Aımaqtar • 27 Sáýir, 2020

Eriktiler el erteńi úshin eńbek etýde

48 retkórsetildi

Qazaqtyń qanynda bar qasıet urpaqtyń jadynan eshqashan óshpeıdi. Qolda barymen bólisý, ózgege kómektesý de adamshylyqtyń, kisiliktiń kórinisi. Jalpy, ulttyń bul uly qasıeti halyqtyń kóne dastandarynda, ertegi-ańyzdarynda, bir sózben aıtqanda aýyz ádebıetinde keńinen dáriptelgen. Keıingi kezeńde de qalamgerlerdiń shyǵarmashylyǵy adam janyn izgilikke tárbıeleý, tazalyqqa baýlý sııaqty qasıetterdi nasıhattady. Bul turǵyda búginde jastardy jaqsylyqqa, kisilik pen kishilikke tárbıeleýde memlekettiń de alǵa qoıǵan maqsaty aıqyn. Prezıdent Qasym-Jomart Toqaev bıylǵy jyldy «Volonter jyly» dep jarııalaǵan bolatyn. Urpaqty ulttyń uly qasıetin dáripteýge baýlıtyn sheshimniń shynynda da árbir azamattyń kókeıine kisiliktiń kórkem mámilesin uıalatqany anyq.

Búgingideı álem ábigerge túsip, kópshiliktiń kókeıi kúpti bolyp turǵan kezde de bir-birine bolysyp, barymen bólisip jatqan jaqsylar bar. Bul da ózgeniń aqysyn óz aqysynan joǵary qoıa biletin baba-minezdiń kórinisi. О́z erkimen eldiń qamyn oılaǵan eriktilik. Jýyrda Taraz qalasynda kásipkerlerdiń tarapynan áleýmettik jaǵdaıy tómen, kópbalaly jáne az qamtylǵan otbasylarǵa, qart jáne múmkindigi shekteýli kisilerge azyq-túlik, ystyq tamaq sııaqty qajettilikter taratylǵan kezde de erikti jastardyń bul iske qolǵabys jasap júrgenin kózimiz kórdi. Iаǵnı, olar azyq-túlikti, ystyq tamaqty belgilengen mekenjaıǵa jetkizýdi óz moıyndaryna alǵan. Sol sııaqty qıyn kezeńde medısınalyq betperde tigýmen, as pisirýmen jáne ózge de ońdy sharýalarmen aınalysqan azamattardyń bul áreketi qazaqtyń boıyndaǵy kórgendilik pen kisilikti kórsetedi. Máselen, Jambyl oblystyq jastar saıasaty máseleleri basqarmasynyń málimetinshe, tótenshe jaǵdaıǵa baılanysty oblys aýmaǵynda barlyǵy 550 erikti azamattardyń tizimi jasaqtalyp, naqty jumystar júrgizilýde eken. Sonymen qatar, óńirde volonterlikpen barlyǵy 13 uıym aınalysady. Olardyń quramynda 6000-nan asa eriktiler bazasy jasaqtalǵan. Budan bólek, oblys aýmaǵyndaǵy tehnıkalyq jáne kásiptik bilim berý uıymdarynda 36, Taraz qalasy men barlyq aýdandyq «Jastar resýrstyq ortalyqtarynyń» janynan 11 volonterlyq top qurylǵan. Árıne, saýapty ispen aınalysý durys nárse. Tipti, búgingideı sátte kómekke zárý jandar kóp. Sondyqtan da óńirde jastardy jaqsy iske tartý, sol arqyly ulttyń bolmysynda ǵasyrlar boıy qalyptasqan qaıyrymdylyq qasıetterin nasıhattaý maqsatynda búginde tıisti jumystar atqarylýda. «Oblys aýmaǵynda karantın rejıminiń engizilýine baılanysty bizdiń basqarma janynan «Áýlıeata jastary» volonterlyq shtaby quryldy. Shtabtyń negizgi maqsaty – qıyn-qystaý kezeńde oblys turǵyndaryna jan-jaqty qoldaý kórsetý. Qazirgi tańda shtabta barlyǵy 550 volonter qyzmet atqarýda. Taraz qalasy men oblystyń aýdandarynda 10 volonterdan bar. Barlyq shtab jeke avtokólikpen qamtamasyz etilgen. Taraz qalasynda 3, al barlyq aýdandarda 2 jeńil avtokólikten qarastyrylǵan», deıdi oblystyq jastar saıasaty máseleleri basqarmasynyń basshysy Serikbol Berikqoja.

Halqymyz «Kóp túkirse – kól» deıdi. Saýapty istiń úlken-kishisi bolmaıdy. Biraq, irili-usaqty kóptegen sharýanyń kóptiń kómegimen bitetini taǵy bar. Búginge deıin óńirde eriktilerdiń kómegimen 5500 adamǵa azyq-túlik qoraptary, 495 adamǵa dári-dármek jetkizilip berilse, jalǵyz qalǵan 321 qarııanyń turǵyn úıleriniń sharýashylyq jumystaryna qolǵabys jasalǵan. Sonymen qatar, 65 jastan asqan 1137 qarııanyń zeınetaqysy men járdemaqysy úılerine jetkizilse, tótenshe jaǵdaı jarııalanǵan ýaqyttan beri oblysta 64 myń 284 medısınalyq maska turǵyndarǵa tegin taratylǵan. Munyń bári de eriktilerdiń erik-jigerimen júzege asyp jatqan jumystar. Sondaı-aq, qazirgi kezde oblystyq Polısııa departamenti men oblystyq jastar saıasaty máseleleri basqarmasy birlesip, «Qoǵamdyq saqshy» jobasyn júzege asyrýda. Búginde eriktilerdiń kúshimen Taraz qalasynyń kóshelerinde, yqshamaýdandardyń turǵyn úıleri men ǵımarattarynyń qabyrǵalarynda esirtki zattaryn jarnamalaıtyn 300-ge tarta graffıtı jazýlar men qupııa sózder joıylǵan. Qazirgi kezde jambyldyq eriktilerdiń jumysy negizinen koronavırýs indetiniń aldyn alý baǵytynda uıymdastyrylýda. Bul rette «Jas Otan» Jastar qanaty men «Aq suńqar» qoǵamdyq birlestigi oblystyq Tótenshe jaǵdaılar departamentimen birge 500-ge jýyq turǵyn úıdiń turǵyndaryna órt qaýipsizdigi boıynsha úgit-nasıhat jumystaryn júrgizgenin de aıta ketken jón. Sonymen qatar, koronavırýs indetine qarsy karantın jarııalanǵan kúnnen bastap eriktilerdiń kúshimen Taraz qalasyndaǵy oıyn-saýyq ortalyqtaryna, kafe, restoran jáne ózge de nysandarǵa 15 reıd júrgizilip, turǵyndarǵa 30 myń dana aqparattyq búktemeler men medısınalyq maskalar taratylǵan.

apap

Jambyldyq jastar búginde jańa formatta is-sharalar uıymdastyrýdy da qolǵa alýda. Olardyń ishinde ál-Farabıdiń 1150 jyldyǵyna oraı posttar baıqaýy, Abaı Qunanbaıulynyń 175 jyldyǵyna oraı kórkemsóz oqý sheberleriniń baıqaýy jáne de túrli onlaın jarystar men oqytý sharalary bar. Uly danyshpan Ábý Nasyr ál-Farabı «Júrek – basty múshe, muny tánniń eshqandaı basqa múshesi bılemeıdi», deıdi «Qaıyrymdy qala turǵyndarynyń kózqarastary jaıyndaǵy» traktatynda. Shynynda da adam bolmysynda júrektiń orny erekshe. Júrekpen atqarylǵan jumys ta júrekterdi jibitip, jylylyqqa toltyrady. Sondyqtan da búgingi eriktilik jastardy erteńgi eldik tulǵa deńgeıine deıingi bıikke kóteredi. Eriktilikten – eldik tulǵaǵa deıingi aralyq bata hám alǵyspen ǵana jalǵasady.

 

Jambyl oblysy

Sońǵy jańalyqtar

Kaka «Qaıratpen» birge

Fýtbol • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

Olqylyqtardyń ornyn toltyrýǵa serpin beredi

Rýhanııat • Búgin, 07:25

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

«Qazarhıv» basqarmasy qajet

Rýhanııat • Búgin, 06:52

Ár aýyl­dyń óz «Groz­nyıy» bolǵan

Rýhanııat • Búgin, 06:50

Táýelsizdik – eń qymbat qundylyq

Saıasat • Búgin, 06:50

Syrdaǵy eginniń sýsyz qalý qaýpi bar

Ekologııa • Búgin, 06:48

Maýsym shildede jalǵasady

Sport • Búgin, 06:40

Uqsas jańalyqtar