Elorda • 28 Sáýir, 2020

Nur-Sultan ákimdigi aýlada serýendeý men saıajaıǵa barý talaptaryn túsindirdi

38 retkórsetildi

27 sáýirden bastap Nur-Sultan qalasynyń turǵyndary men qonaqtaryna aýlada serýendeýge jáne saıajaıdaǵy óz ýchaskelerine barýǵa ruqsat etiledi. Bul týraly Nur-Sultan qalasy ákimdiginiń baspasóz qyzmeti habarlady.

Osyǵan baılanysty azamattarǵa qoıylatyn talaptar týraly qala ákimi orynbasary Baqtııar Maken túsindirdi.

«Azamattar úı aýlasynda serýendeý úshin naqty bir sharttar men shekteýlerdi oryndaýy qajet. Atap aıtsaq, kóshede otbasy múshelerin qospaǵanda, úsh adamnan kóp top bolyp jınalýǵa tyıym salynady. Kámeletke tolmaǵan balalar ata-analarynyń nemese 18 jasqa tolǵan týystarynsyz aýlada júrýine ruqsat etilmeıdi. Aýlada serýendep júrgen azamattar medısınalyq maska men qolǵap kııýi kerek. Tek naqty turǵylyqty meken-jaıdyń aýlasynda bolýy shart. Kóshede júrýge 06.00-den 20.00-ge deıin ruqsat etiledi», – dedi B.Maken ortalyq kommýnıkasııalar qyzmetinde ótken brıfıngte.

Egde jastaǵy (65 jastan joǵary) jáne sozylmaly aýrýlary bar adamdar, asa qajettilik bolmasa syrtqa shyqpaǵany durys. О́ıtkeni bul sanattaǵy adamdardyń Covid-19 ınfeksısymen aýyrý yqtımaldyǵy joǵary. Sondaı-aq saıajaı ýchaskeleriniń ıeleri de karantın aımaǵynan shyǵý úshin birqatar sharttardy saqtaýy tıis. Olar: karantın aımaǵynda 06:00-den 20:00-ge deıin jeke kólikpen júrý, memlekettik mór qoıylǵan baý-baqsha seriktestigine múshelik kitapshasynyń nemese jer ýchaskesiniń maqsatty taǵaıyndamasynyń memlekettik akt kóshirmesiniń bolýy. 65 jastan asqan egde adamdar baý-baqsha alańdaryna barmaýy qajet. Al, kámeletke tolmaǵan balalarǵa ata-anasy nemese 18 jasqa tolǵan týystarynsyz saıajaıǵa barýǵa ruqsat etilmeıdi. Aıta ketsek, qalada 20 myńnan astam adam turatyn 64 baǵbandyq birlestik bar.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar