Aımaqtar • 09 Sáýir, 2020

Shymkent: Eńbekke jaramsyzdyq qujatyn onlaın alýǵa bolady

45 retkórsetildi

Bul týraly aqparattyq-kommýnıkasııalyq ortalyqta ótken brıfıngte QR Eńbek jáne halyqty áleýmettik qorǵaý mınıstriligi, Eńbek, áleýmettik qorǵaý jáne kóshi-qon komıtetiniń Shymkent qalasy boıynsha departamenti basshysynyń mindetin ýaqytsha atqarýshy Tórehan Dáýitov málim etti. 

Elimizde tótenshe jaǵdaıdyń engizilýine baılanysty áleýmettik shıelenis jáne narazylyq jaǵdaılaryna jol bermeý, sondaı-aq memlekettik qyzmetter alý kezinde tabıǵı janasýdy boldyrmaý maqsatynda QR Eńbek jáne halyqty áleýmettik qorǵaý mınıstrligi medısınalyq-áleýmettik saraptama bólimine barmaı, «Múgedektikti jáne/nemese eńbek etý qabiletinen aırylý dárejesin belgileý jáne/nemese qajetti áleýmettik qorǵaý sharalaryn aıqyndaý» memlekettik qyzmetin syrttaı formatta alý tetigin ázirledi. 

- Qyzmet «Elektrondyq úkimet» portalynda «Elektrondyq ótinish» servısi arqyly berilgen elektrondyq ótinish negizinde júzege asatyn bolady. Memlekettik qyzmetti alý úshin siz qajetti qujattardyń skanerlengen nusqasymen qosa tıisti standartqa sáıkes ótinishti toltyrýyńyz qajet jáne ótinishke elektrondyq sıfrlyq qoltańbamen qol qoıý qajet. Odan keıin ótinish sizdiń turǵylyqty jerińiz boıynsha Eńbek, áleýmettik qorǵaý jáne kóshi-qon komıtetiniń aýmaqtyq departamentine jiberiledi. Medısınalyq-áleýmettik saraptama júrgizilgennen keıin onyń nátıjeleri kórsetiletin qyzmetti alýshyǵa sms-habarlama arqyly, «Elektrondyq úkimet» portalyndaǵy jeke kabınetke nemese «Elektrondyq ótinish» servısi arqyly kelip túsken ótinishke jaýap túrinde jiberiledi. Sondaı-aq, tótenshe jaǵdaı kezeńinde medısınalyq-áleýmettik saraptama bólimine qaıta kýálandyrýǵa kelmegen azamattarǵa ótkizip alǵan kezeńine 2020 jylǵy 16 aqpannan bastap merzimde  belgilenetin bolady, - dedi Tórehan Bekbolatuly. 

Múgedektikti jáne eńbek etý qabiletinen aıyrylý dárejesin jáne qajetti áleýmettik qorǵaý sharalaryn belgileýdi MÁS bólimderi «Medısınalyq-áleýmettik saraptama júrgizý qaǵıdalaryn bekitý týraly» QRDensaýlyq saqtaý jáne áleýmettik damý mınıstriniń 2015 jylǵy 30 qańtardaǵy № 44 buıryǵymen bekitilgen Medısınalyq-áleýmettik saraptama júrgizý qaǵıdalaryna sáıkes kýálandyrylatyn adamdy múgedektik belgilengen kúnnen bastap alty aı ishinde baqylap tekserip, bir jyldan aspaıtyn merzimge syrttaı júrgizedi.

Qaıta kýálandyrý merzimi tótenshe jaǵdaı engizilgenge deıin bir aıdan aspaıtyn merzim ishinde jáne tótenshe jaǵdaı ýaqytynda kelgen adamdarǵa múgedektiktiń, jalpy eńbek etý qabiletinen aıyrylý dárejesiniń, kásiptik eńbek etý qabiletinen aıyrylý dárejesiniń jáne múgedekti ońaltýdyń jeke baǵdarlamasynyń merzimderi tótenshe jaǵdaı oryn alǵan kezeńde avtomatty túrde uzartylady.

Memlekettik áleýmettik járdemaqy jáne (nemese) eńbek etý qabiletinen aıyrylý jaǵdaıynaáleýmettik tólem alýshylar bolyp tabylatyn adamdarǵa tótenshe jaǵdaı kezeńinde tólemder budan buryn belgilengen múgedektik tobyna jáne (nemese) jalpy eńbek etý qabiletinen aıyrylý dárejesine sáıkes tótenshe jaǵdaı rejımi aıaqtalǵan aıdy qosa alǵanǵa deıin tólenedi.

Esterińizge sala keteıik, jyl saıyn «Múgedektikti jáne/nemese eńbek etý qabiletinen aıyrylý dárejesin belgileý jáne/nemese qajetti áleýmettik qorǵaý sharalaryn aıqyndaý» memlekettik qyzmeti 250 myńnan astam azamatqa onyń ishinde alǵash ret 57 myńǵa jýyq azamatqa kórsetiledi, 2019 jyly 252 myń adam qyzmetti aldy. Búgingi kúni Qazaqstanda múgedektigi bar 700 myńǵa jýyq adam turady.

 

Shymkent

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar