Saıasat • 01 Mamyr, 2020

Qylmystyq júıeni jańǵyrtý

16 retkórsetildi

Qaýipsizdik keńesiniń apparaty Elbasy men Qazaqstan Respýblıkasy Prezı­dentiniń tıisti tapsyrmalaryn oryndaý boıynsha jumysty jalǵastyrýda. Quqyq qorǵaý júıesiniń tolyqqandy reformasy Qazaqstan Respýblıkasyn damytýdyń zamanaýı kezeńindegi eń ózekti mindetterdiń biri bolyp qalady.

Atap aıtqanda, 2020 jylǵy 30 sáýirde Qazaqstan Respýblıkasy Prezı­dentiniń kómekshisi – Qaýipsizdik Keńe­siniń Hatshysy Á.Isekeshev qyl­mys­tyq-atqarý júıesin odan ári damytý máseleleri boıynsha selektorlyq keńes ótkizdi.

Keńes jumysyna Ishki ister mınıstr­ligi­niń, Bas prokýratýranyń, Qylmystyq-atqa­rý júıesi komıtetiniń (budan ári – Ko­mıtet) jáne onyń aýmaqtyq bólim­she­leriniń basshylyq quramy qatysty.

Ishki ister mınıstri E.Turǵymbaev Qazaqstan Respýblıkasynyń 2010 jyldan 2020 jylǵa deıingi kezeńge arnalǵan quqyqtyq saıasat tujyrymdamasynda (Qazaqstan Respýblıkasy Prezıdentiniń 2009 jylǵy 24 tamyzdaǵy №858 Jar­lyǵymen bekitilgen) kórsetilgen penı­ten­sıarlyq júıeni damytý mindetterin oryndaý nátıjelerin usyndy.

Atap aıtqanda, bas bostandyǵynan aıyrýmen baılanysty emes qylmystyq jazalaý sharalaryn praktıkaǵa keńinen engizý qamtamasyz etildi.

Eger 2009 jyly bas bostandyǵyn shekteý sııaqty jazanyń túrin respýblıka sottary 781 sottalǵandarǵa qatysty ta­ǵaı­yndaǵan bolsa, 2019 jyly atalǵan qyl­mystyq jaýapkershilik sharalaryna 9 495 nemese 12 ese kóp adam tartylǵan.

Sondaı-aq bas bostandyǵynan aıyrý­men baılanysty emes qylmystyq jaza­nyń basqa túrlerin qoldaný aıasy aı­tarlyqtaı keńeıdi: qoǵamdyq jumystar – 3,8 ese (1 213-ten 4 638-ge deıin) jáne aıyp­­puldar – 2,3 ese (1 765-ten 4 082-ge deıin).

Qabyldanǵan sharalary nátıjesinde qylmystyq-atqarý júıesi mekemelerinde tulǵalardyń sany 2010 jylǵy 63 643-ten 2020 jyly 29 841-ke deıin qysqardy; «Túrme halqynyń ındeksinde» Qazaqstan Respýblıkasy 13-orynnan 99-orynǵa aýysyp, óz pozısııalaryn aıtarlyqtaı jaqsartty.

Zańnamalyq baza mańyzdy jańarýǵa ushyrady.

2015 jyldyń 1 qańtarynan bastap Qa­zaqstan Respýblıkasynyń jańa Qylmys­tyq-atqarý kodeksi, 2017 jyly – «Pro­basııa týraly» zań qoldanysqa engizildi.

Qylmystyq-atqarý ınspeksııa­lary­nyń ornyna probasııa qyzmetteri quryldy, olardyń negizgi fýnksııalarynyń biri sottalǵandardy túzep-tárbıeleýge yqpal etýdi, onyń ishinde tásilderdi daralandyrý qaǵıdaty negizinde damytý boldy.

Qazaqstan Respýblıkasynyń Tuńǵysh Prezıdenti – Elbasynyń bastamasy boıyn­sha qylmystyq jazalardy oryndaý bo­ıynsha qyzmettiń tárbıelik bólikterin art­tyrý ıdeıalary 5 ınstıtýttyq reformany júzege asyrý boıynsha 100 naqty qadam – Ult josparynda  kórinis tapty.

О́z kezeginde Qylmystyq-atqarý júıesi komı­tetiniń tóraǵasy sottal­ǵan­dardy us­taý jaǵdaıy jaqsarǵanyn, týys­tarymen áleý­mettik baılanystardy qoldaý maq­satynda kezdesýler men tele­fon arqy­ly sóılesýler sanynyń artqa­nyn habarlady.

Sonymen qatar qylmystyq-atqarý me­­ke­melerinde sottalǵandarǵa arnalǵan dúken­derdiń elektrondy formattaǵy ju­mysynyń sheteldik tájirıbesi engi­zilýde.

Ult josparynyń 33-qadamyna sáıkes Elbasynyń 2016 jylǵy 8 jeltoqsandaǵy №387 Jarlyǵymen bas bostandyǵynan aıyrý oryndarynan bosatylǵan jáne probasııa qyzmetiniń esebinde turǵan azamattardy áleýmettik ońaltýdyń keshendi strategııasy bekitildi.

 Jumystyń negizgi baǵyttarynyń biri retinde penıtensıarlyq ınfraqurylymdy jańǵyrtý, sottalǵandardyń eńbekpen qamtylýyn, onyń ishinde memleket-jekemenshik áriptestigi mehanızmderin qol­dana otyryp damytý boldy (Ult jos­parynyń 34-qadamy).

Sybaılas jemqorlyqqa qarsy is-qımyl, qylmystyq-atqarý júıesi qyz­met­kerlerin materıaldyq qamtamasyz etý jáne áleýmettik qorǵaý deńgeıin arttyrý máseleleri Qazaqstan Respýblıkasynyń ishki ister organdaryn jańǵyrtý jónin­degi 2019-2021 jyldarǵa arnalǵan Jol kar­tasynyń 8-bóliminiń naqty is-sharala­rynyń máni bolyp tabylady (Qazaqstan Res­pýblıkasy Úkimetiniń 2018 jylǵy 27 jel­toqsandaǵy №897 qaýlysymen beki­tilgen).

2019 jyldyń tamyz aıynda Qazaq­stan Respýblıkasy Prezıdenti Q.K.To­qaevtyń tapsyrmasy boıynsha penı­tensıarlyq júıede sottalǵandar quqyq­tarynyń saqtalý zańdylyǵynyń jaǵdaıy Qazaqstan Respýblıkasynyń zańdylyqty, qu­qyqtyq tártipti jáne qylmysqa qar­sy kú­resti qamtamasyz etý jónindegi Úı­les­tirý keńesiniń arnaıy otyrysynda qaraldy.

Úılestirý keńesimen qaraý nátıjeleri boıynsha sottalǵandar quqyqtarynyń buzylýyn boldyrmaý jóninde birqatar naqty usynys ázirlendi, olar iske asyrý satysynda.

Keńeste usynylǵan ýákiletti organ­nyń jumysy týraly aqparat Prezı­dent­tiń kómekshisi – Qaýipsizdik keńesiniń hat­shysy Á.О́.Isekeshevpen nazarǵa alyn­­dy, stra­tegııalyq jáne baǵdarla­malyq qujattarda kórsetilgen birqatar maqsat­qa qol jetkizilgendigi aıqyndaldy.

Sonymen qatar Qaýipsizdik keńesiniń hatshysy atap ótkendeı, qylmystyq-atqa­rý júıesin jańǵyrtý qoǵamnyń quqyq qorǵaý salasyndaǵy eń ózekti suranys­tarynyń biri bolyp qala berýde.

Jınalysqa qatysýshylardyń nazary BAQ pen áleýmettik jelilerde jalǵa­sýdaǵy penıtensıarlyq mekemelerdiń qyz­met­kerleri men basqa da sottalǵandar tara­pynan qylmystyq jazasyn ótep jat­qan azamattardyń quqyqtaryn óreskel bu­zýy týraly jarııalanymdarǵa aýdaryldy.

Qylmystyq-atqarý júıesiniń júıeli problemalarynyń qatarynda sybaılas jemqorlyq, tyıym salynǵan zattardyń ótýi, probasııa qyzmetiniń jumysyndaǵy formalızm, jumystyń eskirgen nysandary men ádisteri, vedomstvolyq «Eńbek» RMK áleýetin jetkiliksiz paıdalanylýy atap ótildi.

О́tkizilgen talqylaý barysynda Ishki ister mınıstrligi men Qylmystyq-atqarý júıesi komıtetiniń jaýapty basshylary qylmystyq-atqarý júıesin jańǵyrtý jónindegi belsendi jáne irgeli jumysty jalǵastyrý qajettigine baǵdarlandy.

Onyń ishinde qyzmettiń basym baǵyt­tary retinde:

- qylmystyq-atqarý júıesi meke­meleriniń qyzmetinde qazirgi zamanǵy tehnologııalardy neǵurlym belsendi qoldaný (beınebaqylaý, onlaın-shaǵymdaný men beınekórý portaldary jáne t.b.);

- sottalǵandar arasynda tárbıe jáne ıdeologııalyq jumystyń tıimdiligin arttyrý, pármendi psıhologııalyq kómek kórsetý, onyń ishinde sýısıdtik minez-qulyqtyń aldyn alý boıynsha sharalar qabyldaý;

- vedomstvolyq baǵynysty kásip­oryn­dardyń áleýetin, memleket-jekemenshik áriptestigi mehanızmderin neǵurlym tıimdi paıdalaný jáne sottalǵandardyń naqty eńbekpen qamtylý kórsetkishterin arttyrý esebinen qylmystyq-atqarý júıesiniń sharýashylyq qyzmetin ońtaılandyrý;

- penıtensıarlyq ınfraqurylymdy, birinshi kezekte bas bostandyǵynan aıyrý oryndarynda qylmystyq jazasyn ótep jatqan azamattardy ustaý jaǵdaılaryn jaqsartý;

- sottalǵandardy qaıta áleýmettendirý boıynsha jumys tásilderin, onyń ishinde ony baǵalaý krıterıılerin qaıta qaraý;

- mekeme qyzmetkerleriniń sybaılas jemqorlyq quqyq buzýshylyq jasaý yq­tımaldyǵyn boldyrmaıtyn nemese azaı­tatyn kúndelikti jumys prosesterin uıym­dastyrý algorıtmderin ázirleý jáne engizý;

- qylmystyq-atqarý júıesindegi qyz­mettiń bedelin arttyrýǵa baǵyttalǵan sha­ra­lardy qabyldaý.

Talqylaý barysynda penıtensıarlyq mekemelerde qylmystyq jazasyn ótep jat­qan azamattardyń ómiri men densaý­lyǵyn qorǵaý kepildigin arttyrý, sonyń ishinde SOVID-19 pandemııasy jaǵda­ıynda epıdemııaǵa qarsy qorǵaý sharalaryn kúsheıtý qajettigi bólek atap ótildi.

Qorytyndylaı kele, Qaýipsizdik keńe­siniń hatshysy qylmystyq-atqarý júıesin jetildirý máseleleri aldaǵy ýaqytta da Prezıdent Ákimshiligi men Qa­ýipsizdik keńesi basshylyǵynyń turaqty baqylaýynda bolatynyn aıtty.

 

Qaýipsizdik keńesiniń apparaty

 

Sońǵy jańalyqtar

Qazaqstanda jol sapasy qashan jaqsarady?

Qazaqstan • Búgin, 12:00

Aqmolada joldar jóndeledi

Aımaqtar • Búgin, 09:12

Esilde 45 otbasy baspanaly bolady

Aımaqtar • Búgin, 09:10

«Qazarhıv» basqarmasy qajet

Rýhanııat • Búgin, 08:10

Kaka «Qaıratpen» birge

Sport • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

Ár aýyl­dyń óz «Groz­nyıy» bolǵan

Rýhanııat • Búgin, 06:50

Syrdaǵy egin sýsyz qalýy múmkin

Ekologııa • Búgin, 06:48

Uqsas jańalyqtar