Rýhanııat • 24 Sáýir, 2020

Qamqorlyq dep osyny aıt!

22 retkórsetildi

Jahan jurtynyń úreıin ushyrǵan qaýipti in­dettiń beti qaıtar emes. Onyń kesiri kóp adam­nyń ýaqytsha jumys­syz qalýyna ákelip soqtyrdy.

 

Meniń de kúıeýim «Teńiz» kenishinde vahtalyq ádispen jumys isteýshi edi. Qazir bul ken ornynan jumysshylar turǵylyqty mekenjaıyna jiberilip jatyr. Ýaqytsha jumyssyz qalǵandardyń arasynda kúıeýim de bar. Bul árıne, otbasylyq kiristiń azaıýyna yqpal eteri daýsyz. Onyń ústine ózim jumys istemeımin. Otbasymyzda mektep jasyndaǵy tórt ba­lamyz bar. Bastapqyda alań­daǵanymyzdy jasyra almaımyn. Osyndaı qıyn kezde arqa súıeıtin memleketiń bol­ǵany qandaı jaqsy!

El Prezıdenti Qasym-Jomart Toqaevtyń ýaqytsha jumyssyz qalǵan jandardy qoldaý úshin 42 500 teńgeden áleýmettik tólem berýge uı­ǵarym jasaǵany qýantty. Bul kómekti jumyssyzdar da alýyna bolady eken. Arnaıy jeli arqyly men de osy tólemdi alýǵa ótinish berdim. Arada úsh-tórt kún ótkende jeke esepshotyma  áleýmettik tólem qarjysy tústi. Shy­nym­dy aıtsam, kúıeýim ju­mys istep, tabys taýyp júr­gende áleýmettik tólem alý­ǵa júginýdi oılamaǵan edim.

Teginde mundaı qoldaý biz sekildi jumyssyz otyrǵan jandardyń el keleshegine degen senimin ornyqtyra túsedi. Al jumysynan ýaqytsha shet­­tep qalǵandar jalaqysy saqtalatynyna qýanyp otyr. Biz muny eldiń keleshegin oılaǵan basshylardyń tarapynan jasalǵan qamqorlyq retinde qabyldap otyrmyz.

 

Aınur QALAÝOVA,

kóp balaly ana

 

Atyraý oblysy,

Jylyoı aýdany

 

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar