Aımaqtar • 08 Sáýir, 2020

Jezqazǵan: Jurttyń balasynan qaı jeri kem?

372 retkórsetildi

Aınalaıyn ınternetten kanadalyq bir oqýshynyń karantın kezinde qat bolyp turǵan betperdege asa qajetti qural oılap tapqanyn kórip, «Oı, Alla-aı, adam balasynyń shyǵarmaıtyny joq-aý, á!», dep tańdaı qaqqanymyz ras edi. Bylaı qarasańyz qarapaıym ǵana zat, biraq qazirgi jaǵdaıda kóterip turǵan júgi keremet, endi! Sýretti qarasańyz kózińiz jetedi: bul quraldyń arqasynda kúni-túni maskamen júretin dárigerler qaýymynyń qulaǵy qajalýdan qutylatyn boldy, endi.

Osy sýretti kórgende «Eldiń balasyn qarashy, osyndaı dúnıe bizdikilerdiń oıyna nege kelmeıdi eken?», dep máńgi qazaqy suraqty ózimizge ishteı qoıǵanymyz da ras... Sóıtsek, bizde de bar eken, aınalyp keteıin aqyldy balalar!

Mysaly, jezqazǵandyq Arystan Sembaev degen oqýshy «Robot qol» oılap taýypty. Ol óziniń álgi aqyldy qurylǵysyn jergilikti dúkenge baryp, is júzinde synaqtan  ótkizgen. «Qultemir qol» ıesi ámir bergen bette sórelerden zattardy alyp, sebetterdi áp-sátte toltyryp tastapty. Sýpermarkettiń satýshylary mundaı qyzyqty aýyzdarynyń sýy quryp tamashalaǵan. Al Arystan bolsa, óziniń «Roboqolyn» ári qaraı jetildirýdi oılastyryp júr eken. Jas ónertapqysh, sonymen qatar, arnaıy qorǵanyshy bar maska-respırator da oılap shyǵarypty.

a

Jezqazǵandaǵy balalar men jasóspirimder saraıyndaǵy shyǵarmashylyq damý ortalyǵynda óner ushtap júrgen Arystannyń ustazy Andreı Matveev daryndy jastyń oılap tapqandary dál qazirgi jaǵdaıdyń tamyryn tap basatyn buıymdar ekenin aıtady. Al Arystannyń armany – aldaǵy ýaqytta dúkenge ózi baryp, saýda-sattyq jasaıtyn robot oılap tabý eken!

Jalpy, atalǵan ortalyqtyń jas tehnıkteri karantın kezinde gıgıenalyq jáne portatıvti ustaǵyshtar, robot-dezınfektor prototıpin oılap tabý sııaqty  basqa da paıdaly istermen aınalysyp júr. Mysaly, Mılena Chenze degen daryndy qyz úıde elektr quraldary men qurylǵylardy qashyqtan qosý jáne ajyratý úshin smartfon nemese planshet arqyly basqarylatyn aqyldy rozetka qurastyryp shyǵarǵan.

Úıirme jetekshisi Andreı Matveev úsh 3D-prınterde kúnine esik tutqasyna arnalǵan 30 gıgıenalyq ustaǵysh, 60 jeke portatıvti ustaǵysh, maska-respıratordan jáne qorǵanys qalqandarynan quralǵan 30 jıyntyq basyp shyǵarýǵa bolatynyn aıtady.

a

 – Qashyqtan oqytý sabaqtarynda konstrýktorlyq ıdeıalar men jobalardy ázirleımiz. Máselelerdi zertteımiz de, mıdyń kómegimen olardy sheshýdiń joldaryn usynamyz. Aldymen ZOOM konferensııa rejımindegi sabaq barysynda 3D úlgini jasaımyz. Dızaın aıaqtalǵan soń, STL-formattaǵy faıldy jasaımyz. Ony slaıserde óńdep jáne jetildirgennen keıin faıldy G-kodqa aýdaramyz jáne 3D-prınterde basyp shyǵarýǵa jiberemiz, – deıdi jas tehnıkter jetekshisi.

Qarap tursaq, bizdiń balalar jurttikinen artyq bolmasa, kem emes eken. Tek, osy daryndardy qoltyǵynan demep jiberetin qoldaý bolsa deısiń!

 

 

Qaraǵandy oblysy

 

Sońǵy jańalyqtar

Ǵasyr zulmaty

Qoǵam • Búgin, 22:15

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar