Aımaqtar • 08 Sáýir, 2020

Daýyl «dertimizdi» anyqtap berdi

58 retkórsetildi

Qys boıy áleýmettik jeliler arqyly taratylatyn saqtandyrý habarlaryna eti úırengen kókshetaýlyqtar bul joly onshalyqty selt ete qoıǵan joq. Keshegi daýyl sekýndyna 30 metr jyldamdyqpen soqty. Úı shatyrlary sógilip, aıaldamalar qulady. Oqys oqıǵanyń áserinen bir adam qaıtys bolyp, 22 adam zardap shekti. 

Jel ekpini surapyl sumdyq boldy. Kádimgi qazaqtyń «ekpini úı jyqqandaı» deıtin teńeýi osyndaıda aıtylatyn shyǵar. Úı jyqpaǵanymen, shatyryn jyqty, jarnama ornatylǵan baǵanalardy qulatty. Biz oqys oqıǵaǵa daıyn emes ekenbiz. Oqıǵanyń saldary osyndaı oıǵa jeteleıdi. Shatyr julyndy, aıaldama aýdaryldy. Kópshiligi sońǵy jyldary ǵana salynǵan jap-jańa dúnıe. Shıyryp aıtqanda, daýyl «dertimizdiń» qaı jerde ekenin anyqtap berdi. Oblys boıynsha 22 adam zardap shekti. Onyń bireýine ota jasalyp, aýyr halde jatyr. 17 adam aýrýhanaǵa tústi. Onyń 8-i bas jaraqatyn alǵan. Sandyqtaý aýdandyq aýrýhanasyna 2013 jyly týǵan bala jetkizildi. Daýyl áserinen zardap shekken bir adam Zerendi aýdandyq aýrýhanasyna jatqyzylsa, eki adam Esil aýdandyq aýrýhanasyna túsken.

Oblys ortalyǵynda tórt ǵımarattyń shatyry julyndy. Onyń ekeýi ákimshilik ǵımaraty. On aıaldama men tórt jarnama baǵanasy tóńkerilip qaldy. Krasnoıar selosynda úsh turǵyn úı búlindi. Qala janyndaǵy Stansıonnyı poselkesinde aıaldama aýdaryldy. 2600-ge jýyq qala turǵyny jaryqsyz qaldy. Qazirgi kúni doly jeldiń saldarynan bolǵan aqaýlar qalpyna keltirilýde. Bul jumysqa qalalyq elektr jelisi kásipornynyń onǵa jýyq tehnıkasy men 25 maman jumyldyrylǵan. Kókshetaý qalasynda qalalyq kommýnaldyq qyzmet, qalalyq tótenshe jaǵdaılar basqarmasy tótennen kelgen tosyn jaıdyń zardaptaryn joıýǵa jumyldyryldy.

Jedel járdem qyzmetine 8 adam júgingen. Ortalyqtaǵy kóshelerdiń birinde aıaldama pavılony qulap, 1942 jyly týǵan er adamdy basyp qalǵan. Keýde súıegine zaqym kelgen zardap shegýshige medısınalyq qyzmet kórsetilgen. Temir jol vokzaly mańyndaǵy aıaldama 1976 jylǵy áıeldiń ústine qulaǵan. Jolaýshy áıel birneshe dene jaraqatyn alǵan. Daýyl qulatqan shatyrlar men aıaldama qańqalary birneshe adamdy mertiktirip, áldeneshe avtokólikterge zaqym keltirgen.

Býrabaı aýdanynyń Urymqaı aýylynda qaıǵyly oqıǵa oryn aldy. Jergilikti aýyl sharýashylyǵy qurylymynyń jumysshysy qulaǵan shatyrdyń astynda qalyp, kóz jumdy.

Qazir oblys aýmaǵynda keshegi daýyldyń kesapaty joıylyp, qalpyna keltirilýde. Bir aıta keterligi, kóp qabatty turǵyn úılerdiń shatyrlary sońǵy jyldary ǵana salynǵan. Turǵyn úı-kommýnaldyq sharýashylyǵynyń turǵyn úılerdi jańǵyrtý baǵdarlamasy boıynsha. Qala turǵyndarynyń sapasyz jumys istegen qurylysshylarǵa ókpesi qara qazandaı. 

 

Aqmola oblysy

Sońǵy jańalyqtar

Jumys sapasyn baqylaý kúsheıedi

Aımaqtar • Búgin, 17:30

Qyzylordada 1881 túlek mektep bitirdi

Aımaqtar • Búgin, 17:18

Veterınarııa adamzatty emdeıdi...

Aımaqtar • Búgin, 15:55

Almatyda qurylys alańynan órt shyqty

Aımaqtar • Búgin, 15:33

Joldyń jaýy – aýyr júk kólikteri

Aımaqtar • Búgin, 13:14

Saqtyq sharalaryn saqtaý mańyzdy

Koronavırýs • Búgin, 13:08

Týrızm damysyn desek...

Qazaqstan • Búgin, 12:55

Týrızmniń turalaǵan tustary kóp

Qazaqstan • Búgin, 12:46

Jazǵy mektepter qashan ashylady?

Bilim • Búgin, 12:04

Uqsas jańalyqtar