Aımaqtar • 08 Sáýir, 2020

Qyzylorda oblysynda qylmys azaıdy

35 ret kórsetildi

Qazaqstan Respýblıkasy Prezıdentiniń Jarlyǵyna sáıkes tótenshe jaǵdaı rejımi kezinde Qyzylorda oblysynda qoǵamdyq tártipti saqtaý qatań baqylaýǵa alyndy. Bul týraly oblystyq prokýratýranyń baspasóz qyzmeti habarlady.

Strategııalyq mańyzy bar obektilerde qaýipsizdik sharalary kúsheıtildi. Adamdar kóp jınalatyn oryndardyń, túrli qyzmet kórsetý ortalyqtarynyń jumysy toqtatyldy.

Oıyn-saýyq, sporttyq jáne basqa da is-sharalardy ótkizýge tyıym salyndy.

Qaýipsizdik sharalaryn kúsheıtý maqsatynda qosymsha Ulttyq gvardııa sarbazdary jumyldyryldy.

Tótenshe jaǵdaı kezeńi jarııalanǵannan bastap oblysymyzda qylmystylyq ahýal turaqty.

Tótenshe jaǵdaı jarııalanǵan 16-shy naýryzdan bastap búgingi kúnge deıin barlyǵy 341 qylmys tirkelip, ótken jyldyń osy merzimimen salystyrǵanda 43%-ǵa azaıǵan (603/341).

Onyń ishinde menshikke qarsy jasalatyn qylmystar 65%-ǵa tómendegen, ıaǵnı urlyq 60%-ǵa, tonaý 20%-ǵa, qaraqshylyq 50%-ǵa tómendese, qoǵamdyq oryndarda jasalatyn buzaqylyq qylmystary 67%-ǵa azaıǵan.

– Zorlaý jáne aýyr dene jaraqatyn salý qylmystary tirkelmegen. Basty maqsat - tótenshe jaǵdaı kezinde qylmys pen quqyq buzýshylyqqa jol bermeý, – delingen oblystyq prokýratýra taratqan aqparatta. 

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar