Aımaqtar • 05 Mamyr, 2020

Jambyl oblysynda «Biz birgemiz!» qaıyrymdylyq aksııasy jalǵasýda

39 retkórsetildi

Búgingi tańda koronavırýs indetiniń aldyn alý máselesi óte ózekti. Sonymen qatar, karantın kezinde halyqtyń áleýmettik osal toptaryn qoldaý da aıryqsha mańyzǵa ıe. Qazirgi kezde Jambyl oblystyq Qazaqstan halqy assambleıasynyń músheleri men qoǵamdyq birlestikteri, óńirdegi ózge etnos ókilderiniń mesenattary azamattyq belsendilik tanytýda. Olar áleýmettik osal toptaǵy 9333 adamǵa 16 mıllıon teńgeden astam qarajat kóleminde túrli qaıyrymdylyq sharalaryn uıymdastyrdy.

Atap aıtqanda, respýblıkalyq «Biz birgemiz!» qaıyrymdylyq aksııasy aıasynda Jambyl oblystyq «Vynhýa» dúngender assosııasynyń mádenı ortalyǵy 1 mıllıon 100 000 teńge qarajatqa 120 otbasyǵa azyq-túlik sebetterin jáne 100 000 teńgege 2000 medısınalyq maska taratty. Atalǵan birlestiktiń ókili Rýslan Ismazovtyń bastamasymen Almaty qalasynda turatyn az qamtylǵan dúngen otbastaryna elde jarııalanǵan tótenshe jaǵdaıdyń aldyn alý maqsatynda 4 mıllıon 500 000 teńgege 35 tonna azyq-túlik túrindegi gýmanıtarlyq kómek jiberilgen. «Biz birgemiz» aksııasy aıasynda Jambyl aýdany turǵyndaryna 1 mıllıon teńgege 7 tonna azyq-túlik úlestirilse, aýdannyń Grodekovo, Jalpaqtóbe aýyldarynyń baqylaý beketinde turǵan medısına, áskerı jáne quqyq qorǵaý organdarynyń qyzmetkerlerine 945 000 teńgege túski as uıymdastyrylǵan. Sonymen qatar, Qordaı aýdany, Sortóbe aýylynyń ákimdigi eriktilermen birlese otyryp aýdannyń Sortóbe, Qarakemer, Aýqatty, Karasaı, Eńbek aýyldarynyń 305 otbasyna 1 mıllıon 200 000 teńgege jáne Aýqatty, Masanchı jáne Bular Batyr aýyldarynyń az qamtylǵan 72 otbasyna 220 000 teńgege qaıyrymdylyq kómek kórsetken. Sondaı-aq, «Biz birgemiz!» aksııasy boıynsha Jambyl aýdany, Jalpaqtóbe aýylyndaǵy meshit qyzmetkerleriniń jáne dúngen etnobirlestiginiń qoldaýymen Túrksib aýylynda turatyn karantınge jabylǵan kópqabatty úıdiń 22 turǵynyna 250 000 teńge kóleminde azyq-túlik sebetterimen qaıyrymdylyq jasalsa, Qordaı aýdany, Qarasaı aýylynyń  kesenelerin qorshaý jumystaryna kómek retinde 260 000 teńge kóleminde qaıyrymdylyq kórsetken. Qoryta kele, jalpy, oblystaǵy dúngen etnomádenı birlestigi ókilderi tarapynan barlyǵy - 9 575 000 teńge kóleminde ıgi is atqaryldy.

