Saıasat • 30 Sáýir, 2020

Júregimizge senim uıalatty

6 retkórsetildi

Memleket basshysy Q.Toqaev Qazaqstan halqyna jasaǵan málim­de­me­sinde tótenshe jaǵdaı rejimin 11 mamyrǵa deıin uzartýǵa sheshim qabyl­danǵanyn jarııalady, sebebi elimizde COVID-19 indetiniń qaýpi áli seıilip bitken joq. Biz osy jaǵdaıǵa baılanysty Prezıdenttiń sheshimin qoldaımyz. Bul aldyńǵy der kezinde qabyldaǵan sharalardy tolyq­tyratynyn atap ketkim keledi.

COVID-19 indeti álemniń shartarabyna taralýy saldarynan adamzat ómirine tótennen qaýip tónip, jer-jahanda osy indetten júz myńdaǵan adam ajal qushyp jatqan kezde barlyq jerde qaýipsizdik shartyn qatań saqtaǵan abzal. Búginde elimizde indetpen kúres sharalarynyń barlyǵy Prezıdent Q.Toqaevtyń tikeleı basshylyǵymen iske asýda jáne tolyq qadaǵalaýda. Memleket basshysynyń Jarlyǵymen 16 naýryzdan bastap elimizde Tótenshe jaǵdaı jarııalanǵany belgili.

Elimizde qatań karantın sharalary engizilgen soń mekemeler men kásiporyndardyń kópshiligi qashyqtan jumys isteý tártibine kóshti, joǵary oqý oryndary, kolledjder, jalpy bilim beretin mektepter qashyqtan bilim berýdi júzege asyrýda. Memleket tarapynan adamdardyń densaýlyǵyn saqtaý, vırýs juqtyrǵandardy emdeý jáne adamdardy odan saqtandyrý, aldyn alý sharalary qarqyndy júrgizilýde.

Prezıdent sózi búkil halqymyzdy qanattandyra tústi. Shynynda da biz arqasúıer memleketi, jol kórseter dana basshysy, qamqor Prezıdenti bar táýelsiz el ekenimizge qýanamyz. О́ıtkeni qazirgideı óte kúrdeli kezeńde memleketimizdiń Qazaqstan halqyna jasap otyrǵan qamqorlyǵy ushan-teńiz.

Prezıdent atap kórsetkendeı, búginge deıin elimiz boıynsha 4 mln 250 myń azamatqa qarjylaı kómek kórsetildi. 570 myńnan astam adamǵa azyq-túlik taratyldy. Jalpy, 1,1 mln-nan astam adamdy azyq-túlikpen qamtamasyz etý josparlanýda. Sáýir-mamyr aılarynda 1,6 mln-nan astam adamǵa kommýnaldyq tólem úshin kómek kórsetiledi. Azyq-túliktiń jetkilikti bolýyna jáne onyń sapasyna qatysty udaıy monıtorıng júrgizilýde. Indetpen kúrestiń aldyńǵy shebinde júrgen dárigerlerge qarjylaı qoldaý kórsetilýde. 1,6 mln-nan astam adam, 11,5 myń shaǵyn jáne orta bıznes ókilderi nesıelerin keıin tóleýge múmkindik aldy. Bul, jalpy alǵanda, 360 mlrd-tan astam teńgeni qamtıdy. Búginde shaǵyn jáne orta bıznes kúrdeli jaǵdaıǵa tap bolyp otyrǵandyqtan, qazir 700 myńnan astam kompanııa men jeke kásipkerge salyqtyq jeńildikter jasalýda. Aýyl sharýashylyǵyn qoldaý, kóktemgi egis naýqanyn ýaqtyly atqarý úshin, sondaı-aq sharýalardyń bolashaq ónimderin satyp alý úshin 200 mlrd teńge bólindi.

Vırýs juqtyrǵan dárigerler men tártip saqshylaryna kórsetiler qamqorlyq ta aýqymdy. Munyń ózi memleketimizdiń óz adamdaryna degen janashyrlyǵymen qamqorlyǵynyń jarqyn kórinisi. Sondyqtan hal­qy­myz Elbasymyz N.Á.Nazarbaev pen Prezıdentimiz Q.K.Toqaevqa shyn júrekten alǵys aıtýda.

Memleket basshysynyń qaıta-qaı­ta buqaralyq aqparat quraldarynda, óz úndeýleri men málimdemelerinde halyqty vırýstan saqtanýǵa, otbasyn, bala-shaǵasyn indetten qorǵaýǵa damylsyz shaqyrýy onyń zor adam­gershiligi men el aǵasy retindegi kisi­lik kelbetiniń aıqyn kórinisi ekeni shú­básiz.

Abaı atyndaǵy Qazaq ulttyq pedagogıkalyq ýnıversıtetiniń ujy­my da elimizde jarııalanǵan tótenshe jaǵdaı men karantındik talaptarǵa sáıkes oqý úderisin qashyqtan oqytý júıesinde júzege asyrýda. Barlyq bilim alýshylar ýnıversıtettiń aqparattyq Univer, Moodle júıeleri arqyly qajetti oqý kontentin alyp, tapsyrmalardy der kezinde oryndaýǵa múmkindik aldy. Aldymyzda kóktemgi emtıhan sessııasyn uıymdastyrý máselesi tur. Bul jerde de ýnıversıtet tolyq daıyndyqta otyr. Ýnıversıtettiń Ǵylymı keńesiniń sheshimimen kóktemgi sessııa óz merziminde qashyqtan onlaın-test jáne shyǵarmashylyq pánder boıynsha emtıhandar beınekonferensııa formatynda ótkizilip, akademııalyq adaldyqty baqylaý úshin proktorıng júıesi paıdalanatyn boldy. Sonymen qatar Bilim jáne ǵylym mınıstrliginiń usynysy men ýnı­ver­sıtettiń kóptegen stýdenttiń ótinish­terine sáıkes aǵymdaǵy baǵalar negizinde emtıhan baǵasyn qoıý týraly sheshim qabyldandy.

Sonymen birge stýdentterdiń ótinishterine sáıkes, oqý aqysyn tóleý merzimi mamyr aıynyń sońyna deıin uzartyldy jáne keıbir stýdentterge qosymsha jeńildik beriletin boldy.

Osy kezeńde, Memleket basshy­sy­nyń bilim berýdegi jáne áleýmettik máse­leler boıynsha tapsyrmalaryn Abaı atyndaǵy Qazaq ulttyq peda­gogıkalyq ýnıversıtetiniń ujymy tolyq oryndap jatyr dep aıtamyz.

Bastalýy bar ár nárseniń aıaq­talýy da bolatyny sózsiz. Álemdi dúr­liktirgen indet dúrbeleńiniń de bir kúnderi toqtaıtyny anyq. Sol kezde búkil halqymyz adam ómiri úshin bolǵan osynaý zor maıdanda erlershe qaı­rat kórsetken Prezıdentimiz ben aza­mat­tarymyzdyń eren eńbegin maqta­nyshpen aıtatyn bolady.

 

Takır BALYQBAEV,

Abaı atyndaǵy Qazaq ulttyq pedagogıkalyq ýnıversıtetiniń rektory, professor

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar