Aımaqtar • 07 Sáýir, 2020

Karantın kartınasy (Trıptıh)  

367 retkórsetildi

Oıbaı, betperdemdi umytyp barady ekem ǵoı. Kıip alaıyn...

 Men Imbırmin

 Túk túsinsem buıyrmasyn?!

Myna adamdarǵa ne bolǵan ózi?!

Eki aı buryn kókónisterdiń arasynda túkke kereksiz, eshkimge qajetsiz bolyp eleýsiz jatýshy edim. Myna naýryz aıy bastalǵaly adamdar bizge kezekke turyp, jasy bar, jasamysy bar, pyshaq ústinen talap áketetin boldy. Jo-joq, ımbır degen dardaı atymyz bar ǵoı. Nesin jasyraıyq, «ımmýnıtetimizdi kóteredi» dep buryn da bizdi satyp alýshylar bolatyn. Kópshiligi qartań kisiler edi. Biraq qazirgideı tym kóp emes edi. Oıbaı, qazir bizdi kim almaı jatyr?! Tipti, baǵamyzǵa qaramaı satyp alatyn boldy. Buryn qunymyz myń teńgeniń ar jaq-ber jaǵynda edi. Qazir eki, ekińiz ne, baǵamyz úsh-tórt esege ósip, aldymyz 10 myńǵa deıin jetip jyǵylypty. Bárin qoıyńyzshy, biz týraly el arasynda túrli ázilder de shyǵa bastapty. Bizdi tipti dollarǵa teńep: «Imbırdiń kýrsy qanshadan bolyp tur eken?» dep ázildegen bolyp kelekege aınaldyryp jatqandar da bar kórinedi. Olardyń oıynsha, biz vırýsqa qarsy taptyrmaıtyn em ekenbiz, adamnyń ál-qýatyn arttyryp, Alpamystaı aıryqsha erekshe kúsh beredi ekenbiz-mys. Oı, deseńizshi. Osyny adamdar buryn nege bilmegen eken, á?! Jaraıdy, «eshten kesh jaqsy».  

Aıtpaqshy, bizdiń qudaıy kórshilerimiz lımon men sarymsaqtyń da baǵasy aspandap ketipti. Aspandaǵanyńyz ne, dúken sórelerinen ıtpen izdep júrip áreń tabasyz. «Buryn kóp adam meni mensinbeýshi edi. «Aýzymyzdy sasytady, ıisi jaman qurǵyrdyń» dep jıirkenip, úılerine úsh-tórt daraǵyn ǵana alýshy edi. Tek soǵym kezinde ǵana qadirimizdi bilip, kelilep alatyn. Basqa kezde azyq-túlik dúńgirshekterinde aılap-jyldap jatýshy edik. Soǵan ózimiz úırenip te qalyp edik» deıdi osy joly qudaıy kórshim ań-tań bolyp.

Nesin aıtasyz, álgi lımon kórshimizdiń bizben sóılesýge murshasy joq. Murnynan shanshylyp júr. Buryn asyqpaı jata-jastana sóılesýshi edik. Onyń baǵasy da eki-úsh esege ósipti. Biraq endi maqtandy demeńizder, tamyrdyń aty qansha degenmen tamyr ǵoı, sarymsaq ta, lımon da ázirge menen oq boıy qalyp tur. Áı, maǵan jete de qoımas. Jaqsy, osymen, sizdermen ázirge qoshtasamyn. Mine, taǵy bir alýshy kelip tur. Kim biledi, búgin taǵy baǵama baǵa qosylyp, aıdy aspanǵa shyǵaryp, 15 myńǵa ótip ketermin. 

 

Men Saýdagermin

Kókónis, jemis-jıdek satqanym qandaı jaqsy bolǵan, á?!

Áıtpese álgi keıbir tanys kásipkerlerim qusap, qý tizemdi qushaqtap, mende úıde otyrar ma edim. 42 myń teńge deı me?! Qazir olardyń sonymen esteri shyǵyp jatyr eken. Maǵan sol 42 myńnyń qajeti de joq-aý. Janymdy qınamaı, tórt-bes keli ımbır satyp-aq tappaımyn ba, á?! Álde, ne bolsa da, sol 42 myńǵa ótinish berip kórsem be eken?! Eldiń bári alyp jatyr ǵoı...

Osy adamdar qyzyq?! Internetten qaıdaǵy-jaıdaǵy birdeńelerdi oqyp alady da, áı, kelip bizdiń esimizdi shyǵarady. Keıbir kisiler: «Myna satýshylar ońbaǵan, qanaǵatsyz, toıymsyz. Túk kórmegendeı, ımbırdi 10 myńnan, sarymsaqty 4 myńnan, lımondy 3 myńnan satyp jatyr jantalasyp. Uıat joq eken ózderinde» dep bizdi jerden alyp, jerge salyp jatqan kórinedi. О́tteri jarylyp ketse de aıtaıyn, túk kórmegen ózderi. Sol kisiler bizdiń emes, ózderiniń toıymsyz, qanaǵatsyz ekenin bilmeıdi-aý. Olar osylaı quddy bir erteń aqyrzaman bolatyndaı jantalasyp, adamdy shoshytyp, bizge kelmese, ımbırdiń de, lımonnyń da, basqa da dúnıelerdiń baǵasy óz qalpynda turar edi. Bizdiń kinámiz qansha?! Bárine adamdardyń ózderi kináli.

Bir qyzyǵy, «Memleket qaıda qarap otyr, baǵany baqylamaı?» dep osyǵan memleketti kinálap jatqan kisiler de bar eken. Memleket demekshi, myna ımbır de, lımon da, sarymsaq ta abyroı bolǵanda, memleket baǵasyn baqylap otyratyn áleýmettik mańyzdy taýarlar deı me, sonyń tizimine kirmeıdi eken. Sol tizimge kirmegeni qandaı jaqsy bolǵan?! Kirse, saýdamyz búgingideı qyz-qyz qaınamaıdy eken.

 Qoı, men ne aıtyp kettim?! Imbırim biteıin dep qalypty. Tapsyrys bereıin tezdetip.

 Men Tutynýshymyn

Mynaý ımbır degen ne ózi?!

Jemis deı me, tamyr deı me, túbir deı me?!

Mundaı keremet dúnıe baryn keshe kórshimnen estidim. «Oıbaı, eldiń bári túk qaldyrmaı, talap alyp jatyr. Sen áli almaǵansyń ba? Erteńnen qaldyrmaı satyp al. Keshe myń jarym edi, búgin 3 myńnan saýdalanyp jatyr deıdi. Bar, bar. Bitip qalady» dep jiniktirgen soń baryp bir kelisin satyp alyp edim, endi ne isterimdi bilmeı otyrǵanym?! Muny ózi qalaı paıdalanýshy edi? Sýǵa qaınatam ba, álde shıkideı, týrap jeýge bola ma eken?! Baıqamaı, ýlanyp qalyp júrmeıin. Jaraıdy, qazir kórshimnen surarmyn. Bolmasa, ınternetti aqtaryp kórermin.

Imbır demekshi, búgin ımbır-ımbır dep júrip álgi lımon alýdy umytyp ketippin ǵoı. Onyń bir kelisi 3 myńnan asqan deı me?! Álginde qyzym: «Mama, qazir karantın ýaqyty. Ruqsat qaǵazymen syrtqa shyqqanda eki kelisin bir-aq satyp alshy. Biraq ana «Freshmarketten» almańyzshy». Ondaǵy satýshylar bul jerge tek baılar keledi dep oılaı ma eken, baǵany jáı dúkenderden eki-úsh ese arttyryp qoıady eken. Úı janyndaǵy dúkennen ala salyńyz» dep ýatsabyma jazyp jiberipti. Álgi sarymsaqty qymbattamaı turyp, alyp qoıǵanym qandaı jaqsy bolǵan?! Ýf, ábden esim shyǵyp ketti ǵoı. Oıbaı, toqtaı turyńyz, qyzym taǵy da birdeńe jazypty. «Mama, úıde dárethana qaǵazy bar ma? Erteńnen bastap qalada karantın bolady dep eldiń bári túk qaldyrmaı alyp jatyr eken» deıdi.

Qoı, qurysyn, kettim dúkenge. Oıbaı, betperdemdi umytyp barady ekem ǵoı. Kıip alaıyn...

 

 Shyǵys Qazaqstan oblysy

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar