Qoǵam • 30 Sáýir, 2020

«QazMunaıGazda» 200-den astam qyzmetker qysqartylady

47 retkórsetildi

«QazMunaıGaz» UK AQ Dırektorlar keńesiniń otyrysynda jańa uıymdyq qurylymdy bekitý týraly sheshim qabyldandy. Sheshim kompanııanyń qarjy jaǵdaıyn turaqtandyrý jáne naryqtyq faktorlardyń jaǵymsyz yqpalyn azaıtýǵa baǵyttalǵan is-sharalardyń aıasynda qabyldandy.

Kompanııa málimetteri boıynsha, Ortalyq apparat uıymdyq qurylymynyń jańa jobasy boıynsha geologııa, barlaý jáne óndiris bólikterin biriktirý. Sáıkesinshe, Basqarma tóraǵasynyń geologııa jáne barlaý jónindegi orynbasarynyń qyzmeti qysqartyldy; basqarý deńgeılerin azaıtý. Nátıjesinde 22 basqarýshy dırektordyń laýazymdary joıylady; departamentterdiń sanyn úsh ese azaıtý kózdelip otyr.

«Korporatıvtik ortalyqtyń qurylymy shaǵyn ári jedel qımyldaýǵa jáne bıznes úshin daǵdarys saldaryn az shyǵynmen eńserý úshin tıimdi sheshimder qabyldaı alatyndaı bolýy tıis. Daǵdarysqa qarsy strategııany júzege asyrýǵa basa nazar aýdarý maqsatymen kóptegen qyzmet túrlerinen bas tartamyz jáne enshiles kompanııalarmen yqpaldastyqtyń tetikterin qaıta qarastyratyn bolamyz», – dedi kompanııanyń Basqarma tóraǵasy Alık Aıdarbaev.

Kompanııada bıznes-prosester ońtaılandyrylyp, daǵdarysqa baılanysty ózektiligin joǵaltqan kóptegen jobalar men is-sharalardy júzege asyrý boıynsha josparlar qaıta qarastyrylýda. Nátıjesinde ortalyq apparattaǵy qyzmetkerlerdiń shtattyq sanyn 34 paıyzǵa – 729-dan 480 adamǵa deıin azaıtý týraly sheshim qabyldandy.

Kompanııa basshylyǵy jumysshylar men olardyń otbasy músheleriniń aldyndaǵy áleýmettik jaýapkershiligin tereń uǵyna otyryp, bosatylǵan qyzmetkerlerge barynsha qoldaý kórsetýge nıetti. Bosatylǵan qyzmetkerlerdiń tańdaýy boıynsha qoldaýdyń birneshe túri kórsetilmek. Atap aıtqanda, birjolǵy járdemaqy tóleý nemese basqa jumysqa turý úshin rekrýtıngtik uıymdardyń qyzmetin usyný nemese kompanııa  esebinen qaıta oqý. Áleýmettik jaýapkershilikke negizdelgen bosatý sharalary «Samuryq-Qazyna» Qorynyń tapsyrmasyn oryndaý aıasynda daıyndaldy.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar