonnadan astam júk tasymalyn jasady.

– Bizdiń bólimniń avıasııalyq tehnıkasynyń tehnıkalyq jáne jaýyngerlik jaǵdaıy, sondaı-aq ekıpajdyń daıyndyǵy qoıylǵan mindetterdi táýlik boıy jáne kez kelgen meteojaǵdaılarda oryndaýǵa múmkindik beredi. Búgingi kúni bizdiń avıasııalyq bazada tótenshe jaǵdaı kezindegi mindetterdi oryndaý úshin áskerı-kóliktik jáne áskerı avıasııanyń daıyndalǵan ushý quramdary bar. 24 saǵat boıy áskerı ushqyshtar alǵashqy buıryq boıynsha Qazaqstan azamattarynyń densaýlyǵyn saqtaýǵa baǵyttalǵan mindetterdi oryndaý úshin ushýlardy júzege asyrýǵa daıyn, – dedi 53975 áskerı bóliminiń komandıri, polkovnık Nurlan Baıdýlaev.

Sonymen qatar, áskerı-kóliktik avıasııanyń kúshimen elge Qarǵyzstan, Tájikstan, Saýd Arabııasy men Kýveıtten otandastarymyz, sonyń ishinde shet memlekette em qabyldap jatqan balalar evokýasıalandy.

Kenetten týyndaǵan mindetterdi oryndaýǵa ázirlikti ustap turý, sondaı-aq ushý sheberliginiń deńgeıin arttyrý maqsatynda tipti tótenshe jaǵdaı rejimi kezinde de oqý-jattyǵý ushýlary toqtatylmaıdy. Ushqyshtar aptasyna úsh ret tıisti jattyǵýlar men normatıvterdi qamtıtyn ushýlardy oryndaıdy. Árbir ushýdyń aldynda ushý aldy baqylaý daıyndyǵy men ushý aldyndaǵy nusqaýlar júrgiziledi.

Jaýyngerlik daıyndyqpen qatar, áskerı ushqyshtar men avıa-mamandardyń densaýlyq jaǵdaıy da baqylaýda. Olar koronavırýs sımptomdarymen jáne sanıtarlyq-gıgıenalyq normalarmen tanysqan. Densaýlyq qaýipsizdigin qamtamasyz etý maqsatynda ushý jáne ınjenerlik-tehnıkalyq quramdar kún saıyn medısınalyq tekserýden ótedi.

Áskerı medısına qyzmetkerleri men bıologııalyq qorǵaý bólimsheleri avıasııalyq tehnıkany, kazarmalyq úı-jaılardy, oqý synyptaryn arnaıy eritindilerimen kúndelikti sanıtarııalyq jáne dezınfeksııalyq óńdeýden ótkizedi.

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar