Qoǵam • 07 Sáýir, 2020

Senimge serpin bergen málimdeme

35 retkórsetildi

«Handa qyryq kisiniń aqyly bar» deıdi halyq danalyǵy. Tarıh kóshiniń daýyly men jaýynynda, seli men seńinde, órti men dertinde kónermegen osy esti sózdiń bir kórkem kórinisi boldy. Qazaqstan Respýblıkasynyń Prezıdenti Qasym-Jomart Kemeluly Toqaevtyń málimdemesin aıtyp otyrmyn. О́mirdiń ózekti, ótkir máseleleri kemel oımen keńinen qamtylǵan bul málimdeme búgini bekem halyqtyń jarqyn keleshekke degen senimine qýatty serpin berdi.

Adamnyń aqyl-parasaty, aldaǵyny kórip, alysty boljaıtyn alǵyr oıly kemeńgerligi syn saǵattarda synalady. Týysy bólek bekzat tulǵalar oqys oqıǵa, qıyn jaǵdaılarda asyp-saspaı, asqan aqyldylyqpen shuǵyl ári durys sheshim qabyldap, jedel áreket jasaıdy. Aıtyp kelmegen alapat apat – koronavırýs álemdik pandemııasy tym tez tarap, dúnıe júzin ábigerge salyp, alpaýyt derjavalardyń basshylary da abyrjyp qalǵan qysyltaıańda Qazaqstan Prezıdenti Qasym-Jomart Kemeluly Toqaev óziniń týmysy bólek bekzat tulǵalyǵyn tanytyp, biraz memleketterden buryn jedel ári óte durys she­shim qabyldap, elimizde tó­tenshe jaǵdaı jarııalady. Bul asa qaýipti derttiń aldyn alýǵa, onyń keń taramaýyna senimdi tosqaýyl bolary anyq.

О́zim turyp jatqan Alma­ty­nyń kireberisine 27 blok-bekettiń qoıylýy, azyq-túlik ónimderi men dárilik zattardy satatyn oryn­dardan basqa iri saýda, oıyn-saýyq ortalyqtary men saýda úıleri jumysynyń toqtatylýy, taǵy basqa da sharalar halyqty asa qaterli, óte juq­paly dertten saqtaý úshin qa­byl­danǵan birden-bir durys sheshim.

Jaratqan ıemniń meıirimi túsip erekshe jaratylǵan aqyl-parasat ıeleri nebir qıyn kezde de qıyndyqtan qııýyn taýyp, qatty shıelengen túıinderdi de tarqata alady. Sonyń myqty bir mysaly Qazaqstan Prezıdentiniń biraz memleketterden buryn qı­myldap, erterek elimizde tó­ten­she jaǵdaı jarııalap, oqı­ǵanyń aldyn alyp, ýaqyttan ozǵandyǵynan kórinis tapty.

Qasym-Jomart Kemeluly aıtqandaı: «Eń bastysy shy­dam­dylyq, tózimdilik tanytaıyq».

Solomon aıtqandaı: «Bul da ótedi».

Aman bolaıyq.

 

Sábıt DOSANOV,

Memlekettik syılyqtyń laýreaty

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar