Bilim • 24 Sáýir, 2020

Bilim mınıstrligi qashyqtan oqytýdyń tıimsiz ekenin moıyndady

1634 retkórsetildi

Dúnıeni dúrliktirgen koronavırýstyń kesirinen 167 el óziniń mektep oqýshylaryn qashyqtan bilim alýǵa kóshirdi. Bul IýNESKO-nyń esebinshe qazir 1,5 mlrd balany qurap otyr. Shuǵyl sheshim kimge, qaı elge bolsyn ońaıǵa soqpaı tur.

Sonyń ishinde bir kezderi «Álemdegi eń bilimdi elder» qatarynan 2-shi oryndy alǵan Izraılge de qıyn tıip jatqan sekildi. О́ıtkeni kúni keshe isralove.org saıty: «Bilim mınıstrligi qashyqtan oqytýdyń tıimsiz ekenin moıyndady», dep jazdy. Maqalada joǵarydaǵy moıyndaýǵa sabaqtardyń júıeli túrde ótpeıtini, baǵdarlamanyń oryndalmaı jatqany sebep ekeni sóz bolǵan.  

«Knesset (Izraıl memleketiniń bir palataly ókili jáne zań shyǵarýshy organy, ıaǵnı parlamenti. Knesset 140 depýtattan turady – A.Sh.) bilim berý komıssııasynyń otyrysy 22 sáýirde keshke ótti. Oǵan qatysýshylar, onyń ishinde Bilim mınıstrliginiń ókili mektepterdegi qashyqtyqtan oqytý problemalaryn talqylaý úshin bas qosty. Qatysýshylar bul oqytýdyń tıimsiz ádisi ekenin moıyndady», delingen materıalda.

Osyǵan oraı Izraıl úkimeti bastaýysh synyp oqýshylaryn mamyrda dástúrli oqytýǵa qaıta kóshirmek. Al shilde aıynda muǵalimderdi mekteptegi toǵyz kúndik jumysqa shyǵarmaq. Eń qıyny Iаffo qalasy muǵalimder odaǵynyń basshysy Ben Devıd qazir muǵalimderdiń eńbekaqysyz jumys istep jatqanyn jetkizdi. Oǵan qosa ızraıldik pedagogtardyń jazdaǵy eńbek demalysynan aıyrylý qaýipi bar.

«Qarjy mınıstrliginiń ókili vedomstvonyń balabaqshalar men bastaýysh mektepterdi ashý josparyn jasaǵanyn, biraq úkimet bul usynysty qabyldamaǵanyn atap ótti. Onyń (jospar) biri – aptasyna 4 kún jumys isteý, qalǵany demalý. Bul ata-analarǵa úıden shyǵýǵa múmkindik beredi.

Otyrys barysynda Izraıl parlamentiniń janynda narazylyq mıtıngi ótti, oǵan mektepke deıingi mekemelerdiń ashylýyn talap etken ata-analar jáne májbúrli jumys ýaqytynyń ótemaqysyn alǵysy keletin jekemenshik balabaqshalardyń ıeleri qatysty», dep jazylǵan maqalanyń sońynda.  

Qosa keteıik, qazir (24 sáýirdegi málimet boıynsha) Izraılde 14 myń 592 adam koronavırýs juqtyryp, onyń 191-i qaıtys bolǵan.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Uqsas jańalyqtar