Qoǵam • 07 Sáýir, 2020

Bıyl 12 600 otbasyny jalǵa beriletin turǵyn úımen qamtý kózdelgen - Q. О́skenbaev

16 retkórsetildi

Premer-Mınıstr Asqar Mamınniń tóraǵalyǵymen ótken selektorlyq otyrysta «Nurly jer» memlekettik baǵdarlamasynyń iske asyrylý barysy qaraldy. Indýstrııa jáne ınfraqurylymdyq damý birinshi vıse-mınıstri Qaıyrbek О́skenbaev baıandama jasady. Bul týraly Premer-Mınıstrdiń baspasóz qyzmeti habarlady.

Bıyl «Nurly jer» baǵdarlamasynyń aıasynda 15 mln sharshy metr nemese 150 myń turǵyn úı salý josparlanǵan. Memlekettik ınvestısııalar esebinen áleýmettik jalǵa beriletin jáne kredıttik 38 300 páter (2,2 mln sharshy metr) satyp alynady jáne salynady.

Onyń ishinde satyp alý quqyǵynsyz jalǵa beriletin turǵyn úı salýǵa jáne satyp alýǵa 90 mlrd teńge kózdelgen.

Jalǵa beriletin turǵyn úımen 12 600 otbasyny qamtamasyz etý josparlanǵan, sonyń ishinde:

  • 6 000 kóp balaly otbasy;
  • 1 000 jas maman;
  • 5 600 halyqtyń áleýmettik osal toptarynyń sanatyna jatatyn kezekte turǵandar. 

Q. О́skenbaev habarlaǵandaı, kredıttik turǵyn úı qurylysyna 2017 jyldan bastap 207 mlrd teńge baǵyttaldy. Bul qarajat ákimdikterde revolverlik negizde aınalymda, sonyń ishinde jyl saıyn shamamen 101 mlrd teńgege turǵyn úıdi paıdalanýǵa berýdi qamtamasyz etedi.

«Memleket basshysynyń tapsyrmasy boıynsha Ulttyq Bank daǵdarys kezinde qurylys salasyn qoldaý jáne halyqty jumyspen qamtý úshin 180 mlrd teńge qosymsha bóldi. Osy qarajatty alý úshin ákimdikter oblıgasııalar shyǵarýǵa daıyndalyp jatyr. Oblıgasııalar shyǵarý 7 sáýirge josparlanǵan», — dedi ındýstrııa jáne ınfraqurylymdyq damý birinshi vıse-mınıstri. 

4 óńir (Nur-Sultan qalasy, Jambyl, Qyzylorda, Qostanaı oblystary) oblıgasııalardy satyp alýǵa daıyn, 12 óńir iske asyryp jatyr. Barlyǵy kredıttik turǵyn úımen 25 700 otbasy qamtamasyz etiletin bolady.

«Turǵyn úı qurylys jınaq banki aǵymdaǵy jyly 49 mlrd teńge esebinen kóp balaly otbasylarǵa, tolyq emes otbasylarǵa jáne múgedek balalary bar otbasylarǵa jyldyǵy 2%-ben jeńildikti qaryzdar berýdi jalǵastyrady. Turǵyn úı jaǵdaılaryn 5 myń azamat jaqsartady. Búgingi kúni Turǵyn úı qurylys jınaq banki 2019 jyldan bastap 49,3 mlrd teńge somasyna 4955 qaryz bergen», — dedi Q. О́skenbaev.

 Búgingi kúni ekonomıkanyń turaqtylyǵyn qamtamasyz etý jáne jumys oryndaryn saqtaý aıasynda «Nurly jer» baǵdarlamasyna ózgerister engizý týraly qaýlynyń jobasy ázirlendi. Negizgi ózgerister memlekettik-jekeshelik áriptestik tetigin engizý bóliginde pılottyq jobany iske asyrýǵa, qarjylandyrýdy 180 mlrd. teńgege ulǵaıtýǵa, 1 sharshy metr úshin qurylystyń shekti qunyn arttyrýǵa jáne kredıttik turǵyn úı boıynsha nátıjeler kórsetkishterin túzetýge baılanysty.

«Otandyq qurylysty qoldaý kezinde qurylys ındýstrııasyna erekshe mán beriledi. Búgingi kúni qurylys ónimderi naryǵynda negizgi materıaldarǵa qajettilik 669 mlrd teńgeni quraıdy. 330 mlrd teńgege ónim óndirilip jatyr. Importty almastyrý jumysy sheńberinde 33 jańa joba iske asyrylyp jatyr. Osy kásiporyndar iske qosylǵannan keıin ımporttyń úlesi 54%-ǵa tómendeıdi», — dedi Q. О́skenbaev.

Sonymen qatar tabaqty shynyǵa qajettilikti jabý úshin Qyzylorda oblysynda quny 32 mlrd. teńge bolatyn shyny zaýyty salynyp jatyr. Qosymsha Nur-Sultan qalasynda quny 13 mlrd teńge bolatyn polıetılendi qubyr óndirisi iske qosyldy («Kerim plastik pipes» JShS). Keramıka óndirisi («Zerde keramıka Aqtóbe» JShS) 26 mlrd teńgege jáne armatýra óndirisi 40 mlrd teńgege («Taraz armatýra zaýyty» JShS) ulǵaıady. Qosymsha iri qurylys kompanııalarymen jáne «Samuryq-Qazyna» ulttyq ál-aýqat qory» AQ-men birlesip «Qarapaıym zattar ekonomıkasy» baǵdarlamasy aıasynda 100% ımport almastyratyn otqa tózimdi kirpish, jabyn materıaldary, sanfaıans jáne lak-boıaý buıymdary óndirisi jobalaryn iske qosý máselesi pysyqtalyp jatyr.

Búgingi kúni qurylys salasyna jáne aralas salalarǵa (qurylys ındýstrııasy, logıstıka, saýda, qyzmet kórsetý jáne t.b.) shamamen 642 myń qazaqstandyq tartylǵan.

Turǵyn úı qurylysynyń pılottyq jobasy boıynsha qosymsha bólingen qarajat sheńberinde 15 myń jumys orny qurylyp jatyr. Qurylys ındýstrııasynda 29 myńnan astam azamat jumysqa ornalasty. Importty almastyratyn 33 kásiporynda shamamen 8 myń jumysshy eńbek etetin bolady.

«Ásirese, ońtústik óńirlerde qurylys maýsymy bastaldy. Qurylys jumystary qarqyndy júrgizilýi tıis. Al keıbir óńirler keıinirek qarjylandyrýdy kózdep otyr. Bul nysandardy ýaqytyly paıdalanýǵa berýge teris yqpalyn tıgizedi. О́ńirlerdi jumystardy jedeldetip, turǵyn úılerdi paıdalanýǵa berý boıynsha josparly kórsetkishterdi qamtamasyz etýdi suraımyn», - dep qosty Premer-Mınıstrdiń Orynbasary Roman Sklıar. 

Onyń aıtýynsha, ákimdikter oblıgasııalardy satyp, «Báıterek» UBH» AQ-ynan qarjy alýǵa ázir bolýy tıis. Alaıda óńirler uıymdastyrýshylyq máselelerin áli kúnge deıin tolyq pysyqtap úlgergen joq. О́ńirlerdiń aınalymynda «Báıterek» UBH» AQ-ynan turǵyn úı salýǵa tartylǵan qarajat bar, biraq olar mindettemelerin óteýge tartý týraly ótinish bildirgen joq. Buǵan jol berýge bolmaıdy, sebebi bul qarajattyń aınalýy men turǵyn úıdiń paıdalanýǵa berilýine yqpal etedi. Baǵdarlama talaptaryn múltiksiz saqtaý qajet. 

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar