08 Sáýir, 2020

Sáýir aıynda 400 myńǵa jýyq otbasy kóp balalylarǵa beriletin járdemaqyny alady

2363 retkórsetildi

396,6 myń otbasy 15 sáýirge deıin kóp balaly otbasylarǵa beriletin memlekettik járdemaqy alady. Eńbek jáne halyqty áleýmettik qorǵaý mınıstrligi baspasóz qyzmetiniń habarlaýynsha, bul maqsattarǵa respýblıkalyq bıýdjetten 19 mlrd teńge kózdelgen.

Tórt jáne odan kóp birge turatyn kámeletke tolmaǵan nemese kúndizgi bólimde oqıtyn 23 jasqa deıingi stýdent balalary bar kóp balaly otbasylar tabysyna qaramastan memlekettik járdemaqyǵa úmitker bola alady. Tólem mólsheri balalardyń sanyna baılanysty 42,5 myń teńgeden (4 bala) 74,4 myń teńgege (7 jáne odan da kóp bala) deıin saralanǵan.

Atalǵan memlekettik járdemaqyny engizý ataýly áleýmettik kómek kórsetýdiń jańa tetikterimen qarastyrylǵan tabysy az jáne kópbalaly otbasylardy qoldaýdyń negizgi úsh baǵytynyń biri bolyp tabylady.

Sonymen qatar, áleýmettik tólemder men zeınetaqylardyń barlyq túrleri belgilengen kestege sáıkes tolyq kólemde iske asyrylatyn bolady.

Sońǵy jańalyqtar

Eldik nyshandar tarıhy

Qazaqstan • Keshe

Uqsas jańalyqtar