Aımaqtar • 24 Sáýir, 2020

Shyǵys Qazaqstanǵa medısınalyq buıymdarmen júk jetkizildi

11 retkórsetildi

Medısına buıymdary tıelgen 14 tonna júk Qytaıdan О́skemen áýejaıyna jetkizildi. Atap aıtqanda, 100 myń ekspress-test, 18 myń qorǵanysh kostıýmderi, 80 myń respırator, 10 myń danadan COVID-19-ǵa qarsy medısınalyq qorǵanys maskalary, ekrandary men kózildirikteri.

Osylaısha, oblystyń barlyq ınfeksııalyq, provızorlyq jáne observasııalyq stasıonarlarynyń qajettiligi tolyǵymen qamtamasyz etiledi. Ekspress-testileýden aldymen KVI-men kúreste aldyńǵy shepte júrgen adamdar ótedi. Olar medısına qyzmetkerleri, quqyq qorǵaý jáne sanıtarlyq-epıdemıologııalyq organdardyń qyzmetkerleri.

Shyǵys Qazaqstan oblysynyń ákimi Danıal Ahmetov habarlaǵandaı, medısınalyq taýarlar men arnaıy quraldardy satyp alý jáne tasymaldaý «Paryz» qoǵamdyq qory esebinen qarjylandyryldy. Taýarlardy qysqa merzim ishinde satyp alý qytaılyq seriktes – Sınszıandyq «San Bao» saýda-ónerkásiptik korporasııasy JShS arqasynda múmkin boldy.
Aıta keteıik, kompanııa ShQO turǵyndary úshin óz esebinen 10 mln teńgeden astam somaǵa qosymsha Alena-310 markaly 2200 qorǵanysh maskasyn, sondaı-aq 200 myń dana qan alý úshin bir rettik ıneler men gradýırlengen pıpetkalardy jiberdi. «San Bao» korporasııasynyń basshylyǵy Qazaqstan halqyna zor densaýlyq jáne tez arada pandemııany jeńýdi tiledi.

«Elbasy úndeýine sáıkes jáne el Prezıdentiniń tapsyrmasyn oryndaý aıasynda bizdiń oblys qysqa merzimde qytaılyq áriptestermen yntymaqtastyqta qajetti medısınalyq quraldar men taýarlar satyp aldy. Bul bizdiń jerlesterimizdiń densaýlyǵy men ómirin saqtaý úshin aldyńǵy qatarda jumys istep júrgen medısınalyq jáne sanıtarlyq-epıdemıologııalyq qyzmet mamandaryn COVID-19-dan qorǵaý quraldarynyń qoryn qamtamasyz etýge múmkindik beredi», — dep atap ótti aımaq basshysy Danıal Ahmetov.

Taýarlardy tıep jóneltýge «Nur Otan» eriktileri de belsendi túrde qatysty. Oblystyń qalalary men aýdandaryna ári qaraı bólý úshin medısınalyq buıymdar Jumyldyrý daıyndyǵy basqarmasynyń qoımasyna jetkiziledi.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar