Qazaqstan • 08 Sáýir, 2020

Bas qala áýejaıynyń kody ózgerdi

9 retkórsetildi

Elordadaǵy Nursultan Nazarbaev halyqaralyq áýejaıynyń sonaý KSRO kezeńinen beri qoldanylyp kele jatqan úsh áripti TSE kody NQZ bolyp ózgeretin boldy. Bas qalanyń bas áýe qaqpasynyń kodyn ózgertý týraly máseleni «Egemen Qazaqstan» gazeti buǵan deıin kótergenin aıta keteıik.

«Egemen Qazaqstan» gazeti kótergen másele tıisti organdardyń qulaǵyna je­tip, oǵan qatysty qandaı sharalar qa­byl­danatyny týraly habarlaǵan bolatyn.

Sonymen birneshe jyl buryn kó­te­rilip, aqyry sheshimin tapqan ja­ǵym­­dy jańalyqty Indýstrııa jáne ın­­fra­qurylymdyq damý mınıstrligi jetkizdi.

– Halyqaralyq áýe kóligi qaýymdas­tyǵynyń (IATA) 2020 jylǵy 6 sáýirdegi arnaıy habarlamasyna sáıkes, Nur-sultan Nazarbaev halyqaralyq áýejaıy­nyń qoldanystaǵy TSE úsh áripti kodyn NQZ-ke ózgertý týraly túpkilikti resmı sheshim qabyldandy, – delingen mınıstrliktiń Telegram kanalynda jarııalanǵan aqparatta.

Byltyr elimizdiń Investısııalar jáne damý mınıstrliginiń Azamattyq avıa­sııa komıteti Halyqaralyq áýe kóligi qaýymdastyǵymen Nur-Sultan jáne Qa­zaqstannyń ózge de qalalaryndaǵy áýejaılar kodyn ózgertý jóninde kelis­sóz bastaǵan edi. Sol kelissóz jumystary aqy­­ry nátıje bere bastady deýge bolady.

Halyqaralyq áýe kóligi qaýymdas­tyǵyna dúnıe júzi boıynsha halyqaralyq reısterdiń 94 paıyzyn oryndaıtyn  290 áýe kompanııasy múshe ekenin aıta keteıik.

Sońǵy jańalyqtar

Erlikti dáripteıtin qomaqty qor

Rýhanııat • Keshe

Eki qylmystyq top ustaldy

Aımaqtar • Keshe

Eltańba tarıhy talqylandy

Rýhanııat • Keshe

Uqsas jańalyqtar