Aımaqtar • 24 Sáýir, 2020

Qos dóńgelekti kók tulpar...

26 retkórsetildi

Kezinde kóp satylmaıtyn, kók syrly «Ýral» velosıpedine qol jetkizip, ony qysqa kúnde qyryq ret súrtip, sylap-sıpap júretin aýyl balalary sol shaqta ózderin eń baqytty jandarǵa balaıtyn edi. Al eger ony urlatyp alsa... Bul da bala úshin eń aýyr tragedııa bolatyn.

Qazir, qudaıǵa shúkir, velosıpedke qol jetkizý oryndalmaıtyn arman emes, jaqsy oqyǵan, til alatyn balasyna aqshasy bolsa ákesi ony kez kelgen ýaqytta op-ońaı satyp ápere alady. Biraq ony urlatyp alǵan balanyń júreginde báribir qasiret qalary sózsiz. 

         Bıyl jyl basynan beri Soltústik Qazaqstan oblysynyń polısııasyna 19 velosıpedtiń urlanǵany týraly shaǵym túsken. Sonyń 13-in polısııa ashyp, velosıpedtiń ózin nemese keıbir qosalqy bólshekterin satqannan keıingi qańqasyn ıelerine qaıtardy.  Polısııanyń aıtýyna qaraǵanda ońaı olja izdegen qaskúnemder, bir jutym ashy sýǵa aryn satatyn, adamdyqtan azǵan maskúnemder osyndaı jeńil «urlyqty» kásip qylady eken. Ońaı qyrqýǵa bolatyn jińishke trostarmen matalǵan nemese qarapaıym qulyptar salynyp, qaraýsyz turǵan velosıpedterdi ondaılar ońaı olja qylatyn kórinedi. «Velosıpedti páterge nemese jertólege qoıǵan durys. Qajet bolǵan jaǵdaıda ony beınebaqylaý kameralarynyń kórý aımaǵyna qaldyryp, qalyń trospen mataý qajet. Eger velosıpedtiń oryndyǵy alynatyn bolsa, aǵytyp alǵan jón, bul «ońaı olja» izdegen urylardyń jolamaýyna birden bir sebep bolady», deıdi krımınaldyq polısııa basqarmasynyń bastyǵy, polısııa polkovnıgi Pıotr Klımov.

Urlyqtyń mysaly retinde ol jýyrda ǵana 31 jasar petropavldyqtyń bastan keshken oqıǵasyn aıtty. Internasıonal kóshesindegi úıiniń mańyndaǵy  azyq-túlik dúkenine kirgen ol «MSEP» markaly qymbat velosıpedin trospen aǵashqa baılap qoıǵan. Dúkende 5-10 mınýt bolyp, syrtqa shyqqanda trostyń kesilip, kóliginiń qoldy bolǵanyn kóredi. Keltirilgen shyǵyn 48 myń teńgeni quraǵan. Eki apta ótkennen keıin «Ishım» kóshesiniń boıyndaǵy jeke menshik úıdiń saraıynyń qulpy buzylyp, sol modeldegi velosıped urlanǵan.

Bul joly jedel-izdestirý is-sharasy polıseılerge kúdiktiniń sońyna izin sýytpaı túsýge múmkindik berdi. Ol buryn múliktik qylmystar jasaǵany úshin birneshe ret sottalǵan 1981 jyly týǵan oblys ortalyǵynyń turǵyny bolyp shyqty. Tergeý barysynda ol buryn jasaǵan urlyǵyn da moıyndaǵan. Qazir onyń ústinen Qylmystyq kodekstiń Sotqa deıingi tergep-tekserýleri júrip jatyr. Eki jaǵdaıda da urlanǵan velosıpedter alǵash kezdesken adamdarǵa 10 jáne 11 myń teńgege satylyp ketken. Qazirgi ýaqytta urlanǵan múlikter tabyldy jáne qajetti tergeý prosedýralary aıaqtalǵannan keıin ıelerine qaıtarylady.

 

PETROPAVL

Sońǵy jańalyqtar

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Stadıonǵa barýǵa ruqsat

Sport • Búgin, 07:45

Dala folklorynyń antologııasy

Rýhanııat • Búgin, 07:23

Jyr-dastandar – jańa formatta

О́ner • Búgin, 07:20

Sýret. О́zgeris. Qubylys

Rýhanııat • Búgin, 07:17

Baqyttyń berik bosaǵasy

Rýhanııat • Búgin, 07:13

Jańatastyq jas sheberler

Aımaqtar • Búgin, 07:09

Júıeli jumys jeńiske jetkizedi

Aımaqtar • Búgin, 07:08

Iz qaldyrǵan iri tulǵa

Qoǵam • Búgin, 07:06

Qosaevtar áýletiniń qasireti

Rýhanııat • Búgin, 06:56

Ǵasyr zulmaty

Qoǵam • Búgin, 06:55

Oqý ortalyqtary ońdy ma?

Bilim • Búgin, 06:45

Er muǵalimder nege az?

Bilim • Búgin, 06:35

Kópke beımálim Kókaral lageri

Tarıh • Búgin, 06:25

Qurdym (tórttaǵan)

Ádebıet • Búgin, 06:20

Uqsas jańalyqtar