Aımaqtar • 09 Sáýir, 2020

Dárigerlerdiń jaqsy kúnge degen senimi mol

94 retkórsetildi

Búginde atyshýly indet ǵalamdy aýyr kúıge túsirip, qoǵamnyń qos ókpesin qysyp barady. Álem boıynsha sát sanap órshigen qaýipti qubylys qazaq dalasyna da jetti. Elimizde indettiń aldyn alý maqsatynda tıisti sharalar da qabyldandy. О́ńir-óńirlerdegi jaǵdaı da jurtshylyqtyń alańdaýshylyǵyn týdyrýda. Rasynda bas aýyryp, baltyr syzdaı qalsa, adam birden dárigerdiń kómegine júginedi. Al búgingideı jaǵdaıda árbir turǵynǵa aq halatty abzal jandardyń kómegi tipti qajet. Naýqas jandardy emdeý úshin basyn qaterge tikken barsha dárigerlerdiń erligi búginde memleket tarapynan laıyqty baǵalanýda.

Memleket basshysy Qasym-Jomart Toqaev óziniń málimdemesinde «Koronavırýs – batpandap kirip, mysqaldap shyǵatyn qaýipti dert. Degenmen, biz indetke shaldyqqan adamdarǵa barlyq qajetti kómekti kórsetemiz. Búginde búkil elimiz dárigerler men medısına qyzmetkerleriniń qaısarlyǵyna tánti bolýda. Olar – adam ómirine arasha túsip jatqan búgingi kúnniń batyrlary», degen bolatyn. Sonymen qatar, Prezıdent pandemııaǵa qarsy kúrestiń aldyńǵy leginde júrgenderge qosymsha qoldaý kórsetý jóninde sheshim qabyldaǵanyn, dárigerlerge jáne medısına qyzmetkerlerine 3 aı boıy qosymsha ústeme aqy tólenetinin jetkizgen edi. Memlekettiń bul qoldaýy aq halatty abzal jandarǵa artylǵan úlken senim bolyp otyr. Shynynda da búginde elimiz boıynsha koronavırýs ınfeksııasyn juqtyrý deregi kún saıyn ósýde. Búginde Jambyl oblysynda indet juqtyrýdyń 45 jaǵdaıy tirkelgen. Indet belgileri Qyrǵyz, Reseı, Úndistan memleketterinen jáne Nur-Sultan, Qostanaı óńirlerinen kelgen azamattardan anyqtalǵan. Oblystyq ákimdiktiń málimetinshe, qazir naýqastardyń jaǵdaıy jaqsy, shaǵymdary joq. Al, qaýipti indetti juqtyrǵan azamattardy emdeý, saýyqtyrý jolynda qyzmet atqaryp júrgen dárigerlerdiń eńbegi orasan. О́zi de dárigerlermen birge naýqastardy emdep júrgen oblystyq kópbeıindi balalar aýrýhanasy bas dárigeriniń ınfeksııalyq jumys boıynsha orynbasary Serik Jetibaev óńirdegi aq halatty abzal jandardyń tabandy jumysy jóninde áńgimelep berdi. «Oblys ortalyǵynda naýqastarǵa arnalǵan arnaıy bokstar bar. Indet juqtyrǵandar sol jerde jatyr. Dárigerler men medısına qyzmetkerleri jetkilikti. Olardyń bári de oqyǵan mamandar. Memleket basshysy Qasym-Jomart Toqaevtyń tapsyrmasymen, oblys ákimi Berdibek Saparbaevtyń qoldaýymen barlyq másele rettelgen. Barlyq jaǵdaı oblystyq

Jalpy, Serik Jetibaevtyń aıtýynsha, jambyldyq dárigerler búginde qaýipti indettiń aldyn alý maqsatynda jumys atqarýda. Naýqastardy emdep jatqan 55 dáriger men medısına qyzmetkerleri búginde Taraz qalasyndaǵy «Injý» qonaqúıinde ornalasypty. Olar birneshe kúnnen beri úıine barmaı, osynda turyp jatyr eken. Medısına qyzmetkerlerin qaýipsizdik úshin aýrýhana men qonaqúı arasyna arnaıy avtobýstar tasymaldaıdy. Eger indet juqtyrǵan naýqastar qatary kóbeıgen jaǵdaıda olarǵa kómek kórsetýge taǵy 255 dáriger men medısına qyzmetkerleri daıyn otyr. Negizi koronavırýs indetiniń baılanys arqyly juǵatynyn mamandar jıi aıtýda. Bul salmaǵy aýyr vırýs bolǵandyqtan, ol adamnyń qolyna, ustaǵan zattaryna jabysyp qalýy múmkin eken. Al, óziniń qaýipsizdiginen góri ózgeniń jaıyn kóp oılaǵan dárigerler indettiń qaýiptiligine qaramaı, basyn báıgege tigýde. Medısına qyzmetkerleri adamnyń túrli aǵzalary arqyly juǵýy múmkin indetten barynsha qorǵansa da, indettiń aty indet. О́zi de naýqastardy emdeý isine belsene kirisip júrgen dáriger Serik Jetibaevtan biz indet juqtyrǵan adamdardy emdeý kezinde medısına qyzmetkerleriniń qalaı saqtanatynyn surap kórdik. Arnaıy kostıým, kózildirik, aýyzǵa taǵatyn respırator, arnaıy aıaq kıimder – olardyń basty qorǵanysy eken. Ári bulardy 3 saǵat saıyn aýystyryp turý kerek. Biraq, bul kıimderdi kııý kezinde de dáriger qatelik jiberip qoısa, ıaǵnı sál ǵana aýa kiretin oryn qalsa, onda indettiń juǵyp ketý qaýpi joǵary. Dárigerlerdiń óz ómirin qaterge tige otyryp, ózgeniń ómirin saqtap qalý kezindegi erlikpen birdeı eren eńbegi kópke úlgi.

Qýanyshqa qaraı, ázirge Jambyl oblysynan koronavırýs indetine baılanysty adam ólimi tirkelgen joq. О́ńirde meılinshe qaýipsizdik sharalary kúsheıtilgen. Serik Jetibaev áýlıeatalyq dárigerlerdiń jaqsy kúnge degen seniminiń joǵary ekenin aıtty. Tipti naýqastardyń aýrýy asqynǵan jaǵdaıda da tynys alý apparattarynyń daıyn, oryndardyń jetkilikti ekenin jetkizdi. Biraq, dárigerlerdiń indet juqtyrǵandardy barynsha emdep, jazýǵa kiriskendigin aıta ketken jón.

 

Jambyl oblysy

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Halyqaralyq stýdentter forýmy aıaqtaldy

Aımaqtar • Búgin, 09:25

Shaıqynyń dombyrasy

О́ner • Búgin, 08:15

Teatr aldyndaǵy tarlandar

Rýhanııat • Búgin, 08:13

Shámshi ǵumyrynyń beımálim betteri

Rýhanııat • Búgin, 08:09

Jekpe-jekte jeńilmegen jigitter

Boks • Búgin, 08:06

Pandemııa: Stıven stıhııasy

Álem • Búgin, 07:51

Lý Shún. Marjan súzgen jazýshy

Ádebıet • Búgin, 07:50

Onlaın-ekskýrsııa uıymdastyrdy

О́ner • Búgin, 07:40

Tutqyn taǵdyry

Rýhanııat • Búgin, 07:34

Jaz shyqpaı-aq qýraı bastady

Ekologııa • Búgin, 07:30

Ekologııa bárimizge ortaq

Ekologııa • Búgin, 07:27

Uqsas jańalyqtar