Aımaqtar • 09 Sáýir, 2020

COVID-2019: Shıeliniń kórsetkishi nege kóp?

2659 retkórsetildi

Baıaǵy «Kerqula atty Kendebaı» ertegisi esińizde me?! Onda Qarataýdyń oıynda týǵan Kendebaı bala  jyl sanap emes, kún sanap ósip, batyr bolyp jetilip, Kerqulasyna minip, eldi barsha muratyna jetkizetin edi ǵoı. Dál qazir Syr óńirinde kún saıyn kóbeıip kele jatqan kesel sol ertegini taǵy eske salyp otyr. Eldi qorǵaǵan batyr esimine keseldi teligenimizdi oqyrman keshire jatar...

Oblysta alǵashqy vırýs belgisi 28 naýryz kúni baıqalǵan. Ertesi taǵy indet juqtyrǵan taǵy bir adam anyqtaldy. Derttilerdiń sany beseýge jetkende oblys ákimdigi indettiń taralyp ketpeýi úshin shuǵyl sharalar legin bekitip, biraz shekteýler engizildi. Biraq sol eskertýlerdi elemegenderdiń kesirinen indet sát saıyn irgesin keńeıtip keledi.

Sáýirdiń jetisi kúni oblystyń bas sanıtarııalyq dárigeriniń № 7 qaýlysy qabyldandy. Osyǵan deıingi karantındik sharalar kúsheıtilip, keıbir shekteýler talaby qataıa tústi. 

Jańa qaýly boıynsha turǵyndarǵa kóshede toptasyp júrýge tyıym salynyp otyr. О́lim-jitim jaǵdaıynda jınalýǵa da shekteý qoıyldy. Jasy 55-ten asqandar úı karantınin qatań saqtaýy tıis. Al tirshilikke asa qajetti qyzmetter men temirjol, ken salasyndaǵy mamandardyń jumys tártibi jerigilikti atqarýshy organ sheshimine qaraı retteledi.

Osynyń bári aýrýdyń taralý aıasyn shektep, adamdardy qaterli indetten aman alyp qalý úshin jasalyp jatqan amaldar. Biraq,  otbasylyq basqosýlardy toqtatpaı, kerisinshe údete túskender kezdesip otyr. Mysaly, óńirde boıynan eń alǵash koronavırýstyq ınfeksııa anyqtalǵan adam áýletindegi 21 janǵa qaýipti indetti juqtyryp úlgergen. Shıeli aýdanyndaǵy 6 naýqastyń da bir úıdiń adamdary ekendigi anyqtalyp otyr. Taıaýda osy aýdannan tirkelgen 13 derek te toıǵa baryp, aýrý juqtyrǵandar. «Ne bolar deısiń?!» degen nemkettilikten aıaǵy osyndaı jaǵdaıǵa ushyratyp otyr. 

– Sońǵy derek boıynsha Qyzylorda qalasynda – 10, Syrdarııa aýdanynda – 8, Qarmaqshyda – 4, Jańaqorǵanda – 16, Aralda – 2, al Shıeli aýdanynda 52 naýqas tirkelip tur. Osy aýdandaǵy bir aýyldan 43 naýqas shyqty, – deıdi oblystyq densaýlyq saqtaý basqarmasynyń basshysy Jaqsylyq Ábdisámetov.

Qazirgi jaǵdaı eshkimge ońaı tıip otyrǵan joq. Indet kesirinen aǵaıynnyń toıy túgili topyraqty ólimine bara almaı pushaıman bolyp otyrǵandar kóp. О́ıtkeni, talap sondaı. Al ol saqtalmasa epıdemıologııalyq ahýal odan saıyn órshıtini anyq. Qazir Qyzylorda elimiz boıynsha aýrý sany jóninen aldyńǵy úsh oblystyń qatarynda tur. Karantındik talapqa júrdim-bardym qaraıtyn bolsaq jaǵdaı budan da ýshyǵyp ketýi múmkin. Kendebaı-keseldiń aldyn alýdyń jalǵyz amaly – talapqa baǵynyp, úıde otyrý!

Abaı bolaıyq, aman bolaıyq!

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Halyqaralyq stýdentter forýmy aıaqtaldy

Aımaqtar • Búgin, 09:25

Shaıqynyń dombyrasy

О́ner • Búgin, 08:15

Teatr aldyndaǵy tarlandar

Rýhanııat • Búgin, 08:13

Shámshi ǵumyrynyń beımálim betteri

Rýhanııat • Búgin, 08:09

Jekpe-jekte jeńilmegen jigitter

Boks • Búgin, 08:06

Uqsas jańalyqtar