Oblystyq «Mahmut Qashqarı atyndaǵy Uıǵyr etnomádenı birlestigi» Tarazdaǵy 5-móltekaýdanda ornalasqan №25-jataqhananyń múmkindigi shekteýliler sanatyndaǵy turǵyndary men az qamtylǵan kópbalaly 80 otbasyna 1 mıllıon teńge kóleminde azyq-túlik sebetterimen qaıyrymdylyq jasady. Al, «Áýlıe Ata» qazaq mádenı ortalyǵy» qoǵamdyq birlestigi áleýmettik osal toptaǵy otbasylarǵa 30 dana medısınalyq maska, 15 dana antıseptıkalyq zattar jáne azyq-túliktermen qamtamasyz etken. Sonymen qatar, 30 az qamtylǵan otbasyna barlyǵy 35 000 teńge kóleminde qaıyrymdylyq kórsetken. Sol sııaqty «Ahyska» túrik etnomádenı ortalyǵynyń» Jambyl oblystyq fılıaly  100 000 teńgege 15 otbasyn antıseptıkalyq zattarmen jáne 10 otbasyn 100 000 teńgege azyq-túlik túrlerimen qamtamasyz etken. Jáne mesenattar tarapynan barlyǵy 1 mıllıon 500 000 teńgege kómek kórsetilgen. Al, Jambyl oblysynyń «Shıvat Sıon» evreıler mádenıet ortalyǵy» qoǵamdyq birlestiginiń tarapynan turǵyndar 500 medısınalyq maska, 350 antıseptık, dezınfeksııalaý quraldary jáne jeke gıgıena zattarymen qamtylsa, kópshilikke 200 kılogramm evreı halqynyń ulttyq nany «MASA» jáne balalarǵa 25 syılyq berilgen. Sondaı-aq, 15 az qamtylǵan otbasyna 175 000 teńgege azyq-túlik sebeti daıyndalyp, taratylǵan. Taraz qalasy, Shý jáne Merki aýdandarynyń 13 qartyna 315 000 teńgege 3 tońazytqysh, 85 000 teńgege gaz plıta satyp alynyp, 125 000 teńgege dári-dármek pen gıgıenalyq zattar retinde qaıyrymdylyq kómek kórsetildi. Al, «Samshoblo»  grýzın etnomádenı birlestigi» 30 000 teńgege qala turǵyndaryna 100 maska jáne 50 antıseptıkalyq zattar taratsa, «Jambyl oblystyq grekter qoǵamy» qaladaǵy 10 otbasyna, jáne 8 Uly Otan soǵysynyń qatysýshylaryna kommýnaldyq tólemderin tólep bergen. Barlyǵy 460 000 teńgege qarjylaı kómek kórsetilgen. Sol sııaqty, «Jambyl oblystyq tájikter qoǵamy» 69 000 teńge kóleminde 4 jaǵdaıy tómen otbasyna kómektesip jáne 100 betperde taratsa, «Turan» ázerbaıjan etnomádenı birlestigi» 25 000 teńgege jaǵdaıy tómen otbasyna kómektesken. Jáne «Nızamı» ázerbaıjan etnomádenı birlestigi» 25 000 teńgege jaǵdaıy tómen otbasyna qol ushyn sozsa, «Hazar»   ázerbaıjan etnomádenı birlestigi» jaǵdaıy tómen jergilikti 35 otbasyna 268 000 teńge kóleminde kómektesti. Oblystyq «Barbang» kúrdiler qoǵamdyq birlestigi» jaǵdaıy tómen 1 otbasyna 12 500 teńge kóleminde qoldaý kórsetti. Qordaı aýdandyq «Otechestvo» ulttyq ortalyǵy» slavıan qoǵamdyq birlestigi jergilikti 500 adamǵa 1000 medısınalyq maska taratsa, Taraz qalalyq «О́zbek» etnomádenı birlestigi» 50 adamǵa 2500 teńgege 50 maska taratqan. Oblystyq «О́zbek» etnomádenı birlestiginiń» múshesi Shýhrat Ernazarovtyń qoldaýymen «Nematbaı» meshiti aýdanynda az qamtylǵan 10 otbasyna 300 myń teńge kóleminde qaıyrymdylyq kómek kórsetilse, 2  adamdy jerleý úshin 200 000 teńge bólingen. Al, «Arhyz» respýblıkalyq qoǵamdyq birlestiginiń «Birlik» qarashaı-balqarlardyń Jambyl fılıaly»  elge 50 maska, 20 antıseptık túrinde kómek kórsetip, birlestiktiń eń belsendi múshesi Tatıana Apaeva jerigilikti az qamtylǵan 10 otbasyna 312500 teńgege qaıyrymdylyq jasaǵan. Sol sııaqty, «Ravnoapostolnyı Kırıll jáne Mefodıı atyndaǵy Jambyl oblysy, Merki aýdandyq slavıandar» qoǵamdyq birlestigi 50 adamǵa 50 maska túrinde kómektesse, «Vaınah» Jambyl sheshen-ınǵush mádenı ortalyǵy» 14 az qamtylǵan otbasyna 50 000 teńgeniń shamasynda zattaı jáne azyq-túlikteı qaıyrymdylyq jasady. Al, Jambyl oblysynyń Merki aýdandyq «Respýblıkalyq Ázirbaıjandar qaýymdastyǵy» fılıaly jergilikti 50 adamǵa 170 000 teńgege azyq-túlikteı kómek kórsetse, «Barbang» kúrdiler assosıasııasynyń Jambyl oblysyndaǵy respýblıkalyq  fılıaly» Shý aýdanyndaǵy ókildigi blok-bekettegi medısına men polısııa qyzmetkerlerine 100 000 teńgege túski as uıymdastyrǵan. Sonymen qatar áleýmettik osal toptaǵy 30 otbasyna 300 000 teńge kólesinde qaıyrymdylyq kórsetken. «Ahyska» túrik etnomádenı ortalyǵy» Jambyl oblystyq fılıalynyń Merki aýdanyndaǵy ókildigi 11 az qamtylǵan otbasyna 154 000 teńgege qaıyrymdylyq jasasa, «Jambyl oblystyq ózbek etnomádenı birlestiginiń» Merki aýdanyndaǵy ókildigi  aýdan turǵyndaryna qoldan tigilgen 500 betperde taratty jáne 10 az qamtylǵan otbasyna 150 000 teńgege kómek kórsetti. Sonymen qatar, 10 otbasyna 50 000 teńgege kúndelikti nan úlestirilýde.

О́ńirdegi ózge ult ókilderiniń qoǵamdyq birlestikterimen qatar, oblystyq Qazaqstan halqy assambleıasynyń «Analar keńesi» de kópbalaly 10  otbasyn 194 myń 470 teńgege azyq-túlikpen qamtamasyz etken. Sonymen qatar, 24 áleýmettik jaǵdaılary tómen kópbalalaly  analarǵa 650 000 teńge kóleminde azyq-túlik paketteri taratylǵan. Sondaı-aq, oblystyq Qazaqstan halqy assambleıasy «Jańǵyrý joly jastar qozǵalysynyń» belsendi jastary Taraz qalasynyń jáne Jambyl aýdany, Grodekovo aýylynyń 30 az qamtylǵan jáne kópbalaly otbasylaryna 300 000 teńge kóleminde azyq-túlikpen qaıyrymdylyq jasaǵan. Buǵan qosa Jambyl aýdanynyń Qaratóbe, Qyzylqaınar, Aısha bıbi, Jambyl aýyldarynyń 1500 az qamtylǵan turǵyndaryna da oblystyq assambleıanyń eriktiler qozǵalysy tobymen medısınalyq maskalar berilgen. Al, Asa, Qarasý, Jambyl, Qaroı, Aqbastaý, О́rnek, Polatqosshy jáne Grodekovo aýyldaryndaǵy 75 otbasyna 750 000 teńgege azyq-túlik sebeti taratyǵan. Sondaı-aq, Jambyl aýdandyq «Jastar resýrstyq ortalyǵy» 33 otbasyna 307 000 teńgege azyq-túlik sebetin taratý  túrinde kómek kórsetken. Oblystyq assambleıanyń eriktileri men Jambyl aýdandyq «Jastar resýrstyq ortalyǵy» jastarynyń  qaıyrymdylyq is-sharalary  boıynsha barlyǵy 1 mıllıon 357 teńge shamasynda kómek kórsetilgen.

 

Jambyl oblysy

Sońǵy jańalyqtar

Qylmystyq top qarajatty ofshorǵa aýdarǵan

Ekonomıka • Búgin, 15:50

Jigittiń jaqsysy

Rýhanııat • Búgin, 15:30

Erık Kantona kósh bastap tur

Aımaqtar • Búgin, 15:16

Almatyda HQO-lar jumysyn qaıta bastady

Aımaqtar • Búgin, 13:00

Kooperatıv kópke kerek

Aımaqtar • Búgin, 10:39

Nur-Sultanda eki jańa kópir ashylady

Aımaqtar • Búgin, 09:57

Joldybaıdaǵy jol jóndelmeı tur

Aımaqtar • Búgin, 09:49

Pavlodarda kásiporyndar shyǵyny ótelgen

Aımaqtar • Búgin, 09:42

Uqsas jańalyqtar