Sport • 29 Sáýir, 2020

Andre Agassı 50 jasqa toldy

2 retkórsetildi

AQSh-tyń áıgili tennısshisi, kezindegi álemniń birinshi raketkasy atanǵan Andre Agassı búgin 50 jasqa tolyp otyr.

Andre 1970 jyldyń 29 sáýirinde Las-Vegas qalasynda dúnıege keldi. Jastaıynan jasyndaı jarqyraǵan bozbala ýaqyt oza óz qatarynyń aldy boldy. Áýelde AQSh-ta aldyna jan salmaǵan ol kóp uzamaı halyqaralyq arenalarda da myqtylyǵyn moıyndatty.

О́ziniń sporttyq karerasynda Andre Agassı ATR týrnırlerinde 60 márte jeńimpaz atandy. 1992-2003 jyldar aralyǵynda Aýstralııanyń ashyq birinshiligin – tórt, AQSh-tyń ashyq birinshiligin – eki jáne Ýımbldon men Rolan Garrosty – bir-bir retten utty. 1996 jyly Atlanta Olımpıadasynda aldyna jan salmady. Devıs kýbogynda úsh márte dara shyqty. Toqsanynshy jyldardyń bel ortasynda ATR reıtınginde kósh bastady. 2003 jyly Agassı qaıta álemniń birinshi raketkasy atandy. Ol kezde aıtýly oıynshy 43 jasta edi. Osylaısha, onyń esimi tórtkúl dúnıeniń úzdigi atanǵan eń qart tennısshi retinde tarıhta qaldy.

Bul kúnderi aıtýly AQSh tennısshisi tasy órge domalaǵan bıznesmen. Onyń menshiginde kóptegen qurylys nysandary, meıramhanalar men qonaq úıler bar. Saýda-sattyqpen de aınalysady.

Andre Agassı eki ret úılengen. Onyń alǵashqy áıeli – áıgili aktrısa jáne model Brýk Shılds. 2001 jyly Andre ekinshi ret dańqty tennısshi Shteffı Grafpen shańyraq kóterdi.

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar