О́ner • 09 Sáýir, 2020

«Astana Operanyń» onlaın-terapııasy

10 retkórsetildi

Tuma keńistikti tumshalaǵan epıdemııadan qulazyǵan kóńildi seıiltý úshin búkil álemniń sahna sańlaqtary onlaın-konsertter ótkizýde. Psıholog-mamandar mundaı jobalardyń paıdaly jaqtaryn eskertip, chellendjder uıymdastyrýǵa, mýzykalyq shyǵarmalardy tyńdap, tamashalaýǵa, ózin ózi damytýmen aınalysýǵa keńes berýde. О́zge qazaqstandyq ártisterimen qatar, «Astana Opera» teatrynyń ujymy da klassıkalyq ónerdi súıetin kópshilikke onlaın-konsert usyndy.

Igi bastamanyń maqsaty – áleý­mettik jeliler arqyly otandyq opera óneri jaýharlarymen tanystyrý, adamzat­ty alańdatqan jaǵymsyz jaıttan bir sát te bolsyn kóńilderin aýlap, óner­diń káýsar bulaǵymen sýsyndatý. Qazaqstandyq ártister Mádenıet jáne sport mınıstrligimen birlesip uıym­dastyrylǵan shyǵarmashylyq estafetany bir-birine joldap, «Birge eńse­remiz», «Biz birgemiz» jobalary aıasyn­­da karantındegi ýaqytty tıimdi ótkizýge keńes berýde.

– О́ner ataýly tek adam úshin qyzmet etedi. Ata-babalarymyzdan qalǵan asyl qazynamyz arqyly biz jaqsy men jamandy, izgilik pen zulymdyqty, qýanysh pen qaıǵyny ónermen órnekteýdiń nebir asyl úlgilerin saqtap keldik. Mýzyka – jalǵan nársege shydaı almaıtyn eń mánerli tilderdiń biri, ol – máńgi. Bıyl 175 jyldyq mereıtoıy atalyp ótip jatqan uly Abaıdyń akkordtary men fılosofııalyq oı-tol­ǵamdary bir márte shyrqalǵannan-aq halyqtyń júregine uıalaıtyn kompozısııany dúnıege ákel­di. «Kózimniń qarasy» áni adam ja­nynyń tereńine boılap, tyńdaǵan saıyn ómirdi jańasha túısinýge, áserli álemge jeteleıdi. Áleý­mettik jelidegi paraqshamda otandastarymdy qoldaýǵa baǵyttalǵan beınerolık jarııalaımyn. Elimiz ben tutastaı álem úshin osynaý qıyn-qys­taý kezeńde Qazaqstannyń Tuńǵysh Prezıdenti Qorynyń laýreattary men Qor janyndaǵy Mádenıet jónindegi keńes músheleri qazaq klassıkasynyń jaýharlaryn oryndaıdy. Tek bul joly qoıylym opera sahnasynda emes, karantın rejiminde úıden usynylady. Sebebi ónerde – sheka­ra joq. Biz birles­ken­de ǵana bá­rin jeńe­miz, – deıdi Qazaq­stan­nyń eńbek sińir­gen qaıratkeri, «As­tana Opera» mem­­leket­tik opera jáne ba­let teatry ope­ra trýp­pasynyń meńge­­rýshisi Azamat Jyl­tyrkózov.

Barıton ánshi P.I.Chaıkovskııdiń «Don Jýannyń sere­nadasyn» shyrqap, estafetany opera se­hyndaǵy óz áriptes­terine joldady, ózi bolsa muny QazUО́Ý stýdentteri Álıhan jáne Omar­han Omarǵazınderden qabyl­daǵan bolatyn. «Qurmet» ordeniniń ıegeri, teatrdyń jetekshi solısi Aı­zada Qaponova tyń­­darman nazaryna I.Shtraýstyń «Jar­qanat» operettasynan Adeldiń shýmaq­taryn usyndy. Opera ánshisinen chellendjdi belgili ártister – Talǵat Musa­baev, Rasýl Jar­maǵambetov, Aı­gúl Qosanova qabyl­damaq. Maıra Mu­hamedqyzy, Jupar Ǵabdýllına, Dına Hamzına jáne de basqa ártister óz oqyr­mandarymen bel­sendi qarym-qatynas jasaýda.

Opera dıvasy, Qazaqstannyń eńbek sińirgen ártisi, Memlekettik syılyqtyń laýreaty Maıra Muhamedqyzy «Qazaq­te­lekomnyń» «YouTube» arnasynan ti­keleı efır arqyly Live formatyndaǵy jeke konsertin berdi.

Konsert baǵdarlamasynda qazaqtyń halyq ánderi, Abaı Qunanbaıulynyń týyndylary, tanymal ıtalıandyq jáne klassıkalyq orys romanstary bar.

Eske sala ketetin jaıt, Mádenıet jáne sport mınıstrligi «Qazaqtelekom» AQ-men birlesip, Live formatynda «Ka­ran­tındegi juldyz» jańa jobasyn iske qosqan bolatyn.

 

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Halyqaralyq stýdentter forýmy aıaqtaldy

Aımaqtar • Búgin, 09:25

Shaıqynyń dombyrasy

О́ner • Búgin, 08:15

Teatr aldyndaǵy tarlandar

Rýhanııat • Búgin, 08:13

Shámshi ǵumyrynyń beımálim betteri

Rýhanııat • Búgin, 08:09

Jekpe-jekte jeńilmegen jigitter

Boks • Búgin, 08:06

Pandemııa: Stıven stıhııasy

Álem • Búgin, 07:51

Lý Shún. Marjan súzgen jazýshy

Ádebıet • Búgin, 07:50

Onlaın-ekskýrsııa uıymdastyrdy

О́ner • Búgin, 07:40

Tutqyn taǵdyry

Rýhanııat • Búgin, 07:34

Jaz shyqpaı-aq qýraı bastady

Ekologııa • Búgin, 07:30

Ekologııa bárimizge ortaq

Ekologııa • Búgin, 07:27

Ýaqyt talaby týyndatqan oń úderis

Saıasat • Búgin, 07:16

Astyq pen etten tarshylyq kórmeımiz

Úkimet • Búgin, 07:10

Myńnan astam jumys orny ashylady

Ekonomıka • Búgin, 06:45

Umtylǵandar utady

Bıznes • Búgin, 06:41

Uqsas jańalyqtar