Aımaqtar • 03 Mamyr, 2020

Qyraǵy leıtenant uryny qapy qaldyrdy

570 retkórsetildi

Keshe Petropavl qalasyndaǵy qoǵamdyq tártipti baqylaýǵa shyǵatyn 22 jasar qazaq qyzy, jas leıtenant Zarına Elýbaeva bastaǵan shaǵyn top bir qylmysty izin sýytpaı ashýǵa qol jetkizdi.  Árıne, ol jyryndy baýkespeler jasaıtyn aýyr qylmys emes – velosıped urlyǵy. Biraq sonyń ózi múliktiń ıesine qanshalyqty psıhologııalyq soqqy, qoǵamǵa zalal bergenin umytpaý kerek.

Qalalyq polısııa basqarmasynyń jergilikti polısııa qyzmeti bólimi bastyǵynyń orynbasary, polısııa podpolkovnıgi Aıdyn Ahmaǵambetovtyń aıtýyna qaraǵanda  osyndaı velosıped urlyǵy patrýldegi jasaqtyń kúshimen birinshi ret ashylyp otyr eken. «Zarına Elýbaeva - polısııa ofıseri, IIM Qostanaı akademııasynyń túlegi. Jas qyzmetker jaýapkershilik jáne  eńbekqorlyǵymen erekshelenedi», - deıdi ol.

Oqıǵa bylaı bolǵan. Kún saıyn qaladaǵy qoǵamdyq tártipti baqylaýǵa 550 adamdyq qyzmetkerler birneshe top bolyp shyǵatyn bolsa, Zarına bastaǵan top ta sonyń biri bolǵan. Ol qalanyń Internasıonal kóshesinen Chaıkovskıı kóshesine deıin Áýezov kóshesindegi №497 kvartalǵa baqylaý júrgizgen. Jasaq quramynda Zarına Elýbaevadan basqa qatardaǵy polıseı Qaısar Botpaev jáne Ulttyq ulannyń Áskerı ınstıtýtynyń úsh kýrsanty bolǵan. Keshki saǵat 5 shamasynda Bóketov kóshesindegi dúkenderdiń biriniń aldynan qymbat baǵaly Centurion velosıpedi urlandy degen habar túsedi.

Sol tóńirekti baqylap júrgen Zarınanyń kózi Áýezov kóshesiniń boıyndaǵy aýlalardyń birinde sıpattamasy urlanǵan múlikke keletin velosıpedti shalyp qalady. Qyraǵy leıtenant jasaǵyna ony mingen adamdy jedel ustaýǵa komanda berip, uryny bultartpaı quryqtaıdy. Bul shynynda da dúkenniń janynan urlanǵan velosıped ekeni anyqtalady. Iesi óziniń múlkin jazbaı tanıdy. Shaqyrylǵan jedel-tergeý toby atalǵan qylmysqa qatysty qajetti prosessýaldyq is-áreketterin jalǵastyryp, osy fakti Qylmystyq kodekstiń «Urlyq» baby boıynsha sotqa deıingi tergep-tekserý jumystaryna kirisip ketti. Qazir olar kúdiktininiń basqa da uqsas qylmystarǵa qatysy bar-joǵyn tekserýde.

Sóıtip, jas leıtenant óziniń mindetine jaýapkershilikpen qarap, qyraǵylyq kórsetkendiginiń arqasynda maqtaýǵa ilekti. Onyń eńbegin adal baǵalaý aldaǵy kúnderdiń mindeti bolsa kerek.

PETROPAVL

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar