Qazaqstan • 07 Mamyr, 2020

Aıbyndy Alash áskeri

44 retkórsetildi

Táńirimiz Táýelsizdikti tartý etkeli tórtkúl dúnıemen terezemiz teńeldi, keregemiz keńeıdi. Shekarany shegelep, barymyzdy baǵamdadyq, joǵymyzdy túgendedik. Kókte – Kók Baıraǵymyz, tómende otty aıbarymyz – Alash áskeri saltanat quryp tur! Ol – búgingi beıbit ómirdiń shaıqalmaǵan tunyǵynyń, erteńgi egemen eldiń myzǵymaıtyn tuǵyrynyń aıǵaǵy! Namystyń – naızasy, jigerdiń – qaıraǵy!

Sýretti túsirgen Erlan OMAR, «EQ»

Qorǵany joq memlekettiń bolashaǵy da joq. Qatparly tarıhty qazyp-aqtarǵan sa­ıyn kózimiz osyǵan jetti. Saqtardyń saltyn, ǵundardyń ǵurpyn ustanyp, túbi bir túrki jurtynyń altyn besigin atameken, atajurt dep tanydyq. Sony ǵana aıalap, qorǵaǵymyz keldi, bireýge qul, bireýge kúń bolǵymyz kelmedi. Bálkim, «egeýli naıza qolǵa alǵan, eńký-eńký jer shalǵan» (Mahambet) batyrlar men bahadúrlerdiń erligi bolmasa – qazaqtyń búgingi eldigi de bolmas edi. Er jastanyp, tún qatqan, alty maltany as kórip, súıem jer úshin súıegin bergen, alshaıyp turyp at mingen arǵy atalardyń qaısarlyǵy, táýbe, búgingi urpaqtyń da boıynan tabylady. Aıbyndy armııamyz – sonyń dáleli!

Olar:

Teńizde – arystan jaldy tolqynmen arpalysyp, jaraqtalady.

Áýede – altyn kúnniń nuryna shaǵy­lysyp, qanattanady.

Qurlyqta – Kúlteginniń túmen-túmen qolyndaı Altaıdan Atyraýǵa deıin tarap barady.

Teńiz. Áýe. Qurlyq áskerleri... Táýelsizdiktiń úsh keńistiktegi úsh túrli qalqany. Abaı aıtqan adamdyqtyń qasıeti de úsheý emes pe edi? «Ystyq qaırat, nur­ly aqyl, jyly júrek». Ulttyq rýhpen sýǵa­rylǵan osynaý qasıet úsh keńistik sar­darlarynyń boıyna sińip ketti. Olar­dyń adamdyqtan attamaýynyń da, jaýyz­dyqty jaqtamaýynyń da, eńsesi tómendi taptamaýynyń da syry – osynda!

Biraq osy Úsheýi birikse – aıanbaıdy. Olar jumsa – judyryq, ashsa – alaqan! Sony bilip el irgesine jaý taıanbaıdy. Ásilinde, Alash – Alash bolǵaly, ala taı at bolǵaly jatqa tize batyrmadyq, jaýlyq shaqyrmadyq! «Qazaq tarıhynda qazaq uıalatyndaı eshteńe joq» (N.Nazarbaev). Rýhymyz jasyq emes, betimiz ashyq. Sol súrleýden jańylǵan joqpyz. Keńes Odaǵy ydyrap, óz aldyna otaý qurǵan Qazaq eli osynaý otyz jylǵa jýyqtaǵan tarıhı jolynda qynnan qylysh sýyryp, óz betimen bireýge oq atqan emes. Alash – orman bolǵanda, ásker – qorǵan! Jelige qulyn baılatqan elmiz. «Eshkimge soqtyqpaı jaı jatqan elmiz...» (Qazybek bı).

Qazaqstan Qarýly Kúshteriniń qaıratyn tanyǵyńyz kelse, shaıdaı ashyq aspanǵa zer salyńyzshy. Jaý ushaǵynan oq borap, aqsha bultyńyzdy otqa orap jatpaǵanyna qarap, súısinińizshi. Kózińizden monshaq-monshaq jasyńyz domalap, tus-tusyńyzdan dushpan kelip tabalap jatpaǵanyna qarap, sheksiz tańyrqaı berińizshi.

Mine! Kúshtik qurylymdardyń qaıraty – osy! Beıbit kúnniń beınesine aınalyp, qaraýylda Qazaq áskeri tur.

 

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar