Qazaqstan • 28 Sáýir, 2020

Gaýhar Aldambergenova: Utymdy ister órge bastaıdy

19 ret kórsetildi

Qazaq ulttyq qyzdar pedagogıkalyq ýnıversıtetiniń rektory, pedagogıka ǵylymdarynyń doktory, professor Gaýhar Aldambergenova Qazaqstan Prezıdenti Qasym-Jomart Toqaevtyń málimdemesine qatysty pikir bildirdi. Oqý ornynyń basshysy óz pikirin áleýmettik jelidegi jeke paraqshalarynda jarııalady, dep habarlady ýnıversıtettiń baspasóz qyzmeti.

«Búgin Memleket basshysy Qasym-Jomart Kemeluly elimizdegi koronavırýs indetine qatysty otandastarymyzǵa arnaıy málimdeme jarııalady. Álemge, jalpy adamzatqa qaýip tóndirip otyrǵan derttiń aldyn-alý, aýrýdyń keńinen taralmaýyna jol bermeý maqsatynda elimizde naqty ári utymdy sharalar qolǵa alynǵany barshańyzǵa belgili. Bul – azamattardyń densaýlyǵyn saqtap, olardyń ómirin qorǵap qalý oraıynda qabyldanǵan batyl bastamalar edi.

Osyndaı qıyn-qystaý ýaqytta qazaqstandyqtar «bir jaǵadan bas, bir jeńnen qol shyǵaryp», uıymshyldyq tanyta bildi. Bul qoǵamymyzdyń kemeldengenin hám jańǵyrǵanyn aıǵaqtasa kerek-ti. Mine, Prezıdent óz málimdemesinde osy jaıt týrasynda keńinen atap ótti.

Sonymen qatar ol karantın jaǵdaıynda turaqty tabysynan aıyrylǵan el turǵyndaryna qoldaý kórsetilip kele jatqandyǵyn jáne mundaı ıgilikti is aldaǵy ýaqytta da jalǵasyn taba beretindigin tilge tıek etti.

Memleket basshysy keleshekte el ekonomıkasyn qýattandyrý jolyndaǵy qaryshty qadamdar tóńireginde de baıandady. «Búginde elimiz damýdyń jańa deńgeıine qadam basyp otyr. Shyn máninde, biz endi múlde jańa jaǵdaıda ómir súretin bolamyz. Sondyqtan ekonomıkaǵa jáne memlekettik basqarý júıesine aýqymdy ári mańyzdy ózgerister qajet», dedi Qasym-Jomart Kemeluly.

Sondaı-aq ol joǵary oqý oryndary, kolledjder men mektepter qashyqtan oqytýdy jalǵastyra beretindigin málimdedi.

Osy oraıda astyn syzyp atap ótetin bir jaıt bar.

Búginde Bilim jáne ǵylym mınıstri Ashat Qanatuly men ol basqaryp otyrǵan vedomstvo ujymynyń utymdy uıymdastyrýynyń nátıjesinde elimizde qashyqtan oqytý júıeli júrgizilýde. Atqarylǵan ister az emes. Bar nárseni bar degen lázim bolatyn shyǵar dep oılaımyn.

Elimizde tótenshe jaǵdaı jarııalanǵan ýaqyttan bastap Qazaq ulttyq qyzdar pedagogıkalyq ýnıversıteti de birqatar jobalardy júzege asyryp keledi.

Birinshiden, stýdentter, magıstranttar men doktoranttarǵa bilim berý úzdiksiz iske asyrylýda. Bul oraıda oqý ornynyń professor-oqytýshylar quramynyń eren eńbegin erekshe atap ótkim keledi.

Ekinshiden, bilim alýshylarǵa jedeldetilgen ádistemelik kómek kórsetý maqsatynda «Akademııalyq saǵat» jobasy bastaý aldy. Maqsat – ýnıversıtettiń oqytýshylary, bilim alýshylary jáne ákimshilik qyzmetkerlerimen qashyqtan oqý boıynsha tyǵyz baılanys jasaý. «Akademııalyq saǵat» kezinde bilim alýshylar prorektorlarǵa, dekandarǵa, kafedra meńgerýshilerine qashyqtan oqytý barysynda týyndap jatqan suraqtardy qoıa alady.

Úshinshiden, «Sıfrly volonter» jobasy. Ol professor-oqytýshylarǵa ádistemelik jáne aqparattyq kómek kórsetýge baǵyttalǵan.

Tórtinshiden, ýnıversıtette Psıhologııalyq qoldaý qyzmeti ashyldy. Oqý ornynyń bilikti psıholog mamandarynan qurylǵan top karantın ýaqytynda el turǵyndaryn qoldaý maqsatynda jáne óz-ózin oqshaýlaý sıtýasııasynda stresstik jaǵdaıǵa túsýdiń aldyn alý boıynsha keńester beredi. Qyzmetterdiń barlyǵy tegin. Barlyq aqparattar ýnıversıtettiń resmı ınternet resýrsy men áleýmettik jelidegi resmı paraqshalarynda jarııalanǵan.

Sózimdi Memleket basshysynyń este ustarlyq myna bir sózimen aıaqtaǵym kelip otyr: «Bul daǵdarys birligi bekem, elin súıetin otanshyl jurt ekenimizdi kórsetti.  Qashanda osylaı ult bolyp uıysa bilsek, barlyq maqsatymyzǵa qol jetkizemiz. Oǵan eshqandaı kúmán joq.  Eldiń qamy úshin bastaǵan isimiz qaıyrly bolady dep senemin!  Halqymyz  «Bereke basy – birlikte» deıdi.  Judyryqtaı jumylsaq, kez kelgen qıyndyqty jeńemiz!», – dep jazdy Gaýhar Aldambergenova.

Sońǵy jańalyqtar

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Basty qundylyq – adam ómiri

Qoǵam • Búgin, 08:23

Saqtyq sharalaryn oryndaý kerek

Qoǵam • Búgin, 08:19

Búgin gazet jaqsy shyǵypty...

Oqıǵa • Búgin, 08:15

Vırtýaldy velojarysqa qatysady

Sport • Búgin, 08:10

Rekordty jańartty

Sport • Búgin, 08:07

Arnaıy Olımpıada Qazanda ótedi

Sport • Búgin, 08:01

«Djıp-safarı expedition»

Týrızm • Búgin, 08:00

Qoǵamdyq jaýapkershilik qajet

Parlament • Búgin, 07:57

Názıra

Oqıǵa • Búgin, 07:51

Aýladaǵy ahýal alańdatady

Qoǵam • Búgin, 07:39

Uqsas jańalyqtar