Qazaqstan • 04 Mamyr, 2020

«Tynys» ókpeni jasandy jeldetý apparattaryn shyǵarýdy 15 esege arttyrady

21 retkórsetildi

«Tynys» zaýyty («Qazaqstan ınjınırıng» AQ-nyń enshiles kásiporny), koronavırýstyq pandemııaǵa qarsy sharalar aıasynda adam ókpesin jasandy jeldetý apparattarynyń óndirisin arttyrdy, dep habarlady IIDM baspasóz qyzmeti.

2020 jylǵa arnalǵan osy ónimniń óndiristik jospary jylyna 15 eseden astamǵa (500 dana jıyntyq ónimge deıin) ulǵaıtyldy. Qazir zaýyt jumysshylary eki aýysymda jumys istep jatyr. Buǵan deıin zaýyt jylyna 30 dana jıyntyq qondyrǵylardy shyǵaryp kelgenin aıta ketý kerek.

«Tynys» ókpeni jasandy jeldetýge arnalǵan qurylǵylar shyǵaratyn Qazaqstan Respýblıkasyndaǵy jalǵyz kásiporyn.  «Kókshetaý-4P» apparaty óziniń man qyrly óyzmetin jedel járdem mashınasynda da, jansaqtaý bóliminde de atqara beredi.

Qazirdiń ózinde 19 danadan turatyn  apparattardyń alǵashqy partııa elimizdegi medısınalyq mekemelerge jetkizildi jáne 40-tan astamy qoımada jóneltilýge daıyn tur.

Sonymen qatar, atalmysh kásiporyn maqta matalarynan qaıta paıdalanýǵa bolatyn medısınalyq maskalar óndirisin ıgerdi. Bul qorǵanysh zattarymen Aqmola oblysynyń medısınalyq, memlekettik mekemeleri men jeke kásiporyndary qamtamasyz etilgen.

Esterińizge sala keteıik, «Tynys» shyǵaratyn negizgi ónimder - bul ushaqtarǵa arnalǵan qosalqy bólshekter, QR kúshtik qurylymdary úshin jeke qorǵanys quraldary. Sondaı-aq, munaı-gaz, temirjol salasy jáne t.b. úshin de arnaıy azamattyq ónimder shyǵarady.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar