Rýhanııat • 09 Sáýir, 2020

Qazaq aqyny qyrǵyzsha jyrlandy

88 retkórsetildi

Qyrǵyz Respýblıkasynyń halyq ártisi, Qazaqstannyń eńbek sińirgen ártisi, «Toqtoǵul» atyndaǵy Memlekettik syılyqtyń laýreaty Salamat Sadyqova álemettik jeli arqyly belgili aqyn Aqberen Elgezektiń óleńine jazylǵan jańa ánin tanystyrdy. Bul týraly ánshi óziniń feısbýktegi paraqshasynda: «Qadirli qalyń jurtym, úı karantınınde komýzben oryndaǵan  jańa ánimdi qabyl alyńyzdar.  Án «Syıyný» dep atalady. Sózin jazǵan aqyn Aqberen Elgezek, áýeni ózimdiki. Jalpy adamzatqa amandyq tileımin!» dep jazdy.

Amandyq pen saýlyqtyń qadiri jyrlanatyn án qyrǵyz tilinde shyrqalady. О́neri qyrǵyz-qazaqqa ortaq dástúrli án óneri ókiliniń repertýaryndaǵy qazaq aqyndary sózine jazylǵan  ánderi bir bul emes, ol alǵash Eskendir Hasanǵalıevtiń «Alataý» ánin 16 jasynda estradalyq ansambldiń súıemeldeýimen oryndaǵan. Sondaı-aq «Aýylym ánim», «Ádemi-aý», «О́mir-ózen», «Gúlderaıym», «Saǵyndym Almatymdy», «Ágýgaı», «О́mirdiń kóbi ketip azy qaldy», «Bir aýyz sóz», «Qoshtasqym kelmeıdi», «Jas jubaılar»  sııaqty talaı ánderdi jańasha naqyshta qulpyrtyp, jurtshylyq súıispenshiligine ıe bolǵan maıtalman ánshi. Aqparat quraldarynyń deregi boıynsha, eń alǵashqy dıskisi  1995 jyly Japonııada «Song of Kyrghyzstan» degen atpen, al 2001 jyly AQSh-ta «The Voice of Kyrghyzstan» atty jańa úntaspasy jaryq kórgen.

Álemdik deńgeıdegi mýzykatanýshylardyń qarapaıym áýendi sazdy da ǵajaıyp órnekke aınaldyra alatyn shyn mánindegi talant ıesin  Bıllı Holıdeı, Sendı Dennı, Areta Franklın, Edıt Pıaf... syndy tanymal tulǵalar qataryna jatqyzatyny qyrǵyz ánshisine berilgen shynaıy baǵa deýge tolyq negiz bar.

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar