Qoǵam • 07 Sáýir, 2020

Qaraǵandy oblysy: Kásipkerler blok-beketke ystyq tamaq jetkizdi

29 retkórsetildi

Koronavırýs indetine qarsy kúsh biriktirmese yryq bermeıtin túri bar. Ásirese, qazirgi ýaqytta ómirlerin qaýip-qaterge tigip, ajdaha indetpen alysyp júrgen dárigerlerge, sonan soń kún-tún demeı qyzmet etip sapta turǵan tártip saqshylaryna qoldaý aýadaı qajet.

Qaraǵandyda oblystyń bas ımamy О́mirzaq Bekqojanyń qoldaýymen «Mansur» TQKO jáne «Aspap» JK kásiporyndary bastama kóterip, sanıtarlyq blok-beketterde qyzmet etip júrgen erlerge ystyq tamaq jetkizdi.

Oblystyń bas moldasy bul sharapatty mol sharýanyń maqtan, bolmasa jalǵan bedel jınaý úshin jasalmaǵanyna bas mán berdi.

– Bir-birimizdi qoldap, sóz kómeginen de, qol kómeginen de aıanyp qalmaıyq. Qıyndyqty birikkende ǵana eńsere alamyz. О́zderińizdi saqtańyzdar, karantın talaptaryn oryndańyzdar! – dedi О́mirzaq Bekqoja.

Qaıyrymdy kásipkerdiń biri Qýandyq Ǵabdýalıev degen azamat eken. Kezinde ózi de tártip saqshysy bolyp qyzmet etipti.

– Buryńǵy áriptesterime qandaı jýapkershilik artylǵanyn jaqsy túsinemin. Osy qıyn sátte olarǵa moraldyq qoldaý kórsetip, qaısar minez kórsetip júrgenderi úshin alǵys aıtqymyz keledi. Koronavırýsty da jeńermiz,  tótenshe jaǵdaı men karantın de aıaqtalar. Ýaqytpen sanaspaı jumys istep júrgen jerlesterim tezirek shańyraqtaryna oralsyn dep tileımin! – deıdi kásipker.

 

Qaraǵandy oblysy

Sońǵy jańalyqtar

Turar Rysqulov tálim alǵan mektep

Tarıh • Búgin, 06:38

Indetti tártip jeńedi

Koronavırýs • Búgin, 06:31

Tyńaıtqysh topyraqty qunarlandyra ma?

Ekologııa • Búgin, 06:27

Abaı murasy Bishkekte talqylandy

Rýhanııat • Keshe

Uqsas jańalyqtar