Saıasat • 07 Sáýir, 2020

Jemqorlyqpen kúres jalǵasyn tabýda

13 retkórsetildi

Sybaılas jemqorlyqqa qarsy kúres jáne aldyn alý sharalaryn ótkizý, ony túbegeıli joıý – memleket saıasatynyń basty baǵyttarynyń biri. О́rkenıetti qoǵam qurý árbir adamnyń mindetine jata­tyndyqtan, qoǵamda ádildik, parasattylyq, senim ustanymyn alǵa tartý – memlekettik organ­dar­dyń ǵana emes, eldegi azamattardyń da paryzy.

Qazirgi tańda Sybaılas jemqorlyqty túbegeıli joıý sharalaryn júzege asyrýǵa qatysýǵa da­ıyn azamattar sany artýda. Izgilikti tý etken qoǵam belsendileri de buqaraǵa jaqyn bolýǵa umtylyp jatyr. О́z kezeginde departament janynan qurylǵan «Mańǵystaý – adaldyq alańy», Arnaıy monıtorıngtik top pen Aqparattyq-aǵartý shtaby quramyndaǵy qoǵam belsendileri azamattarǵa kómek berip, qyzmet kórsetip otyr. El Prezıdenti Q.Toqaevtyń halyqqa Joldaýynda «Halyq únine qulaq asatyn memleket» tujyrymdamasyn iske asyrý maqsatynda respýblıka boıynsha barlyq departament janynan «ANTIKOR ORTALYǴY» ashylyp, óz qyzmetterin bastap ketti.

Atalǵan ortalyq Mańǵystaý oblysynda da halyq ıgiligi úshin paıdalanýǵa berildi. Ashylǵanyna az ǵana ýaqyt ótse de ortalyq halyqtyń emin-erkin pikir almasyp, keleli máselelerdi sheshý maqsatynda keńesý alańyna aınalyp otyr. Osy oraıda qoǵammen baılanys­ty nyǵaıtý jolynda ANTIKOR ORTALYǴY aptanyń ár kúninde azamattardyń aryz-shaǵymdary boıynsha qabyldaý ótkizip, aı saıyn quqyqtyq keńes berip otyrady. Atalǵan qyzmet aıasynda «Halyq zańgeri» jáne «Adal kómek» aksııalary dástúrli túrde júrgiziledi. ANTICOR ORTALYǴY ashylǵannan bas­tap aksııalar boıynsha 19 azamattyń máselesi qaraldy jáne keńes berildi.

Sybaılas jemqorlyqty joıý is-áreketteri halyqpen birlese otyryp júrgizilgende ǵana nátıjeli bolady. Osyǵan oraı, memlekettik jáne kvazımemlekettik mekemelerdiń basshylary men jeke quramdary sybaılas jemqorlyqqa tózbeýshilikti kórsetetin minez-qulyqtardy qalyptastyrý jáne nyǵaıtýǵa baǵyttalǵan semınarlarymyzǵa qatysady, kókeılerindegi suraqtarǵa jaýap alady. Osylaısha, izgi qoǵamnyń basty sharty «adaldyq», «adam quqyǵy men bostandyǵy», «ar» jáne «adamgershilik» qundylyqtaryn aldyńǵy orynǵa shyǵarýǵa atsalysamyz.

Ulttyń bolashaǵy men qozǵaýshy kúshi jastar bolǵandyqtan, olardyń sybaılas jemqorlyqqa qarsy sanasyn qalyptastyrýǵa tıistimiz. Jyl basynan beri óńirdegi JOO men kolledjderde oqıtyn jas býyndar úshin jemqorlyqtyń teris saldaryn túsindirý men óz quqyqtaryn qorǵaı alýǵa daǵdylandyrý maqsatynda kezdesýler men is-sharalar uıymdastyrylyp otyr. Máselen, oblys boıynsha bilim berý uıymdarynda 112 «Adaldyq dúkeni» jumys istep tur. Bul joba jastardyń ózderin adal adam retinde tanýǵa múmkindik beredi jáne ádil ári senimdi qoǵam qurýǵa yqpal ete alady.

Sybaılas jemqorlyqty túbegeıli joıý – árbir aza­mat­tyń mindeti. Osy maqsatta Qazaqstan Res­pýb­lı­kasynyń 2015-2025 jyldarǵa arnalǵan Sybaılas jemqor­lyqqa qarsy strategııasyn iske asyrý úshin birl­­­­esip jumys atqarý maqsatynda oblystyq Bilim basqarmasy, Taýarlar jáne qyz­met sapasy men qaýipsizdigin baqylaý departamenti, «Mań­ǵystaý-medıa» JShS, Ádilet departamenti me­morandýmǵa qol qoıyp, birge is-sharalar atqaryp ke­ledi. Biz atalǵan is-sharalardy júzege asyrý jáne qoǵamda sybaılas jemqorlyqqa múldem tóz­beýshilik pozısııasyn ustaný arqyly sybaılas jem­qor­lyq jeńemiz dep senemin.

 

Bolat JYLQYBAEV,

Sybaılas jemqorlyqqa qarsy is-qımyl agenttigi Mańǵystaý oblysy boıynsha departamentiniń basshysy

 

Mańǵystaý oblysy

 

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar