Aımaqtar • 28 Sáýir, 2020

Qaraǵandy: Bes oqýshy Nazarbaev ýnıversıtetiniń grantyna ıe boldy

260 retkórsetildi

Qaraǵandy qalasyndaǵy Nazarbaev Zııatkerlik mektebiniń bes oqýshysy Qazaqstannyń úzdik joǵary oqý ornyna shaqyrtý aldy. Bilim mekemesiniń 12-synyp oqýshylary Erasyl Turarov, Álibek Ábeýov, Aıtolqyn Áljanova, Erasyl Qadyrjanov jáne Anara Sembekova Nazarbaev Ýnıversıtetiniń bilim grantyna ıe boldy.

Ozat oqýshynyń biri Erasyl Turarov atalǵan ýnıversıtette mehanıkalyq jáne aeroǵaryshtyq ınjenerııa mamandyǵy boıynsha bilim alýdy josparlap júr. Ol respýblıkalyq jáne halyqaralyq robot tehnıkasy boıynsha túrli konkýrstarǵa qatysyp, júldeli oryndarǵa ıe bolǵan daryndy jas.

Erasyl óziniń jas kezinen matematıkaǵa, robot tehnıkasyna, fızıka men ınformatıkaǵa qyzyǵýshylyǵynyń zor bolǵanyn aıtady.

– Bolashaqta ózimniń ómirimdi osy salalarmen baılanystyramyn. Meniń qabiletimdi baıqap, ony damytýǵa úles qosqan mektebime, ustazdarym men robot tehnıkasy klýbynyń jetekshilerine alǵysymdy bildiremin, deıdi ol.

Sondaı-aq, grantqa ıe bolǵan túlekter ishinde Álibek Ábeýov taý-ken isi, Aıtolqyn Áljanova halyqaralyq qatynastar, Erasyl Qadyrjanov kompıýter ǵylymdaryn, al Anara Sembekova medısına  mamandyqtaryn tańdaǵan.

Aıtolqyn Áljanova AQSh-ta FLEX baǵdarlamasy boıynsha bir jyl oqyp kelgen soń, stýdenttik shaqty Qazaqstanda, jaqyn adamdarynyń janynda ótkizýge sheshim qabyldaǵanyn aıtady.

– Men birneshe oqý ornymen qatar Nazarbaev Ýnıversıtetine de qujat tapsyrǵan edim. Oqý orny jaıly biraz aqparatqa qanyqqan soń, tórt jylymdy osy ýnıversıtette ótkizemin dep sheshtim. Nazarbaev ýnıversıteti maǵan bilimdi, jarqyn jandar jınalǵan úlken otbasy sııaqty kórinedi. Sondyqtan beıimdelý prosesi tez, ári ońaı ótedi dep oılaımyn. Ýnıversıtettiń jarqyn bolashaqqa jolymdy ashyp, ózimdi damytýyma kómektesetinine senemin, – deıdi talapty jas Aıtolqyn Áljanova.

Baǵy janǵan qaraǵandylyq bes alǵadaı jastyń oqýǵa erte qabyldanǵan abıtýrentter qatarynda ekenin aıta ketken jón.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar