Aımaqtar • 27 Sáýir, 2020

Jambyldyń jedel shtabyna 10 myńnan astam ótinish túsken

72 retkórsetildi

Búginde Jambyl oblysynda «Jardem 109» biryńǵaı baılanys ortalyǵy bazasynda koronavırýsqa qarsy áreket etý boıynsha óńirlik jedel shtab qurylǵan. Shtab quramynda oblys ákimdiginiń, salalyq basqarmalardyń, tótenshe jaǵdaı, polısııa, «Atameken» kásipkerler palatasynyń, «Azamattarǵa arnalǵan úkimet» mekemesiniń jáne basqa da qyzmetterdiń ókilderi bar.

Atalǵan shtab jumysy áleýmettik qorǵaý jáne eńbek qatynastary, jeke tulǵalardyń qozǵalysy, kólik pen taýarlar, medısınalyq, sanıtarlyq-epıdemıologııalyq qaýipsizdik jáne taǵy da basqa máselelermen birge, óńirdiń tirshilik áreketiniń negizgi jeti baǵytyn da qamtıdy. Shtab táýlik boıy jumys isteıdi. Turǵyndar 109 nómiri boıynsha memlekettik baǵdarlamalar, tótenshe jaǵdaı jáne karantındik rejımniń engizilýine baılanysty áleýmettik tólemder, kólik qozǵalysy jáne basqa da máseleler boıynsha keńes ala alady. Aǵymdaǵy jylǵy 23 naýryzdan beri jedel shtabtyń baılanys ortalyǵyna 10 myńnan astam ótinish túsken. Sondaı-aq, qazirgi kezde jedel shtab qyzmetkerleri beınebaqylaý kameralarymen jabdyqtalǵan 44 blok-bekettiń jumysyn onlaın rejımde baqylaýda. Jańa baılanys-ortalyǵynyń artyqshylyǵy – búgingi tańda onda kelip túsken kez-kelgen ótinishke tıisti deńgeıde jaýap bere alatyn salalyq mamandar bar. Jýyrda ǵana jedel shtabtyń kómegimen Reseı memleketine tabys tabý úshin barǵan Tarazdyń eki turǵyny oraldy. Olar amalyn taýyp Soltústik Qazaqstan oblysynyń Mamlıýtka aýylyna jetip alady. Olar sol aýyldaǵy jergilikti ákimdikten Jambyl oblysynyń jedel shtabyna habarlasyp, jedel árekettiń arqasynda úılerine keldi.

 

Jambyl oblysy

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar