Aımaqtar • 09 Sáýir, 2020

Sarysý aýdany sýdan tarshylyq kórmeıdi

50 retkórsetildi

Aǵymdaǵy jyly Sarysý aýdanynyń eki birdeı aýyly taza aýyz sýmen qamtylatyn bolady. Jańatalap aýylyndaǵy 104 jáne Uıym aýylyndaǵy 133 abonentke «Jumyspen qamtýdyń jol kartasy» memlekettik baǵdarlamasy aıasynda sý qubyry tartylyp, aýyl turǵyndarynyń aýyz sý boıynsha máseleleri tolyq sheshiledi.

Aýdan ákimdiginiń málimetinshe, aýyz sý júıesiniń jańartý jumystary bıylǵy jyldyń 31 jeltoqsanyna deıin paıdalanýǵa beriledi dep kútilýde. Jalpy, bul bastama Jambyl oblysynyń ákimi Berdibek Saparbaevtyń qoldaýymen óńirdiń damý josparyna engizilgen. Jalpy, búgingi tańda Sarysý aýdanyndaǵy 25 aýyldyń 15-i taza aýyz sýmen qamtylǵan. Jergilikti bılik kelesi jyly aýyz sý máselesi túbegeıli sheshiletinin jetkizdi.

«Jumyspen qamtýdyń jol kartasy» memlekettik baǵdarlamasy boıynsha Aqtoǵaı aýylyndaǵy Aqtoǵaı orta mektebi 2003 jyly paıdalanýǵa berilgen bolatyn. Alaıda sol ýaqyttan beri atalǵan bilim oshaǵy jóndeý kórmegen. Sondyqtan 380 oryndyq tıptik ǵımarat kúrdeli jóndeý jumystaryn qajet etedi. Qazirgi ýaqytta jobalyq-smetalyq qujaty daıyndalyp, saraptama qorytyndysy shyqqan. Bul da Jambyl oblysynyń damý josparyna enip otyr. Sol sııaqty, Qazaqstan Respýblıkasy Densaýlyq saqtaý mınıstriniń 2017 jylǵy 17 tamyzdaǵy № 615 buıryǵymen bekitilgen «Mektepke deıingi uıymdarǵa jáne sábıler úılerine qoıylatyn sanıtarııalyq-epıdemıologııalyq talaptardyń» oryndalýyn qamtamasyz etý maqsatynda Toǵyzkent aýylyndaǵy «Janna» balabaqshasy da kúrdeli jóndeýden ótetin boldy.

Sarysý aýdany búginde sý tapshylyǵyn kórip otyrǵan oblystaǵy birden-bir aýdan. Ári oblys ortalyǵynan shalǵaıda ornalasqan. Búginde óńirdegi alqaptardy tıimdi paıdalanýǵa sý qoımalarynan shyǵatyn toǵandar men sýjetekteriniń tozyǵynyń jetýi sharýalarǵa úlken qolbaılaý bolyp otyr. Jalpy, aýdanda 2 sý qoımasy men 16 ishki sý júretin kanal jáne 8 bóget bar. Aýdan aýmaǵynan 6 ózen aǵyp ótedi. Biraq sý tapshy. «Jańa Káritoǵan» arqyly sý ótetin «Saryózek» sý kanalynan 5 aýyl egistikke sý alady. Kanaldyń basynan 600 lıtr sý salynsa, sý paıdalanýshylarǵa deıin 200 lıtr sý áreń jetedi. Kanaldy kalyń qamys, tabıǵı shóp basyp, burynǵy beton aryq ábden eskirgen. Sonyń saldarynan 400 lıtr sý shyǵyny bolady. Bul máseleni joıý úshin kanaldyń tabany men erneýlerin betondaý qajet. «Saryózek» kanaly arqyly Uıym aýylynyń egistik alqaptaryn sýlandyrý úshin qazirgi tańda kanaldyń sý ótkizý múmkindigi boıynsha qıyndyqtar týyndaýda. Uzyndyǵy 2500 metr «Saryózek» kanalyn betondaý boıynsha Jańatalap aýyldyq okrýgi tarapynan jobalyq-smetalyq qujaty jasalyp, «QazSýShar» respýblıkalyq memlekettik mekemesine usynys berilgen. «Saýdakent aýylynyń mańyndaǵy halyqtyń nápaqasyn aınaldyrýǵa septigi mol baqsha sýyna baılanysty kótergen máselemizdiń oblystyń bas josparyna kirgeni qýantyp otyr. Bul rette biz Berdibek Saparbaevqa alǵys aıtamyz. О́ıtkeni, kezinde 45 gektarǵa deıin baqsha ekken Uıym aýylynyń turǵyndary «Saryózek» toǵanynyń aryǵynyń betondalatynyn estip qýanýda. Kezinde bul toǵannan Uıym aýylynyń eki shetine de baqsha egilip, osy aýdandy pııaz, sábiz, qııar, qyzanaqpen qamtyp qana qoımaı, sonaý soltústik oblystarǵa deıin jóneltetin. Myna 30 mıllıon tekshemetr sý jınalatyn «Yntaly» sý qoımasynan alynatyn sý Uıym, Jańatalap, Igilik, О́ndiris, Saýdakent aýyldarynyń barlyǵyna qara kúzge deıin jetetin. Alaıda toǵan betondarynyń tozyǵy jetken soń kanal basynan shyǵatyn 600 lıtr sýdyń 200 lıtri ǵana Uıym aýylyna áreń jetedi. Endi «Saryózek» sý toǵanynda kezeń-kezeńimen betondaý jumystarynyń iske asatyndyǵyna aýyl bolyp qýanyp otyrmyz», deıdi Uıym aýylynyń turǵyny Saılaýbek Qalybekov.

jj

Sonymen qatar, Jaıylma aýyldyq okrýgin sýmen qamtamasyz etip otyrǵan «Búrkitti» sý qoımasynyń «Búrkitti» lotok kanaly bar. Biraq, ábden tozyǵy jetken lotok otyrǵan, jalǵanǵan jerleri ashylǵan. Sol úshin «Búrkitti» sý qoımasynyń jaǵalaýyn bekitip, jańadan betondaý kerek. Al, uzyndyǵy 1548 metr bolatyn kanaldyń lotogyn aýystyrý da basty másele. Degenmen, bul sý qoımasynyń da jobalyq-smetalyq qujaty daıyndalyp qoıylǵan. Bul rette Jaıylma, Qyzyldıqan, Maıatas aýyldarynyń sharýalary ákimdikke alǵystaryn bildirýde.

Al Sarysý aýdanynyń ákimi Qanatbek Mádibektiń tikeleı bastamasymen «Kúltóbe» kanaly tazalanyp, Saýdakent aýylynyń 6 kóshesine baqsha sýy keldi. Aýyl turǵyndaprynyń kúshimen 3 ret senbilik uıymdastyrylyp, oǵan 500-den astam adam tartylǵan. Nátıjesinde 15 kósheniń turǵyndary aýlasyndaǵy baqshaǵa sý alyp, esik aldyndaǵy jerge baý-baqsha men jemis taldar egýde. Sol sııaqty, aýyldardaǵy joldardyń jóndelýi de turǵyndardyń qýanyshyn eseleýde. Oblys ákimi Berdibek Saparbaev aýdanǵa jumys saparymen kelgende bul másele kóterilgen bolatyn. Búginde atalǵan másele oń sheshimin taýyp otyr. Sarysý aýdany boıynsha aǵymdaǵy jyly jóndelýge josparlanǵan kósheler kóp. Aýdan ortalyǵy Jańatas qalasyndaǵy 11 kósheniń jol jabyndysyna orta jóndeý jumystaryn júrgizý úshin aýdandyq bıýdjetten qarjy bólingen. Sondaı-aq, Toǵyzkent aýylyndaǵy Sańyryq batyr kóshesiniń jol jabyndysyna orta jóndeý, Ábilda aýylyna kireberis joldyń jabyndysyna orta jóndeý, Kókdala-1, Igilik, О́ndiris, Maıatas, Uıym aýyldarynyń kireberis joldarynyń jabyndysyna orta jóndeýler júrgizý úshin qarjy bólinip otyr.

                  

Jambyl oblysy

 

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar