Aımaqtar • 08 Sáýir, 2020

Taraz qalasynda turǵyn úıdiń kireberisi karantınge jabyldy

113 retkórsetildi

Taraz qalasynda osy ýaqytqa deıin koronavırýs indetine shaldyqqan 86 jastaǵy áıel anyqtalǵan «Qarasý» shaǵynaýdanyndaǵy kóppáterli turǵyn úıdiń kireberisi karantınge jabyldy.

Qazir naýqas ınfeksııalyq stasıonarda em alýda. Jambyl oblysy ákimdiginiń málimetinshe, epıdemıologııalyq tekserý barysynda ol 17 naýryz kúni Almaty qalasynan kelgen jaqyn týysymen baılanysta bolǵan. Sondaı-aq, onymen baılanysta bolǵan 5 tulǵa anyqtalyp, karantınge ornalastyrylǵan.

Turǵyn úıdiń kireberisine jáne turǵylyqty jeri boıynsha dezınfeksııalyq óńdeý sharalary júrgizilgen. Osy kireberistegi páterlerdiń 27 turǵyny 14 kúnge oqshaýlanyp, óz páterlerinen shyǵýǵa tyıym salyndy. Olarmen tıisti mamandar suhbattar júrgizip, turǵyndardyń ózin-ózi oqshaýlaýdyń mańyzdylyǵyn túsindirdi. Búginde turǵyn úıdiń kireberisinde polısııa qyzmetkerleri kezekshilik etýde. Al, mundaǵy turǵyndardy Taraz qalasynyń ákimdigi qajetti azyq-túlik ónimderimen qamtamasyz etip otyr. Jalpy, óńirde búginge deıin koronavırýs ınfeksııasyn juqtyrýdyń 45 jaǵdaıy tirkelgen. Onyń ishinde 11 adam shekaralyq ótkizý pýnktterin kesip ótý kezinde, 6 jolaýshy Úndistannyń Delı qalasynan kelgen azamattardan anyqtalǵan. Taraz qalasynda 5 oqıǵa, Qordaı aýdanynda 18, Merki aýdanynda 2, Shý, Moıynqum jáne Jambyl aýdanynda bir-bir jaǵdaıdan tirkelgen.

 

Jambyl oblysy

 

Sońǵy jańalyqtar

Indetti tártip jeńedi

Koronavırýs • Búgin, 06:31

Tyńaıtqysh topyraqty qunarlandyra ma?

Ekologııa • Búgin, 06:27

Abaı murasy Bishkekte talqylandy

Rýhanııat • Keshe

Uqsas jańalyqtar