Rýhanııat • 24 Sáýir, 2020

El úshin qyzmet etedi

24 retkórsetildi

Jahanǵa jaıylǵan koronavırýs indeti búkil eldiń úreıin ushyrýda. Bul elimizge tótenshe jaǵdaı jarııalaýǵa deıin jetkizdi. Karantın jarııalanǵaly polısııa qyzmetkerleri men Ulttyq ulan jaýyngerleri birlese qoǵam qaýipsizdigin qamtamasyz etýde táýlik boıy qyzmet atqaryp jatyr. Ulandyqtar respýblıka boıynsha memlekettik mańyzdy mekemeler men strategııalyq nysandardy erekshe baqylaýǵa aldy.

Búgingi tańda quqyqtyq tártip áske­ri­niń jeke quramy tótenshe jaǵdaı men karantınge baılanysty barlyq sharalarǵa jumyl­dyryldy.

Nur-Sultanda kúndelikti tártipti kúzetýge 1200 áskerı qyzmetshi bólinedi.  Olar polısııa qyzmetkerlerimen birge 600 baǵytta jaıaý patrýldeý uıymdas­tyrady. Sonymen qatar túngi qyz­metke 7 avtopatrýl Ulttyq ulannan bólingen. Biz solardyń qyzmetimen tanysqan edik.

Esil ózeniniń jaǵasynda júrgen patrýlge kezdestik. Polısııa qyzmetkeri qatardaǵy Arnat Amanov pen ulandyq jaýyngerler qatardaǵy О́mirzaq Sársen men Marat Aıtken qyzmette júr eken.

– Bizdiń mindetimiz elordadaǵy tóten­she jaǵdaıǵa baılanysty karantın ke­zinde kóshede kezdesken adamdardyń qu­­jat­taryn teksere otyryp, úıden shyǵý sebebin anyqtaý. Olardyń qaýip­siz­dik sharalaryn oryndamaýy, bet­per­de­siz kóshede júrýi boıynsha birinshi túsindirý erejeleri júrgiziledi. Eger de jumys babymen bolsa, qyzmet ornynan arnaıy qujat bolýy kerek. Barly­ǵy erejege saı bolatyn bolsa, jibe­remiz. Sonymen qatar kólikterdi de toqtatyp, túsin­dirý jumystaryn júr­­gizemiz. E­l­or­­d­amyzda kópshilik jı­na­latyn oryn­dar, saıabaqtarda qy­dy­rýǵa tyıym sa­lyn­­ǵandyqtan beısaýat júrgenderge tıis­ti sharalar qol­da­nylady. Erejeni ekinshi márte buzý­shylarǵa belgilengen mólsherde aıyppul sa­lynady, – deıdi Arnat Jalǵas­bek­uly. Sondaı-aq ózderiniń bir kúndik kezek­shi­lik qyzmetterimen tolyǵyraq tanystyryp ótti.

– Bizdiń kezekshiligimizde kezdesken adamdar túsinistik tanytyp, vırýstyń taralyp ketpeýine qarsy arnaıy qolǵap pen betperdelerin kııýde. Táýlik boıy úıde otyrý qıyn ekeni belgili. Olar da zerigedi, syrtqa serýendegisi keledi. Kóshede ishimdik ishken, ıa bolmasa tártip buzǵandardy kezdestirsek, sol aýdanǵa qarasty polısııa bólimshelerine aparamyz, – deıdi qatardaǵy polısııa qyzmetkeri Arnat Amanov.

Ulttyq ulannyń jaýyngerlerimen de suhbat júrgizip kórdik. Efreıtor Ulan Bóribaevtyń qyzmet barysynda óreskel tártip buzý oqıǵalary bolmaǵan eken. Kún saıyn 600 baǵyt boıynsha 1200 ulandyq áskerı qyzmetker jumyldyryldy desek, olar eki aýy­sym boıynsha el tynyshtyǵy men qaýipsizdigin kúzetedi.

– Tańǵy 9:00-den keshki 16:00-ge deıin birinshi aýysym bolsa, keshki 16:00-den bastap túngi 23:00-ge deıin ekinshi aýysym jumys jasaıdy. Odan keıin túngi ýaqytta 7 avtopatrýl qala kóshelerin baqylaıdy. Bizdiń mindetimiz – qala turǵyndaryna túsindirý jumystaryn júrgizý. Ruqsattama qujattaryn tekserý, tynyshtyqty kúzetý. Keıbir adamdar karantınge baılanysty qaýipsizdik sharalaryn qoldanbaıdy. Beımezgil ýaqytta kóshede júredi. Betperdesiz de adamdardy jıi kezdestiremiz. Olarǵa eskertý jumystaryn júrgizip, arnaıy bazaǵa tirkep qoıamyz. Sol tártip buzýshy taǵy bir márte kezdesse, aıyppul salynady. Bir kisiler bolady «bizde betperde joq, barlyq dárihanalarǵa bardyq, ol jerlerde de satylymda tabylmady», – deıdi. «Tirkelý oryndaryna baılanys­ty ákimshilik oryndaryna barsańyzdar, belgili bir qujat toltyrý arqyly vı­rýs­qa qarsy jabdyqtar beriledi», dep túsindiremiz, – deıdi efreıtor Ulan Bóribaev.

Elimizde tótenshe jaǵdaı engizilgenge deıin de qala kúzetinde adal qyzmet atqaryp júrgen qatardaǵy Meırambek Jeksenbaı men Qanapııa Seıituly da bizdiń bir-eki suraǵymyzǵa jaýap berdi.

– Biz Otan aldyndaǵy azamattyq bo­ry­shymyzdy adal atqarý úshin ant ber­genbiz. Sondyqtan da bolar, biz úshin kúndelikti jaýyngerlik qyzmet pen karantın kezindegi qyzmettiń asa aıyr­­mashylyǵy joq. Bastysy, ha­lyq­qa adal qyzmet etý. Elimizge álem­ge ta­ral­­­ǵan indet kelgeli shamaly úreı oryn alǵan­daı. Dese de, qala tur­ǵyn­­darynan karan­tın ýaqytynda úıde bolýlaryn su­raımyz. Arnaıy mamandardyń aıt­qan­­daryna qulaq asyp, sabyrlyq tanyt­sa, elimiz bul kúnderdi de artta qaldyrady dep senemiz, – deıdi ulan­dyq sarbazdar.

Qala kóshelerin aralaý barysynda baı­qaǵanymyz, qozǵalys barynsha saıa­byr­syǵan. Keshki ýaqytta qalada qybyr etken jan joq deýge de bolady. Baýyrjan Momyshuly aıtqandaı, «tár­tip­ke baǵynǵan qul bolmaıdy». Búkil el bolyp jansaq aqparattarǵa súı­en­beı, elimizge tóngen indetti jumyla kótersek, biz jeńip shyǵamyz.

 

Esenbol IMANǴAZY

 

Sońǵy jańalyqtar

Aqmolada jolǵa jetkilikti mán berilýde

Aımaqtar • Búgin, 09:12

Esilde 45 páterli úı salynýda

Aımaqtar • Búgin, 09:10

«Qazarhıv» basqarmasy qajet

Rýhanııat • Búgin, 08:10

Kaka «Qaıratpen» birge

Fýtbol • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

Ár aýyl­dyń óz «Groz­nyıy» bolǵan

Rýhanııat • Búgin, 06:50

Syrdaǵy egin sýsyz qalýy múmkin

Ekologııa • Búgin, 06:48

Uqsas jańalyqtar