Qazaqstan • 27 Sáýir, 2020

Álemdik bolat óndirisiniń 54%-y Qytaıǵa tıesili

14 retkórsetildi

Dúnıejúzilik banktiń qarjy jáne ınstıtýttar jónindegi vıse-prezıdenti Djeıla Pazarbasıoglýdyń aıtýynsha, koronavırýs indeti adam densaýlyǵyna qaýip tóndirýmen qatar, memleketterdiń qarjylyq múmkindikterin tejep, ásirese, shıkizatqa táýeldi elderdiń jaǵdaıyn qıyndatyp otyr.

̶ Búgingi saıası sheshimderdiń ishinde energetıkalyq sýbsıdııalaý reformalaryn júrgizýdyń qanshalyqty mańyzdy ekenin kórip otyrmyz. Bul reformalar qoǵamnyń neǵurlym osal toptaryn qorǵaý baǵyttalýy tıis. Saıasatkerler saýda-sattyq salasyndaǵy shekteýleri toqtatyp, azyq-túlik qaýipsizdigine mán berý kerek, ̶  deıdi Djeıla Pazarbasıoglý.

Bank keltirgen málimet boıynsha, shıki munaıdyń qańtar-naýryz aılaryndaǵy ortasha baǵasy 50 paıyzǵa tómendedi. Sáýir aıynda qara altyn quny tarıhı mınımýmǵa jetti. Dese de, jyl sońyna deıin munaı baǵasy ortasha eseppen barreline 35 dollardy quraıdy degen boljam bar. Sonymen qatar, tutastaı alǵanda energııa kózderiniń (tabıǵı gaz ben kómirdi qosa alǵanda) baǵasy bıyl ortasha eseppen 40 paıyzǵa tómen bolady dep kútilýde. Degenmen Dúnıejúzilik banktiń boljamy optımıstik kózqarasqa qaraı aýysyp, 2021 jyly baǵa birshama turaqtaıdy degen pikirge saıady.

Álemdik daǵdarys saldarynan bıyl baǵaly metaldardyń quny da quldyrap tur. Ásirese, mys pen myryshtyń baǵasy arzandaǵan. Bıyl jyl sońyna deıin álemdik ónerkásip salasy turalap, metaldar baǵasy shamamen 13 paıyzǵa qysqarady dep boljanýda. Jalpy metalǵa suranystyń kóp bóligin Qytaı qamtamasyz etip otyrǵany belgili. Bul elge tasymaldanatyn shıkizat túrleri shekarada shektelip, logıstıkalyq tizbek ýaqytsha «úzilip» tur. Avtomobıl tasymaldarynyń tejelýi, porttardaǵy keptelisterdiń oryn alýy Qytaıdaǵy kiris jáne shyǵys saýdasynyń tejelýine ákep soqty. Osyǵan baılanysty ónerkásip pen qurylys salasynda shıkizatqa suranys aıtarlyqtaı tómendegen.

London metaldar bırjasynda mys, nıkel jáne myrysh baǵasy jyl basynan beri 9-14%-ǵa tómendedi. Temir keniniń 62% -y aqpan aıynyń basynda bir jyl ishinde eń tómengi deńgeıdi kórsetken bolatyn.

Sarapshylar epıdemııa bastalǵanǵa deıin byltyrǵydaı temir keniniń baǵasy 2020 jyly da joǵary bolady degen boljam aıtqan bolatyn. Alaıda indetdiń jappaı beleń alaýy ınvestorlardyń «oıyn onǵa» bólgen syńaıly. Qytaı shıki bolat óndirýde jetekshi memleket. О́tken jyly álemdik óndiristiń 54%-y osy elge tıesili bolǵan edi. Qytaı metallýrgııa ónerkásibi qaýymdastyǵynyń málimetteri boıynsha, byltyr eldiń qurylys sektory bolatyń 54 paıyzyn qoldanǵan. Kúnshyǵys elindegi qurylys salasy búginde toqtaǵan. Bul degenimiz bolattyń da suranysy tómendep ketkenin ańǵartady. Sonymen qatar, avtoóndiris salasynda jıi qoldanylatyn lıtıı men kobalt elementteriniń de baǵasy qunsyzdanǵany anyqtalyp otyr. Taǵy bir aıta keterligi,  Ońtústik Koreıanyń Hyundai kompanııasy Qytaımen birlesip, avtobólshekter shyǵarady. Qazirgi Qytaıdaǵy jaǵdaıdyń salqyny atalmysh kompanııaǵa da keri áser etip otyrǵany anyq. Degenmen, bıyl Qytaıda avtokólik satyp alýshylar kólemi artýy múmkin. Karantın kezinde qytaılyqtar qoǵamdyq kólikke otyrýdan góri jeke kólikpen qatynaý qaýipsiz ekenin eskerip, suranys artýy múmkin. Bul jaǵdaıdy aldyn ala boljaǵan Qytaı bıligi epıdemııa bastalǵanǵa deıin Qytaı ónerkásip jáne aqparattyq tehnologııalar mınıstrligi bıylǵy shildesinen bastap elektromobılderge sýbsıdııa berý týraly sheshimdi keıinge qaldyrypty. Bul jaǵdaı tipti,  akkýmýlıatorlar úshin qoldanylatyn lıtıı gıdroksıdiniń baǵasyn 10% -ǵa artýyna oń áser etip otyr. Aıta keterligi Qytaıda lıtıı men kobalt óńdeý zaýyttarynda qazirgi ýaqytta qor jetkilikti. О́tken jyly bul elementterdiń aıtarlyqtaı deńgeıde artylyp qalǵany, bıylǵa azyq bolýda.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar